ಗುರುವಾರ , ಡಿಸೆಂಬರ್ 5, 2019
19 °C
ಎಸ್ಐಎಎಂ ವರದಿ

ಅಕ್ಟೋಬರ್‌ನಲ್ಲಿ ವಾಹನ ಮಾರಾಟ ಶೇ 0.28 ಹೆಚ್ಚಳ; ಉತ್ಪಾದನೆ ಶೇ 21.14 ಇಳಿಕೆ

Published:
Updated:
ಮಾರಾಟಕ್ಕೆ ಸಜ್ಜಾಗಿರುವ ಕಾರುಗಳು – ಸಂಗ್ರಹ ಚಿತ್ರ

ಬೆಂಗಳೂರು: ಕಳೆದ ತಿಂಗಳು ದೇಶೀಯ ಮಾರುಕಟ್ಟೆಯಲ್ಲಿ ಒಟ್ಟು ಪ್ರಯಾಣಿಕ ವಾಹನ ಮಾರಾಟ ಶೇ 0.28ರಷ್ಟು ಹೆಚ್ಚಳ ಕಂಡಿರುವುದಾಗಿ ಭಾರತೀಯ ವಾಹನ ತಯಾರಿಕಾ ಕಂಪೆನಿಗಳ ಒಕ್ಕೂಟ(ಎಸ್ಐಎಎಂ) ಹೇಳಿದೆ. 

2019ರ ಅಕ್ಟೋಬರ್‌ನಲ್ಲಿ 2,85,027 ಪ್ರಯಾಣಿಕ ವಾಹನಗಳು ಮಾರಾಟಗೊಂಡಿವೆ ಎಂದು ಎಸ್ಐಎಎಂ ತನ್ನ ವರದಿಯಲ್ಲಿ ತಿಳಿಸಿದೆ. ಕಳೆದ ವರ್ಷ ಇದೇ ಅವಧಿಯಲ್ಲಿ ಮಾರಾಟಗೊಂಡ ಒಟ್ಟು ಪ್ರಯಾಣಿಕ ವಾಹನಗಳ ಸಂಖ್ಯೆ 2,84,223. 

ಆದರೆ, ಅಕ್ಟೋಬರ್‌ನಲ್ಲಿ ಪ್ರಯಾಣಿಕ ವಾಹನಗಳ ಉತ್ಪಾದನೆ ಶೇ 21.14ರಷ್ಟು ಇಳಿಕೆಯಾಗಿದ್ದು, ರಫ್ತು ವಹಿವಾಟು ಸಹ ಶೇ 2.18ರಷ್ಟು ಕುಸಿದಿದೆ. ಕಳೆದ ತಿಂಗಳು ಒಟ್ಟು 2,69,186 ಪ್ರಯಾಣಿಕ ವಾಹನಗಳನ್ನು ತಯಾರಿಸಲಾಗಿದೆ.

ಇದನ್ನೂ ಓದಿ: ಏನಿದು ‘ಬಿಎಸ್‌–6?’: ವಾಹನ ಖರೀದಿಗೂ ಮುನ್ನ ನಿಮಗಿದು ತಿಳಿದಿರಲಿ

ಕಳೆದ ತಿಂಗಳು ಮಾರಾಟಗೊಂಡಿರುವ ಒಟ್ಟು ವಾಹನಗಳ ಪೈಕಿ ಪ್ರಯಾಣಿಕ ಕಾರುಗಳ ಪ್ರಮಾಣ 1,73,549. ಕಾರುಗಳ ಮಾರಾಟವನ್ನೇ ಪ್ರತ್ಯೇಕವಾಗಿ ಗ್ರಹಿಸಿದರೆ, ಶೇ 6.34ರಷ್ಟು ಮಾರಾಟ ಕುಸಿದಿದೆ. ಕಳೆದ ವರ್ಷಕ್ಕೆ ಹೋಲಿಸಿದರೆ 1,62,343 ಕಾರುಗಳ ಉತ್ಪಾದನೆಯೊಂದಿಗೆ ಶೇ 30.22ರಷ್ಟು ಉತ್ಪಾದನೆ ಇಳಿಕೆಯಾಗಿದೆ.  

ಇದನ್ನೂ ಓದಿ: ವಾಹನ ಮಾರಾಟ ಭಾರಿ ಕುಸಿತ

ಪ್ರಯಾಣಿಕ ವಾಹನಗಳು, ವಾಣಿಜ್ಯ ವಾಹನಗಳು ಹಾಗೂ ದ್ವಿಚಕ್ರ ವಾಹನಗಳನ್ನು ಒಳಗೊಂಡಂತೆ ಸ್ಥಳೀಯ ಮಾರುಕಟ್ಟೆಯಲ್ಲಿ ಮಾರಾಟ ಪ್ರಮಾಣ ಕಳೆದ ವರ್ಷಕ್ಕೆ ಹೋಲಿಸಿದರೆ ಶೇ 12.76ರಷ್ಟು ಇಳಿಕೆಯಾಗಿದೆ. ದ್ವಿಚಕ್ರ ವಾಹನಗಳ ರಫ್ತು ವಹಿವಾಟು ಶೇ 8.03ರಷ್ಟು ಪ್ರಗತಿ ಕಂಡಿದ್ದು, ಉತ್ಪಾದನೆ ಶೇ 26.57ರಷ್ಟು ಕುಸಿದಿದೆ.

ಪ್ರತಿಕ್ರಿಯಿಸಿ (+)

ಈ ವಿಭಾಗದಿಂದ ಇನ್ನಷ್ಟು