ಹಲವು ಸಂಗತಿಗಳ ಪ್ರಭಾವ

ಮಂಗಳವಾರ, ಮೇ 21, 2019
32 °C

ಹಲವು ಸಂಗತಿಗಳ ಪ್ರಭಾವ

Published:
Updated:

ನವದೆಹಲಿ (ಪಿಟಿಐ): ಮುಂಬೈ ಷೇರುಪೇಟೆಯಲ್ಲಿ ಈ ವಾರವೂ ಏರಿಳಿತ ಕಂಡು ಬರಲಿದ್ದು, ವಹಿವಾಟಿನ ಮುಂದಿನ ನಡೆಯನ್ನು ಹಲವಾರು ವಿದ್ಯಮಾನಗಳು ನಿರ್ಧರಿಸಲಿವೆ.



ಭಾರತೀಯ ರಿಸರ್ವ್ ಬ್ಯಾಂಕ್‌ನ ಮಧ್ಯಂತರ ತ್ರೈಮಾಸಿಕ ಪರಾಮರ್ಶೆ, ಕೈಗಾರಿಕಾ ಉತ್ಪಾದನಾ ಸೂಚ್ಯಂಕ, ಆಗಸ್ಟ್ ತಿಂಗಳ ಹಣದುಬ್ಬರ ಮುಂತಾದವು ವಹಿವಾಟಿನ ಮೇಲೆ ಪ್ರಭಾವ ಬೀರಲಿವೆ. `ಆರ್‌ಬಿಐ~ ಕೈಗೊಳ್ಳಲಿರುವ ಮತ್ತು ಕೈಗೊಳ್ಳದ ನಿರ್ಧಾರಗಳು ಸಂವೇದಿ ಸೂಚ್ಯಂಕದ ಗತಿ  ನಿರ್ಧರಿಸಲಿವೆ ಎಂದು ಷೇರುಪೇಟೆ ಪರಿಣತರು ಅಂದಾಜಿಸಿದ್ದಾರೆ.



ಜಾಗತಿಕವಾಗಿ ಎಲ್ಲರ ದೃಷ್ಟಿ ಈಗ ಅಮೆರಿಕದ ಮೇಲೆ ಇದೆ. ಅಧ್ಯಕ್ಷ ಬರಾಕ್ ಒಬಾಮ ಅವರ ಉದ್ದೇಶಿತ ಆರ್ಥಿಕ ಉತ್ತೇಜನಾ ಕೊಡುಗೆಗಳಿಗೆ ಅಮೆರಿಕದ ಕಾಂಗ್ರೆಸ್ ಅನುಮೋದನೆ ನೀಡುವ ಮತ್ತು ಗ್ರೀಕ್‌ನ ಸಾಲದ ಬಿಕ್ಕಟ್ಟಿಗೆ ಯೂರೋಪ್ ಪರಿಹಾರ ಕಂಡುಕೊಳ್ಳುವ ವಿಚಾರವೂ ಪ್ರಭಾವ ಬೀರಲಿದೆ. ಇದರ ಜತೆಗೆ ಈ ತಿಂಗಳ 16ರಂದು ಪ್ರಕಟಗೊಳ್ಳಲಿರುವ `ಆರ್‌ಬಿಐ~ನ ಧೋರಣೆ ಕೂಡ ಪ್ರಮುಖವಾಗಿ ಪರಿಗಣನೆಗೆ ಬರಲಿದೆ ಎಂದು ಬೋನಾಂಜಾ ಪೋರ್ಟ್‌ಫೋಲಿಯೊದ ಹಿರಿಯ ಸಂಶೋಧನಾ ವಿಶ್ಲೇಷಕ ಶಾನು ಗೋಯೆಲ್ ಅಭಿಪ್ರಾಯಪಟ್ಟಿದ್ದಾರೆ.



ಆರ್ಥಿಕ ಉತ್ತೇಜನಾ ಕೊಡುಗೆಗಳ ಬಗ್ಗೆ ಅಮೆರಿಕದ ಫೆಡರಲ್ ರಿಸರ್ವ್‌ನ  (ಕೇಂದ್ರೀಯ ಬ್ಯಾಂಕ್) ಅಧ್ಯಕ್ಷ ಬೆನ್ ಬೆರ್ನಂಕೆ ಅವರು ಕೂಡ ಯಾವುದೇ ಇಂಗಿತ ನೀಡದಿರುವುದು ಹೂಡಿಕೆದಾರರಲ್ಲಿ ಕಳವಳ ಮೂಡಿಸಿದೆ. ಶುಕ್ರವಾರ  ಜಾಗತಿಕ ಷೇರುಪೇಟೆಯ ವಹಿವಾಟು ಕುಸಿದಿರುವುದು, ಅರ್ಥ ವ್ಯವಸ್ಥೆಯಲ್ಲಿ ಎಲ್ಲವೂ ಸರಿ ಇಲ್ಲದಿರುವುದನ್ನು ಮತ್ತೊಮ್ಮೆ ನೆನಪಿಸಿದೆ.

ಇರ್ತಾರಾ ಮೋದಿ? ಬರ್ತಾರಾ ರಾಹುಲ್?

ಲೋಕಸಭೆ ಫಲಿತಾಂಶಕ್ಕಾಗಿ ವಿಶ್ವವೇ ಬೆರಗುಗಣ್ಣಿನಿಂದ ಕಾಯುತ್ತಿದೆ. ನರೇಂದ್ರ ಮೋದಿ ಗೆಲ್ತಾರಾ? ರಾಹುಲ್‌ ಗಾಂಧಿ ಬರ್ತಾರಾ? ರಾಜಕಾರಣದ ಕ್ಷಣಕ್ಷಣದ ಮಾಹಿತಿ, ತಾಜಾ ಅಪ್‌ಡೇಟ್‌ಗಳಿಗಾಗಿ www.prajavani.net/prajamatha ನೋಡಿ.

ಫೇಸ್‌ಬುಕ್‌ನಲ್ಲಿ ನಮ್ಮನ್ನು ಲೈಕ್ ಮಾಡಿ ಅಥವಾ ಟ್ವಿಟರ್, ಯೂಟ್ಯೂಬ್, ಇನ್‌ಸ್ಟಾಗ್ರಾಂನಲ್ಲಿ ಫಾಲೊ ಮಾಡಿ.

ತ್ವರಿತ ಸುದ್ದಿ, ನಿಖರ ವಿಶ್ಲೇಷಣೆಗೆ www.prajavani.net ಓದಿ. 'ಪ್ರಜಾವಾಣಿ' ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry