<p><strong>ನವದೆಹಲಿ:</strong> ದೇಶದಲ್ಲಿ ₹43 ಲಕ್ಷ ಕೋಟಿಯಷ್ಟು ನೇರ ತೆರಿಗೆ ಬಾಕಿ ಉಳಿದಿದೆ. ಈ ಪೈಕಿ ಮೂರನೇ ಎರಡರಷ್ಟು ತೆರಿಗೆ ವಸೂಲಾತಿಯು ತೀರಾ ಕಷ್ಟಕರವಾಗಿದೆ ಎಂದು ಆದಾಯ ತೆರಿಗೆ ಇಲಾಖೆಯು, ಹಣಕಾಸಿಗೆ ಸಂಬಂಧಿಸಿದಂತೆ ರಚಿಸಿರುವ ಸಂಸದೀಯ ಸಮಿತಿಗೆ ತಿಳಿಸಿದೆ. </p>.<p>ನೇರ ತೆರಿಗೆ ಬಾಕಿ, ಅದರ ವಸೂಲಾತಿಗೆ ಕೈಗೊಂಡಿರುವ ಕ್ರಮ ಹಾಗೂ ವಸೂಲಾತಿ ಅವಧಿ ವಿಸ್ತರಣೆಗೆ ಸಂಬಂಧಿಸಿದಂತೆ ಸಮಿತಿಯು ಕೇಳಿದ ಪ್ರಶ್ನೆಗೆ, ಕೇಂದ್ರೀಯ ನೇರ ತೆರಿಗೆಗಳ ಮಂಡಳಿಯ (ಸಿಬಿಡಿಟಿ) ಅಧ್ಯಕ್ಷರು ಈ ಉತ್ತರ ನೀಡಿದ್ದಾರೆ. ಸಂಸತ್ನಲ್ಲಿ ಈ ವರದಿ ಮಂಡಿಸಲಾಗಿದೆ.</p>.<p>‘ಈ ಬಾಕಿ ತೆರಿಗೆ ಮೊತ್ತವು 90ರ ದಶಕಕ್ಕೆ ಸಂಬಂಧಿಸಿದ್ದಾಗಿದೆ. ಆ ವೇಳೆ ತೆರಿಗೆ ದಾಖಲೆಗಳು ಕೈಬರಹದ ರೂಪದಲ್ಲಿವೆ’ ಎಂದು ವಿವರಿಸಿದ್ದಾರೆ. </p>.<p>ಬಾಕಿ ತೆರಿಗೆಯಲ್ಲಿ ₹10.55 ಲಕ್ಷ ಕೋಟಿಯು ಐದು ಅಥವಾ ಅದಕ್ಕಿಂತ ಹೆಚ್ಚಿನ ವರ್ಷಗಳಿಗೆ ಸಂಬಂಧಿಸಿದ್ದಾಗಿದೆ. 90ರ ದಶಕದ ಹಿಂದಿನ ಬಾಕಿಯೂ ಈ ಮೊತ್ತದಲ್ಲಿ ಸೇರಿದ ಎಂದು ವರದಿಯಲ್ಲಿ ವಿವರಿಸಲಾಗಿದೆ.</p>.<p>ಒಟ್ಟು ₹43 ಲಕ್ಷ ಕೋಟಿಯ ಪೈಕಿ ₹28.95 ಲಕ್ಷ ಕೋಟಿ (ಶೇ 67ರಷ್ಟು) ವಸೂಲಾತಿಯು ಕಷ್ಟಕರವಾಗಿದೆ. ಈ ಪೈಕಿ ಕಾಲ್ಪನಿಕವಾಗಿ ನಮೂದಿಸಿರುವ ಮೊತ್ತವೂ ಇದೆ. ಬಾಕಿ ಮೊತ್ತವು ಡಿಜಿಟಲ್ ಪ್ರಕ್ರಿಯೆ ಆರಂಭಕ್ಕೂ ಮುಂಚಿನದ್ದಾಗಿದೆ. ಆದರೆ, ಈ ಮೊತ್ತಕ್ಕೆ ಹೊಸ ವ್ಯವಸ್ಥೆಯಡಿ ಬಡ್ಡಿ ಲೆಕ್ಕ ಹಾಕಲಾಗುತ್ತಿದೆ. ಇದರಿಂದ ಮೊತ್ತವು ಏರಿಕೆಯಾಗಿದೆ ಎಂದು ಹೇಳಿದೆ. </p>.<h2>ಸಿಬಿಡಿಟಿಗೆ ಸಮಿತಿಯ ಸಲಹೆ ಏನು?</h2>.