<p><strong>ಮುಂಬೈ: </strong>ಭಾರತೀಯ ರಿಸರ್ವ್ ಬ್ಯಾಂಕ್ (ಆರ್ಬಿಐ) ರೆಪೊ ದರವನ್ನು ಶುಕ್ರವಾರ ಶೇಕಡ 0.50ರಷ್ಟು ಹೆಚ್ಚಿಸಿದೆ. ಇದರಿಂದ ಗೃಹ, ವಾಹನ ಮತ್ತು ಇತರ ಸಾಲಗಳ ಮೇಲಿನ ಇಎಂಐ ಮೊತ್ತ ಇನ್ನಷ್ಟು ಹೆಚ್ಚುವ ಸಾಧ್ಯತೆ ಇದೆ.</p>.<p>ಹಣದುಬ್ಬರವನ್ನು ನಿಯಂತ್ರಿಸಲು ಆರ್ಬಿಐ ರೆಪೊ ದರ ಹೆಚ್ಚಳ ಮಾಡುತ್ತಿದೆ. ಮೇ ತಿಂಗಳಿನಿಂದ ಈವರೆಗೆ ಬಡ್ಡಿದರವನ್ನು ಒಟ್ಟು ಶೇ 1.40ರಷ್ಟು ಏರಿಕೆ ಮಾಡಿದೆ.</p>.<p>ರೆಪೊ ಹೆಚ್ಚಳ ನಿರ್ಧಾರವು ಕೈಗೆಟಕುವ ಮತ್ತು ಮಧ್ಯಮ ದರದ ಮನೆಗಳ ಮಾರಾಟದ ಮೇಲೆ ಅಲ್ಪಾವಧಿಯಲ್ಲಿ ಪರಿಣಾಮ ಬೀರಲಿದೆ ಎಂದು ರಿಯಲ್ ಎಸ್ಟೇಟ್ ಉದ್ಯಮದ ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.</p>.<p>‘ಬಡ್ಡಿದರ ಹೆಚ್ಚಾಗುವುದರಿಂದ ಕಡಿಮೆ ಹಾಗೂ ಮಧ್ಯಮ ಬೆಲೆಯ ಮನೆಗಳ ಬೇಡಿಕೆ ಮೇಲೆ ತೀವ್ರ ಪರಿಣಾಮ ಉಂಟಾಗಲಿದೆ. ಆದರೆ, ಹೆಚ್ಚಿನ ಮೊತ್ತದ ಮತ್ತು ಐಷಾರಾಮಿ ಮನೆಗಳ ಬೇಡಿಕೆ ಮೇಲೆ ಜಾಸ್ತಿ ಪರಿಣಾಮ ಆಗುವುದಿಲ್ಲ’ ಎಂದು ಕೋಲಿಯರ್ಸ್ ಇಂಡಿಯಾದ ಸಿಇಒ ರಮೇಶ್ ನಾಯರ್ ಹೇಳಿದ್ದಾರೆ.</p>.<p>‘ಈವರೆಗಿನ ರೆಪೊ ದರ ಹೆಚ್ಚಳವನ್ನು ಬ್ಯಾಂಕ್ಗಳು ಗ್ರಾಹಕರಿಗೆ ಪೂರ್ತಿಯಾಗಿ ವರ್ಗಾಯಿಸಿವೆ ಎಂದು ಭಾವಿಸುವುದಾದರೆ, ಜನರ ಮನೆ ಖರೀದಿ ಸಾಮರ್ಥ್ಯವು ಶೇ 11ರಷ್ಟು ಇಳಿಕೆ ಆಗಿದೆ. ಅಂದರೆ ಈ ಮೊದಲು ₹ 1 ಕೋಟಿ ಮೌಲ್ಯದ ಮನೆ ಖರೀದಿಸುವ ಸಾಮರ್ಥ್ಯ ಇತ್ತು. ಬಡ್ಡಿದರ ಏರಿಕೆಯಿಂದಾಗಿ ಆ ಸಾಮರ್ಥ್ಯವು ಈಗ ₹ 89 ಲಕ್ಷಕ್ಕೆ ಇಳಿಕೆ ಆಗಿದೆ’ ಎಂದು ನೈಟ್ ಫ್ರ್ಯಾಂಕ್ ಇಂಡಿಯಾದ ಸಿಎಂಡಿ ಶಿಶಿರ್ ಬೈಜಲ್ ತಿಳಿಸಿದ್ದಾರೆ.</p>.<p>‘ರೆಪೊ ದರ ಹೆಚ್ಚಳವನ್ನು ಸಾಲದ ಬಡ್ಡಿದರಕ್ಕೆ ವರ್ಗಾಯಿಸಲು ಸಮಯ ಹಿಡಿಯಲಿದೆ. ಹೀಗಾಗಿ ಪ್ರಸಕ್ತ ಹಣಕಾಸು ವರ್ಷದಲ್ಲಿ ಆರ್ಥಿಕ ಬೆಳವಣಿಗೆಯ ಮೇಲಿನ ಪರಿಣಾಮವು ಸೀಮಿತವಾಗಿರಲಿದೆ’ ಎಂದು ಪಿಡಬ್ಲ್ಯುಸಿ ಇಂಡಿಯಾದ ಆರ್ಥಿಕ ಸಲಹಾಸೇವೆಗಳ ಮುಖ್ಯಸ್ಥ ರೆನಿನ್ ಬ್ಯಾನರ್ಜಿ ಹೇಳಿದ್ದಾರೆ.</p>.<p><br /><br /><strong>ಕೋವಿಡ್ ಪೂರ್ವ ಮಟ್ಟ ಮೀರಿದ ರೆಪೊ</strong></p>.<p>ಶುಕ್ರವಾರದ ಹೆಚ್ಚಳದ ಪರಿಣಾಮವಾಗಿ ರೆಪೊ ದರವು ಶೇ 5.40ಕ್ಕೆ ತಲುಪಿದೆ. ಇದು ಕೋವಿಡ್ಗೂ ಮೊದಲು ಇದ್ದ ಮಟ್ಟಕ್ಕಿಂತ ಶೇ 0.25ರಷ್ಟು ಹೆಚ್ಚು.</p>.<p>ಆರ್ಬಿಐ ಗವರ್ನರ್ ಶಕ್ತಿಕಾಂತ ದಾಸ್ ನೇತೃತ್ವದ ಹಣಕಾಸು ನೀತಿ ಸಮಿತಿಯ (ಎಂಪಿಸಿ) ಮೂರು ದಿನಗಳ ಸಭೆಯು ಶುಕ್ರವಾರ ಅಂತ್ಯವಾಗಿದ್ದು, ರೆಪೊ ದರ ಹೆಚ್ಚಿಸಲು ಎಂಪಿಸಿಯ ಆರೂ ಸದಸ್ಯರು ಒಮ್ಮತ ಸೂಚಿಸಿದ್ದಾರೆ. ಇದೇ ವೇಳೆ, ಹೊಂದಾಣಿಕೆಯ ನೀತಿಯನ್ನು ಕೈಬಿಡುವ ನಿರ್ಧಾರಕ್ಕೆ ಬದ್ಧವಿರುವುದಾಗಿಯೂ ಹೇಳಿದ್ದಾರೆ.</p>.<p>ಚಿಲ್ಲರೆ ಹಣದುಬ್ಬರ ಪ್ರಮಾಣವು ಆರು ತಿಂಗಳಿನಿಂದಲೂ ಶೇ 6ರ ಮಟ್ಟಕ್ಕಿಂತ ಹೆಚ್ಚಿಗೆ ಇದೆ. ಹೀಗಾಗಿ ಇದನ್ನು ನಿಯಂತ್ರಿಸಲು ಶೇ 0.50ರಷ್ಟು ಬಡ್ಡಿದರ ಹೆಚ್ಚಳವು ಸಾಲದು ಎನ್ನುವ ಸುಳಿವನ್ನು ಆರ್ಬಿಐ ಗವರ್ನರ್ ದಾಸ್ ನೀಡಿದ್ದಾರೆ.</p>.<p>‘2022–23ನೇ ಹಣಕಾಸು ವರ್ಷದ ಮೊದಲ ಮೂರು ತ್ರೈಮಾಸಿಕಗಳಲ್ಲಿ ಹಣದುಬ್ಬರ ಪ್ರಮಾಣವು ಶೇ 6ಕ್ಕಿಂತ ಹೆಚ್ಚಿನ ಮಟ್ಟದಲ್ಲಿಯೇ ಇರುವ ಅಂದಾಜು ಮಾಡಲಾಗಿದೆ. ಜಾಗತಿಕ ಮಾರುಕಟ್ಟೆಯಲ್ಲಿ ಉಂಟಾಗಿರುವ ಅಸ್ಥಿರತೆಯು ದೇಶದಲ್ಲಿ ಹಣದುಬ್ಬರ ಒತ್ತಡ ಹೆಚ್ಚಾಗಲು ಕಾರಣವಾಗುತ್ತಿದೆ’ ಎಂದು ದಾಸ್ ಹೇಳಿದ್ದಾರೆ.</p>.<p><strong>ಇನ್ನಷ್ಟು ಹೆಚ್ಚಳ ನಿರೀಕ್ಷೆ: </strong></p>.<p>ರೆಪೊ ದರವು ‘ತಟಸ್ಥ ದರ’ ಅಂದರೆ ಶೇ 6ರಿಂದ ಶೇ 6.5ರವರೆಗೆ ಬರುವ ತನಕವೂ ಬಡ್ಡಿದರ ಹೆಚ್ಚಳ ಮುಂದುವರಿಯಲಿದೆ ಎಂದು ಆರ್ಥಿಕ ತಜ್ಞರು ಮತ್ತು ವಿಶ್ಲೇಷಕರು ಹೇಳಿದ್ದಾರೆ.</p>.<p><br /><br /><strong>ಎನ್ಆರ್ಐಗೂ ಭಾರತ್ ಬಿಲ್ ಪೇಮೆಂಟ್</strong></p>.<p>ಅನಿವಾಸಿ ಭಾರತೀಯರು (ಎನ್ಆರ್ಐ) ಭಾರತದಲ್ಲಿ ಇರುವ ತಮ್ಮ ಕುಟುಂಬದವರ ಪರವಾಗಿ ಯುಟಿಲಿಟಿ ಬಿಲ್ಗಳು (ವಿದ್ಯುತ್, ಗ್ಯಾಸ್ ಇತ್ಯಾದಿ) ಹಾಗೂ ಶಿಕ್ಷಣ ಶುಲ್ಕಗಳ ಪಾವತಿಗೆ ಭಾರತ್ ಬಿಲ್ ಪೇಮೆಂಟ್ ವ್ಯವಸ್ಥೆಯನ್ನು ಶೀಘ್ರದಲ್ಲೇ ಬಳಸುವಂತೆ ಆಗಲಿದೆ ಎಂದು ಆರ್ಬಿಐ ತಿಳಿಸಿದೆ.</p>.<p>ಹಿರಿಯ ನಾಗರಿಕರಿಗೆ ಇದರಿಂದ ಹೆಚ್ಚಿನ ಅನುಕೂಲ ಆಗಲಿದೆ ಎಂದು ಹೇಳಿದೆ. ಸದ್ಯ, ಭಾರತದ ಬಳಕೆದಾರರು ಈ ವ್ಯವಸ್ಥೆಯ ಪ್ರಯೋಜನ ಪಡೆದುಕೊಳ್ಳುತ್ತಿದ್ದು, ಎನ್ಆರ್ಐಗಳಿಗೂ ಲಭ್ಯವಾಗುವಂತೆ ಮಾಡುವ ಪ್ರಸ್ತಾವ ಬಂದಿದೆ ಎಂದು ತಿಳಿಸಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮುಂಬೈ: </strong>ಭಾರತೀಯ ರಿಸರ್ವ್ ಬ್ಯಾಂಕ್ (ಆರ್ಬಿಐ) ರೆಪೊ ದರವನ್ನು ಶುಕ್ರವಾರ ಶೇಕಡ 0.50ರಷ್ಟು ಹೆಚ್ಚಿಸಿದೆ. ಇದರಿಂದ ಗೃಹ, ವಾಹನ ಮತ್ತು ಇತರ ಸಾಲಗಳ ಮೇಲಿನ ಇಎಂಐ ಮೊತ್ತ ಇನ್ನಷ್ಟು ಹೆಚ್ಚುವ ಸಾಧ್ಯತೆ ಇದೆ.</p>.<p>ಹಣದುಬ್ಬರವನ್ನು ನಿಯಂತ್ರಿಸಲು ಆರ್ಬಿಐ ರೆಪೊ ದರ ಹೆಚ್ಚಳ ಮಾಡುತ್ತಿದೆ. ಮೇ ತಿಂಗಳಿನಿಂದ ಈವರೆಗೆ ಬಡ್ಡಿದರವನ್ನು ಒಟ್ಟು ಶೇ 1.40ರಷ್ಟು ಏರಿಕೆ ಮಾಡಿದೆ.</p>.<p>ರೆಪೊ ಹೆಚ್ಚಳ ನಿರ್ಧಾರವು ಕೈಗೆಟಕುವ ಮತ್ತು ಮಧ್ಯಮ ದರದ ಮನೆಗಳ ಮಾರಾಟದ ಮೇಲೆ ಅಲ್ಪಾವಧಿಯಲ್ಲಿ ಪರಿಣಾಮ ಬೀರಲಿದೆ ಎಂದು ರಿಯಲ್ ಎಸ್ಟೇಟ್ ಉದ್ಯಮದ ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.</p>.<p>‘ಬಡ್ಡಿದರ ಹೆಚ್ಚಾಗುವುದರಿಂದ ಕಡಿಮೆ ಹಾಗೂ ಮಧ್ಯಮ ಬೆಲೆಯ ಮನೆಗಳ ಬೇಡಿಕೆ ಮೇಲೆ ತೀವ್ರ ಪರಿಣಾಮ ಉಂಟಾಗಲಿದೆ. ಆದರೆ, ಹೆಚ್ಚಿನ ಮೊತ್ತದ ಮತ್ತು ಐಷಾರಾಮಿ ಮನೆಗಳ ಬೇಡಿಕೆ ಮೇಲೆ ಜಾಸ್ತಿ ಪರಿಣಾಮ ಆಗುವುದಿಲ್ಲ’ ಎಂದು ಕೋಲಿಯರ್ಸ್ ಇಂಡಿಯಾದ ಸಿಇಒ ರಮೇಶ್ ನಾಯರ್ ಹೇಳಿದ್ದಾರೆ.</p>.<p>‘ಈವರೆಗಿನ ರೆಪೊ ದರ ಹೆಚ್ಚಳವನ್ನು ಬ್ಯಾಂಕ್ಗಳು ಗ್ರಾಹಕರಿಗೆ ಪೂರ್ತಿಯಾಗಿ ವರ್ಗಾಯಿಸಿವೆ ಎಂದು ಭಾವಿಸುವುದಾದರೆ, ಜನರ ಮನೆ ಖರೀದಿ ಸಾಮರ್ಥ್ಯವು ಶೇ 11ರಷ್ಟು ಇಳಿಕೆ ಆಗಿದೆ. ಅಂದರೆ ಈ ಮೊದಲು ₹ 1 ಕೋಟಿ ಮೌಲ್ಯದ ಮನೆ ಖರೀದಿಸುವ ಸಾಮರ್ಥ್ಯ ಇತ್ತು. ಬಡ್ಡಿದರ ಏರಿಕೆಯಿಂದಾಗಿ ಆ ಸಾಮರ್ಥ್ಯವು ಈಗ ₹ 89 ಲಕ್ಷಕ್ಕೆ ಇಳಿಕೆ ಆಗಿದೆ’ ಎಂದು ನೈಟ್ ಫ್ರ್ಯಾಂಕ್ ಇಂಡಿಯಾದ ಸಿಎಂಡಿ ಶಿಶಿರ್ ಬೈಜಲ್ ತಿಳಿಸಿದ್ದಾರೆ.</p>.<p>‘ರೆಪೊ ದರ ಹೆಚ್ಚಳವನ್ನು ಸಾಲದ ಬಡ್ಡಿದರಕ್ಕೆ ವರ್ಗಾಯಿಸಲು ಸಮಯ ಹಿಡಿಯಲಿದೆ. ಹೀಗಾಗಿ ಪ್ರಸಕ್ತ ಹಣಕಾಸು ವರ್ಷದಲ್ಲಿ ಆರ್ಥಿಕ ಬೆಳವಣಿಗೆಯ ಮೇಲಿನ ಪರಿಣಾಮವು ಸೀಮಿತವಾಗಿರಲಿದೆ’ ಎಂದು ಪಿಡಬ್ಲ್ಯುಸಿ ಇಂಡಿಯಾದ ಆರ್ಥಿಕ ಸಲಹಾಸೇವೆಗಳ ಮುಖ್ಯಸ್ಥ ರೆನಿನ್ ಬ್ಯಾನರ್ಜಿ ಹೇಳಿದ್ದಾರೆ.</p>.<p><br /><br /><strong>ಕೋವಿಡ್ ಪೂರ್ವ ಮಟ್ಟ ಮೀರಿದ ರೆಪೊ</strong></p>.<p>ಶುಕ್ರವಾರದ ಹೆಚ್ಚಳದ ಪರಿಣಾಮವಾಗಿ ರೆಪೊ ದರವು ಶೇ 5.40ಕ್ಕೆ ತಲುಪಿದೆ. ಇದು ಕೋವಿಡ್ಗೂ ಮೊದಲು ಇದ್ದ ಮಟ್ಟಕ್ಕಿಂತ ಶೇ 0.25ರಷ್ಟು ಹೆಚ್ಚು.</p>.<p>ಆರ್ಬಿಐ ಗವರ್ನರ್ ಶಕ್ತಿಕಾಂತ ದಾಸ್ ನೇತೃತ್ವದ ಹಣಕಾಸು ನೀತಿ ಸಮಿತಿಯ (ಎಂಪಿಸಿ) ಮೂರು ದಿನಗಳ ಸಭೆಯು ಶುಕ್ರವಾರ ಅಂತ್ಯವಾಗಿದ್ದು, ರೆಪೊ ದರ ಹೆಚ್ಚಿಸಲು ಎಂಪಿಸಿಯ ಆರೂ ಸದಸ್ಯರು ಒಮ್ಮತ ಸೂಚಿಸಿದ್ದಾರೆ. ಇದೇ ವೇಳೆ, ಹೊಂದಾಣಿಕೆಯ ನೀತಿಯನ್ನು ಕೈಬಿಡುವ ನಿರ್ಧಾರಕ್ಕೆ ಬದ್ಧವಿರುವುದಾಗಿಯೂ ಹೇಳಿದ್ದಾರೆ.</p>.<p>ಚಿಲ್ಲರೆ ಹಣದುಬ್ಬರ ಪ್ರಮಾಣವು ಆರು ತಿಂಗಳಿನಿಂದಲೂ ಶೇ 6ರ ಮಟ್ಟಕ್ಕಿಂತ ಹೆಚ್ಚಿಗೆ ಇದೆ. ಹೀಗಾಗಿ ಇದನ್ನು ನಿಯಂತ್ರಿಸಲು ಶೇ 0.50ರಷ್ಟು ಬಡ್ಡಿದರ ಹೆಚ್ಚಳವು ಸಾಲದು ಎನ್ನುವ ಸುಳಿವನ್ನು ಆರ್ಬಿಐ ಗವರ್ನರ್ ದಾಸ್ ನೀಡಿದ್ದಾರೆ.</p>.