ಬುಧವಾರ, ಜುಲೈ 28, 2021
27 °C

ಎಸ್‌ಬಿಐ ಎಟಿಎಂ ವಿತ್‌ಡ್ರಾ, ಚೆಕ್‌ ಬುಕ್ ಶುಲ್ಕ ಪರಿಷ್ಕರಣೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ನವದೆಹಲಿ: ಸಾಮಾನ್ಯ ಉಳಿತಾಯ ಬ್ಯಾಂಕ್ ಠೇವಣಿ ಖಾತೆದಾರರು (ಬಿಎಸ್‌ಬಿಡಿ) ಎಟಿಎಂನಿಂದ, ಬ್ಯಾಂಕ್ ಶಾಖೆಗಳಿಂದ ಹಣ ಪಡೆಯಲು ಮತ್ತು ಚೆಕ್‌ ಪುಸ್ತಕ ಪಡೆಯಲು ಇರುವ ನಿಯಮವನ್ನು ಸ್ಟೇಟ್ ಬ್ಯಾಂಕ್ ಆಫ್‌ ಇಂಡಿಯಾ (ಎಸ್‌ಬಿಐ) ಪರಿಷ್ಕರಿಸಿದೆ. ಇದು ಲಕ್ಷಾಂತರ ಗ್ರಾಹಕರ ಮೇಲೆ ಪರಿಣಾಮ ಬೀರಲಿದೆ.

ಪರಿಷ್ಕೃತ ನಿಯಮ ಜುಲೈ 1ರಿಂದ ಜಾರಿಗೆ ಬರಲಿದೆ ಎಂದು ಬ್ಯಾಂಕ್‌ ಪ್ರಕಟಣೆ ತಿಳಿಸಿದೆ.

ಎಟಿಎಂ, ಶಾಖೆಯಿಂದ ಹಣ ಪಡೆದರೆ ಶುಲ್ಕವೆಷ್ಟು?

ಎಸ್‌ಬಿಐ ಪ್ರಕಟಣೆಯ ಪ್ರಕಾರ, ಎಟಿಎಂ ಮತ್ತು ಶಾಖೆಗಳಿಂದ ತಿಂಗಳಿಗೆ ನಾಲ್ಕಕ್ಕಿಂತ ಹೆಚ್ಚು ಬಾರಿ ಹಣ ಪಡೆದರೆ ಸೇವಾ ಶುಲ್ಕ ಪಾವತಿಸಬೇಕಾಗುತ್ತದೆ. ಎಸ್‌ಬಿಐ ಎಟಿಎಂಗಳಿಂದ ಮತ್ತು ಶಾಖೆಗಳಿಂದ ನಾಲ್ಕು ಬಾರಿ ಹಣ ಪಡೆಯಬಹುದು. ನಂತರ ನಗದು ಪಡೆಯುವಿಕೆಗೆ ₹15 ಹಾಗೂ ಜಿಎಸ್‌ಟಿ ಮೊತ್ತವನ್ನು ಸೇವಾ ಶುಲ್ಕವಾಗಿ ಪಾವತಿಸಬೇಕಾಗುತ್ತದೆ. ಎಸ್‌ಬಿಐಯೇತರ ಬ್ಯಾಂಕ್‌ಗಳ ಎಟಿಎಂನಿಂದ ಹಣ ಪಡೆಯುವುದಕ್ಕೂ (ನಾಲ್ಕಕ್ಕಿಂತ ಹೆಚ್ಚು ಬಾರಿ) ₹15 ಹಾಗೂ ಜಿಎಸ್‌ಟಿ ಮೊತ್ತ ಪಾವತಿಸಬೇಕಾಗಲಿದೆ.

ಓದಿ: 

ಚೆಕ್‌ ಬುಕ್ ಶುಲ್ಕ ಎಷ್ಟು?

ಸದ್ಯ ಉಳಿತಾಯ ಖಾತೆದಾರರಿಗೆ ಹಣಕಾಸು ವರ್ಷವೊಂದರಲ್ಲಿ ಉಚಿತವಾಗಿ 10 ಚೆಕ್‌ಗಳಿರುವ ಪುಸ್ತಕವನ್ನು ಎಸ್‌ಬಿಐ ನೀಡುತ್ತಿದೆ. ಇದಕ್ಕಿಂತ ಹೆಚ್ಚು ಬೇಕಿದ್ದಲ್ಲಿ, ಪರಿಷ್ಕೃತ ನಿಯಮದ ಪ್ರಕಾರ 10 ಚೆಕ್‌ಗಳ ಒಂದು ಪುಸ್ತಕಕ್ಕೆ ₹40 ಶುಲ್ಕ ಹಾಗೂ ಜಿಎಸ್‌ಟಿ ಪಾವತಿಸಬೇಕು. 25 ಚೆಕ್‌ಗಳ ಪುಸ್ತಕಕ್ಕೆ ₹75 ಶುಲ್ಕ ಹಾಗೂ ಜಿಎಸ್‌ಟಿ ಪಾವತಿಸಬೇಕು.

ತುರ್ತು ಚೆಕ್‌ ಪುಸ್ತಕ ಬೇಕಾದಲ್ಲಿ 10 ಚೆಕ್‌ಗಳ ಪುಸ್ತಕಕ್ಕೆ ₹50 ಶುಲ್ಕ ಹಾಗೂ ಜಿಎಸ್‌ಟಿ ಪಾವತಿಸಬೇಕು.

ಹಿರಿಯ ನಾಗರಿಕರು ಚೆಕ್‌ ಪುಸ್ತಕಕ್ಕೆ ಶುಲ್ಕ ಪಾವತಿಸಬೇಕೆಂದಿಲ್ಲ ಎಂದು ಪ್ರಕಟಣೆ ತಿಳಿಸಿದೆ.

ಎಸ್‌ಬಿಐ ಪ್ರಕಟಣೆ

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು