ಕೈಗಾರಿಕಾ ಉತ್ಪಾದನೆ ಶೇ 1.7ರಷ್ಟು ಹೆಚ್ಚಳ

ನವದೆಹಲಿ: ದೇಶದ ಕೈಗಾರಿಕಾ ಉತ್ಪಾದನೆಯು ಫೆಬ್ರುವರಿ ತಿಂಗಳಿನಲ್ಲಿ ಶೇಕಡ 1.7ರಷ್ಟು ಹೆಚ್ಚಳ ಆಗಿದೆ. ಗಣಿಗಾರಿಕೆ ವಲಯದಲ್ಲಿ ಚಟುವಟಿಕೆಗಳು ಸುಧಾರಣೆ ಕಂಡಿದ್ದು ಈ ಏರಿಕೆಗೆ ಮುಖ್ಯ ಕಾರಣ.

ಕೈಗಾರಿಕಾ ಉತ್ಪಾದನೆ ಸೂಚ್ಯಂಕವು (ಐಐಪಿ) 2021ರ ಫೆಬ್ರುವರಿಯಲ್ಲಿ ಶೇ (–) 3.2ರಷ್ಟು ಕುಸಿದಿತ್ತು. ಈ ವರ್ಷದ ಜನವರಿಯಲ್ಲಿ ಶೇ 1.5ರಷ್ಟು ಬೆಳವಣಿಗೆ ಕಂಡಿತ್ತು.

ಸಾಂಖ್ಯಿಕ ಮತ್ತು ಯೋಜನಾ ಅನುಷ್ಠಾನ ಸಚಿವಾಲಯ ಬಿಡುಗಡೆ ಮಾಡಿರುವ ಅಂಕಿ–ಅಂಶಗಳ ಪ್ರಕಾರ ಗಣಿಗಾರಿಕೆ ವಲಯದಲ್ಲಿ ಫೆಬ್ರುವರಿಯಲ್ಲಿ ಶೇ 4.5ರಷ್ಟು ಬೆಳವಣಿಗೆ ಆಗಿದೆ. ಹಿಂದಿನ ವರ್ಷದ ಫೆಬ್ರುವರಿಯಲ್ಲಿ ಈ ವಲಯದಲ್ಲಿ ಶೇ (–) 4.4ರಷ್ಟು ಇಳಿಕೆ ಆಗಿತ್ತು.

ತಯಾರಿಕಾ ವಲಯವು ಫೆಬ್ರುವರಿಯಲ್ಲಿ ಶೇ 0.8ರಷ್ಟು ಬೆಳವಣಿಗೆ ಸಾಧಿಸಿದೆ.