<p>‘2022–23ನೇ ಹಣಕಾಸು ವರ್ಷದ ಮೊದಲ ಮೂರು ತ್ರೈಮಾಸಿಕಗಳಲ್ಲಿ ಹಣದುಬ್ಬರ ಪ್ರಮಾಣವು ಶೇ 6ಕ್ಕಿಂತ ಹೆಚ್ಚಿನ ಮಟ್ಟದಲ್ಲಿಯೇ ಇರುವ ಅಂದಾಜು ಮಾಡಲಾಗಿದೆ. ಜಾಗತಿಕ ಮಾರುಕಟ್ಟೆಯಲ್ಲಿ ಉಂಟಾಗಿರುವ ಅಸ್ಥಿರತೆಯು ದೇಶದಲ್ಲಿ ಹಣದುಬ್ಬರ ಒತ್ತಡ ಹೆಚ್ಚಾಗಲು ಕಾರಣವಾಗುತ್ತಿದೆ’ ಎಂದು ದಾಸ್ ಹೇಳಿದ್ದಾರೆ.</p>.<p><strong>ಇನ್ನಷ್ಟು ಹೆಚ್ಚಳ ನಿರೀಕ್ಷೆ: </strong></p>.<p>ರೆಪೊ ದರವು ‘ತಟಸ್ಥ ದರ’ ಅಂದರೆ ಶೇ 6ರಿಂದ ಶೇ 6.5ರವರೆಗೆ ಬರುವ ತನಕವೂ ಬಡ್ಡಿದರ ಹೆಚ್ಚಳ ಮುಂದುವರಿಯಲಿದೆ ಎಂದು ಆರ್ಥಿಕ ತಜ್ಞರು ಮತ್ತು ವಿಶ್ಲೇಷಕರು ಹೇಳಿದ್ದಾರೆ.</p>.<p><br /><br /><strong>ಎನ್ಆರ್ಐಗೂ ಭಾರತ್ ಬಿಲ್ ಪೇಮೆಂಟ್</strong></p>.<p>ಅನಿವಾಸಿ ಭಾರತೀಯರು (ಎನ್ಆರ್ಐ) ಭಾರತದಲ್ಲಿ ಇರುವ ತಮ್ಮ ಕುಟುಂಬದವರ ಪರವಾಗಿ ಯುಟಿಲಿಟಿ ಬಿಲ್ಗಳು (ವಿದ್ಯುತ್, ಗ್ಯಾಸ್ ಇತ್ಯಾದಿ) ಹಾಗೂ ಶಿಕ್ಷಣ ಶುಲ್ಕಗಳ ಪಾವತಿಗೆ ಭಾರತ್ ಬಿಲ್ ಪೇಮೆಂಟ್ ವ್ಯವಸ್ಥೆಯನ್ನು ಶೀಘ್ರದಲ್ಲೇ ಬಳಸುವಂತೆ ಆಗಲಿದೆ ಎಂದು ಆರ್ಬಿಐ ತಿಳಿಸಿದೆ.</p>.<p>ಹಿರಿಯ ನಾಗರಿಕರಿಗೆ ಇದರಿಂದ ಹೆಚ್ಚಿನ ಅನುಕೂಲ ಆಗಲಿದೆ ಎಂದು ಹೇಳಿದೆ. ಸದ್ಯ, ಭಾರತದ ಬಳಕೆದಾರರು ಈ ವ್ಯವಸ್ಥೆಯ ಪ್ರಯೋಜನ ಪಡೆದುಕೊಳ್ಳುತ್ತಿದ್ದು, ಎನ್ಆರ್ಐಗಳಿಗೂ ಲಭ್ಯವಾಗುವಂತೆ ಮಾಡುವ ಪ್ರಸ್ತಾವ ಬಂದಿದೆ ಎಂದು ತಿಳಿಸಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>