ಜಿಎಸ್‌ಟಿ: ಶೇ 92ರಷ್ಟು ವಾರ್ಷಿಕ ರಿಟರ್ನ್ಸ್‌

ನವದೆಹಲಿ: ವಾರ್ಷಿಕ ₹ 2 ಕೋಟಿಗಿಂತಲೂ ಅಧಿಕ ಮೊತ್ತದ ವಹಿವಾಟು ನಡೆಸುವ ಶೇ 92ರಷ್ಟು ತೆರಿಗೆದಾರರು 2017–18ನೇ ಹಣಕಾಸು ವರ್ಷಕ್ಕೆ ವಾರ್ಷಿಕ ರಿಟರ್ನ್ಸ್‌ ಸಲ್ಲಿಸಿದ್ದಾರೆ.

ಸರಕು ಮತ್ತು ಸೇವಾ ತೆರಿಗೆ ಜಾಲತಾಣವು (ಜಿಎಸ್‌ಟಿಎನ್‌) ಈ ಮಾಹಿತಿ ನೀಡಿದೆ.

ವರ್ಷಕ್ಕೆ ₹ 2 ಕೋಟಿಗಿಂತಲೂ ಅಧಿಕ ಮೊತ್ತದ ವಹಿವಾಟು ನಡೆಸುವವರಿಗೆ ಜಿಎಸ್‌ಟಿಆರ್‌–9 ಸಲ್ಲಿಕೆ ಕಡ್ಡಾಯವಾಗಿದೆ. ₹ 2 ಕೋಟಿಗಿಂತಲೂ ಕಡಿಮೆ ಮೊತ್ತದ ವಹಿವಾಟು ನಡೆಸುವವರಿಗೆ ವಾರ್ಷಿಕ ಲೆಕ್ಕಪತ್ರ ವರದಿ ಸಲ್ಲಿಕೆಯು ಒಂದು ಆಯ್ಕೆಯಷ್ಟೇ ಆಗಿದೆ.