<p>ತೆರಿಗೆ ಬಾಕಿ ಉಳಿಸಿಕೊಂಡರೆ ವಾರ್ಷಿಕವಾಗಿ ದಂಡವು ಹೆಚ್ಚುತ್ತದೆ. ಮತ್ತೆ ಈ ಮೊತ್ತವು ವಸೂಲಾಗುವುದಿಲ್ಲ. ಹಾಗಾಗಿ, ಪರಿಣಾಮಕಾರಿಯಾಗಿ ತೆರಿಗೆ ವಸೂಲಾತಿಗೆ ಸಂಬಂಧಿಸಿದಂತೆ ಈಗಿರುವ ತೆರಿಗೆ ಮೌಲ್ಯಮಾಪನ ವ್ಯವಸ್ಥೆಯನ್ನು ಪರಾಮರ್ಶೆ ಮಾಡುವ ಅಗತ್ಯವಿದೆ ಎಂದು ಸಲಹೆ ನೀಡಿದೆ.</p>.<p>ಹಾಲಿ ಇರುವ ತೆರಿಗೆ ಮೌಲ್ಯಮಾಪನ ವ್ಯವಸ್ಥೆಯಿಂದ ಪ್ರಾಮಾಣಿಕ ತೆರಿಗೆದಾರರಿಗೆ ಆಗುತ್ತಿರುವ ತೊಂದರೆಯನ್ನು ಸರಿಪಡಿಸಬೇಕಿದೆ. ಈ ಬಗ್ಗೆ ಅಧಿಕಾರಿಗಳು ಆತ್ಮಾವಲೋಕನ ಮಾಡಿಕೊಳ್ಳಬೇಕಿದೆ ಎಂದು ಹೇಳಿದೆ.</p>.<p>ನೈಜ ತೆರಿಗೆಯನ್ನು ವಸೂಲಿ ಮಾಡಬೇಕಿದೆ. ತೆರಿಗೆ ದಾಖಲೆಗಳನ್ನು ಡಿಜಿಟಲೀಕರಣಗೊಳಿಸಬೇಕು. ಬಾಕಿ ವಸೂಲಿಗೆ ಸಂಬಂಧಿಸಿದಂತೆ ಸಮಯ ನಿಗದಿಪಡಿಸಬೇಕಿದೆ ಎಂದು ಸೂಚಿಸಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ:</strong> ದೇಶದಲ್ಲಿ ₹43 ಲಕ್ಷ ಕೋಟಿಯಷ್ಟು ನೇರ ತೆರಿಗೆ ಬಾಕಿ ಉಳಿದಿದೆ. ಈ ಪೈಕಿ ಮೂರನೇ ಎರಡರಷ್ಟು ತೆರಿಗೆ ವಸೂಲಾತಿಯು ತೀರಾ ಕಷ್ಟಕರವಾಗಿದೆ ಎಂದು ಆದಾಯ ತೆರಿಗೆ ಇಲಾಖೆಯು, ಹಣಕಾಸಿಗೆ ಸಂಬಂಧಿಸಿದಂತೆ ರಚಿಸಿರುವ ಸಂಸದೀಯ ಸಮಿತಿಗೆ ತಿಳಿಸಿದೆ. </p>.<p>ನೇರ ತೆರಿಗೆ ಬಾಕಿ, ಅದರ ವಸೂಲಾತಿಗೆ ಕೈಗೊಂಡಿರುವ ಕ್ರಮ ಹಾಗೂ ವಸೂಲಾತಿ ಅವಧಿ ವಿಸ್ತರಣೆಗೆ ಸಂಬಂಧಿಸಿದಂತೆ ಸಮಿತಿಯು ಕೇಳಿದ ಪ್ರಶ್ನೆಗೆ, ಕೇಂದ್ರೀಯ ನೇರ ತೆರಿಗೆಗಳ ಮಂಡಳಿಯ (ಸಿಬಿಡಿಟಿ) ಅಧ್ಯಕ್ಷರು ಈ ಉತ್ತರ ನೀಡಿದ್ದಾರೆ. ಸಂಸತ್ನಲ್ಲಿ ಈ ವರದಿ ಮಂಡಿಸಲಾಗಿದೆ.</p>.<p>‘ಈ ಬಾಕಿ ತೆರಿಗೆ ಮೊತ್ತವು 90ರ ದಶಕಕ್ಕೆ ಸಂಬಂಧಿಸಿದ್ದಾಗಿದೆ. ಆ ವೇಳೆ ತೆರಿಗೆ ದಾಖಲೆಗಳು ಕೈಬರಹದ ರೂಪದಲ್ಲಿವೆ’ ಎಂದು ವಿವರಿಸಿದ್ದಾರೆ. </p>.