ಬೆಂಗಳೂರು: ಡಾಲರ್ ಇಂಡಸ್ಟ್ರೀಸ್ ಕಂಪನಿಯು 50ನೆಯ ವರ್ಷಾಚರಣೆಯ ಸಂದರ್ಭದಲ್ಲಿ ವಿಶೇಷ ಲಾಂಛನವನ್ನು ಅನಾವರಣ ಮಾಡಿದೆ. ಇದನ್ನು ಕಂಪನಿಯ ಸಂಸ್ಥಾಪಕ ಹಾಗೂ ಗೌರವಾಧ್ಯಕ್ಷ ದೀನ್‌ದಯಾಳ್ ಗುಪ್ತ ಅನಾವರಣಗೊಳಿಸಿದರು.
ವಿಷನ್‌ 2025 ಭಾಗವಾಗಿ ಕಂಪನಿಯು ಹೊಸ ಉತ್ಪನ್ನಗಳ ಬಿಡುಗಡೆಗೆ ಹಾಗೂ ವಹಿವಾಟು ವಿಸ್ತರಣೆಗೆ ₹ 120 ಕೋಟಿ ಕಾಯ್ದಿರಿಸಿದೆ ಎಂದು ಪ್ರಕಟಣೆ ತಿಳಿಸಿದೆ.
ಕಂಪನಿಯು ಈಗ ಹೊಂದಿರುವ 4 ಮೆಗಾವಾಟ್‌ ಸೌರವಿದ್ಯುತ್ ಘಟಕದ ಸಾಮರ್ಥ್ಯವನ್ನು 6 ಮೆಗಾವಾಟ್‌ಗೆ ಹೆಚ್ಚಿಸುವ ಉದ್ದೇಶವನ್ನು ಕೂಡ ಹೊಂದಿದೆ. ಅಲ್ಲದೆ, ಕಂಪನಿಯು ತನ್ನ ಬ್ರ್ಯಾಂಡ್‌ನ ಉತ್ಪನ್ನಗಳ ಮಾರಾಟಕ್ಕೆ 125 ಅಂಗಡಿಗಳನ್ನು 2025ಕ್ಕೆ ಮೊದಲು ತೆರೆಯಲಿದೆ.
