ಶುಕ್ರವಾರ, ಜನವರಿ 24, 2020
17 °C

ದೇಶದಲ್ಲೇ ಗರಿಷ್ಠ ವೇತನ ನೀಡುತ್ತಿದೆ ಬೆಂಗಳೂರು 

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಸಂಸ್ಥೆಯೊಂದರ ಉದ್ಯೋಗಿಗಳು –ಸಾಂದರ್ಭಿಕ ಚಿತ್ರ

ಬೆಂಗಳೂರು: ಮಾಹಿತಿ ತಂತ್ರಜ್ಞಾನ ನಗರಿ ಬೆಂಗಳೂರು ಈಗ ಉದ್ಯೋಗಿಗಳ ಸ್ವರ್ಗವೂ ಆಗುತ್ತಿದೆ. ವೃತ್ತಿನಿರತರಿಗೆ ದೇಶದಲ್ಲಿಯೇ ಅತಿ ಹೆಚ್ಚು ವೇತನ ಸಿಗುವ ಸ್ಥಳವಾಗಿ ಯುವಜನತೆಯನ್ನು ಸೆಳೆಯುತ್ತಿದೆ. 

ಹೊಸದಾಗಿ ಉದ್ಯೋಗ ಪಡೆಯುವವರು ಸೇರಿದಂತೆ ಕಿರಿಯ ಮಟ್ಟದ ಉದ್ಯೋಗಿಗಳು ವಾರ್ಷಿಕ ಸರಾಸರಿ ₹ 5.27 ಲಕ್ಷ ಪಡೆಯುತ್ತಿದ್ದಾರೆ. ಇದು ಮುಂಬೈನಲ್ಲಿ ಪಡೆಯುವ ವೇತನಕ್ಕಿಂತ ಶೇ 15ರಷ್ಟು ಹೆಚ್ಚು ಎಂದು ರ‍್ಯಾಂಡ್‌ಸ್ಟಡ್‌ ಅಧ್ಯಯನದ ಮೂಲಕ ತಿಳಿದು ಬಂದಿದೆ. 

ಬೆಂಗಳೂರು ಹೊರತು ಪಡಿಸಿದರೆ ಕಿರಿಯ ಮಟ್ಟದ ಉದ್ಯೋಗಿಗಳಿಗೆ ಹೈದರಾಬಾದ್‌ ₹ 5 ಲಕ್ಷ ಪ್ಯಾಕೇಜ್‌ ನೀಡುತ್ತಿದೆ. 

6 ರಿಂದ 15 ವರ್ಷ ಕಾರ್ಯಾನುಭವ ಹೊಂದಿರುವವರು ಹಾಗೂ ಅದಕ್ಕಿಂತಲೂ ಹೆಚ್ಚು ಅನುಭವ ಹೊಂದಿರುವ ಹಿರಿಯ ಮಟ್ಟದ ವೃತ್ತಿನಿರತರು ಬೆಂಗಳೂರಿನಲ್ಲಿ ವಾರ್ಷಿಕ ಸರಾಸರಿ ವೇತನ ಕ್ರಮವಾಗಿ ₹ 16.45 ಲಕ್ಷ ಮತ್ತು ₹ 35.45 ಲಕ್ಷ ಪಡೆಯುತ್ತಿದ್ದಾರೆ. 

ಐಟಿ ವಲಯದಲ್ಲಿ ಕಿರಿಯ ಮಟ್ಟದ ಉದ್ಯೋಗಿಗಳು ₹ 4.96 ಲಕ್ಷ, ನಂತರದ ಹಂತದಲ್ಲಿ ₹ 15.09 ಲಕ್ಷ ಹಾಗೂ ಹಿರಿಯ ಮಟ್ಟದ ಉದ್ಯೋಗಿಗಳು ₹ 35.84 ಲಕ್ಷ ವಾರ್ಷಿಕ ವೇತನ ಹೊಂದಿದ್ದಾರೆ. 

ದೂರ ಸಂಪರ್ಕ ವಲಯ ಆರ್ಥಿಕ ಹೊಡೆತ ಅನುಭವಿಸುತ್ತಿದ್ದರೂ ಅಲ್ಲಿನ ಉದ್ಯೋಗಿಗಳು ₹ 4.43 ಲಕ್ಷದಿಂದ ₹ 14.71 ಲಕ್ಷ ವಾರ್ಷಿಕ ವೇತನ ಪಡೆಯುತ್ತಿದ್ದಾರೆ. 

ಪ್ರತಿಕ್ರಿಯಿಸಿ (+)

ಈ ವಿಭಾಗದಿಂದ ಇನ್ನಷ್ಟು