<p>ಬಾಕಿ ತೆರಿಗೆಯಲ್ಲಿ ₹10.55 ಲಕ್ಷ ಕೋಟಿಯು ಐದು ಅಥವಾ ಅದಕ್ಕಿಂತ ಹೆಚ್ಚಿನ ವರ್ಷಗಳಿಗೆ ಸಂಬಂಧಿಸಿದ್ದಾಗಿದೆ. 90ರ ದಶಕದ ಹಿಂದಿನ ಬಾಕಿಯೂ ಈ ಮೊತ್ತದಲ್ಲಿ ಸೇರಿದ ಎಂದು ವರದಿಯಲ್ಲಿ ವಿವರಿಸಲಾಗಿದೆ.</p>.<p>ಒಟ್ಟು ₹43 ಲಕ್ಷ ಕೋಟಿಯ ಪೈಕಿ ₹28.95 ಲಕ್ಷ ಕೋಟಿ (ಶೇ 67ರಷ್ಟು) ವಸೂಲಾತಿಯು ಕಷ್ಟಕರವಾಗಿದೆ. ಈ ಪೈಕಿ ಕಾಲ್ಪನಿಕವಾಗಿ ನಮೂದಿಸಿರುವ ಮೊತ್ತವೂ ಇದೆ. ಬಾಕಿ ಮೊತ್ತವು ಡಿಜಿಟಲ್ ಪ್ರಕ್ರಿಯೆ ಆರಂಭಕ್ಕೂ ಮುಂಚಿನದ್ದಾಗಿದೆ. ಆದರೆ, ಈ ಮೊತ್ತಕ್ಕೆ ಹೊಸ ವ್ಯವಸ್ಥೆಯಡಿ ಬಡ್ಡಿ ಲೆಕ್ಕ ಹಾಕಲಾಗುತ್ತಿದೆ. ಇದರಿಂದ ಮೊತ್ತವು ಏರಿಕೆಯಾಗಿದೆ ಎಂದು ಹೇಳಿದೆ. </p>.<h2>ಸಿಬಿಡಿಟಿಗೆ ಸಮಿತಿಯ ಸಲಹೆ ಏನು?</h2>.<p>ತೆರಿಗೆ ಬಾಕಿ ಉಳಿಸಿಕೊಂಡರೆ ವಾರ್ಷಿಕವಾಗಿ ದಂಡವು ಹೆಚ್ಚುತ್ತದೆ. ಮತ್ತೆ ಈ ಮೊತ್ತವು ವಸೂಲಾಗುವುದಿಲ್ಲ. ಹಾಗಾಗಿ, ಪರಿಣಾಮಕಾರಿಯಾಗಿ ತೆರಿಗೆ ವಸೂಲಾತಿಗೆ ಸಂಬಂಧಿಸಿದಂತೆ ಈಗಿರುವ ತೆರಿಗೆ ಮೌಲ್ಯಮಾಪನ ವ್ಯವಸ್ಥೆಯನ್ನು ಪರಾಮರ್ಶೆ ಮಾಡುವ ಅಗತ್ಯವಿದೆ ಎಂದು ಸಲಹೆ ನೀಡಿದೆ.</p>.<p>ಹಾಲಿ ಇರುವ ತೆರಿಗೆ ಮೌಲ್ಯಮಾಪನ ವ್ಯವಸ್ಥೆಯಿಂದ ಪ್ರಾಮಾಣಿಕ ತೆರಿಗೆದಾರರಿಗೆ ಆಗುತ್ತಿರುವ ತೊಂದರೆಯನ್ನು ಸರಿಪಡಿಸಬೇಕಿದೆ. ಈ ಬಗ್ಗೆ ಅಧಿಕಾರಿಗಳು ಆತ್ಮಾವಲೋಕನ ಮಾಡಿಕೊಳ್ಳಬೇಕಿದೆ ಎಂದು ಹೇಳಿದೆ.</p>.<p>ನೈಜ ತೆರಿಗೆಯನ್ನು ವಸೂಲಿ ಮಾಡಬೇಕಿದೆ. ತೆರಿಗೆ ದಾಖಲೆಗಳನ್ನು ಡಿಜಿಟಲೀಕರಣಗೊಳಿಸಬೇಕು. ಬಾಕಿ ವಸೂಲಿಗೆ ಸಂಬಂಧಿಸಿದಂತೆ ಸಮಯ ನಿಗದಿಪಡಿಸಬೇಕಿದೆ ಎಂದು ಸೂಚಿಸಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
