<p><strong>ಬೆಂಗಳೂರು</strong>: ಭಾರತದಲ್ಲಿ ಚಿನ್ನದ ಬೇಡಿಕೆಯು 2019ಕ್ಕೆ ಹೋಲಿಸಿದರೆ 2020ರಲ್ಲಿ ಶೇಕಡ 35.34ರಷ್ಟು ಕುಸಿತ ಕಂಡಿದೆ. 2020ರಲ್ಲಿ ದೇಶದಲ್ಲಿ 446.4 ಟನ್ ಚಿನ್ನಕ್ಕೆ ಬೇಡಿಕೆ ಇತ್ತು ಎಂದು ವಿಶ್ವ ಚಿನ್ನ ಮಂಡಳಿ (ಡಬ್ಲ್ಯುಜಿಸಿ) ಹೇಳಿದೆ.</p>.<p>2019ರಲ್ಲಿ ಚಿನ್ನದ ಬೇಡಿಕೆ 690.4 ಟನ್ಗಳಷ್ಟಿತ್ತು ಎಂದು ತನ್ನ ‘ಗೋಲ್ಡ್ ಡಿಮಾಂಡ್ ಟ್ರೆಂಡ್ಸ್’ ವರದಿಯಲ್ಲಿ ತಿಳಿಸಿದೆ.</p>.<p>ಡಬ್ಲ್ಯುಜಿಸಿಯ ಹಿರಿಯ ಮಾರುಕಟ್ಟೆ ವಿಮರ್ಶಕ ಮತ್ತು ಸಂಶೋಧಕ ಲೂಯಿಸ್ ಸ್ಟ್ರೀಟ್ ಅವರು ಗುರುವಾರ ವರ್ಚುವಲ್ ಸುದ್ದಿಗೋಷ್ಠಿಯಲ್ಲಿ ಈ ಮಾಹಿತಿ ನೀಡಿದರು.</p>.<p>ಮೌಲ್ಯದ ಲೆಕ್ಕದಲ್ಲಿ ಬೇಡಿಕೆಯು ಶೇ 14ರಷ್ಟು ಇಳಿಕೆ ಆಗಿದ್ದು, ₹ 1,88,280 ಕೋಟಿಗಳಿಗೆ ತಲುಪಿದೆ. 2019ರಲ್ಲಿ ₹ 2,17,770 ಕೋಟಿಗಳಷ್ಟಿತ್ತು.</p>.<p>‘ಲಾಕ್ಡೌನ್, ಮಂದಗತಿಯ ಆರ್ಥಿಕ ಬೆಳವಣಿಗೆ ಮತ್ತು ಚಿನ್ನದ ಬೆಲೆ ಹೆಚ್ಚಾಗಿದ್ದರಿಂದ ಗ್ರಾಹಕರು ಚಿನ್ನ ಖರೀದಿಗೆ ಹೆಚ್ಚು ಆಸಕ್ತಿ ತೋರಲಿಲ್ಲ. ಇದರ ಪರಿಣಾಮ, ಚಿನ್ನಾಭರಣಗಳ ಬೇಡಿಕೆಯಲ್ಲಿ ಅತ್ಯಂತ ಕಡಿಮೆ ಪ್ರಮಾಣವನ್ನು ದಾಖಲಿಸುವಂತಾಗಿತ್ತು. 2021ರಲ್ಲಿಯೂಕೊರೊನಾ ಪರಿಣಾಮವು ಮುಂದುವರಿಯುವ ಸಾಧ್ಯತೆ ಇದೆ’ ಎಂದು ಲೂಯಿಸ್ ಸ್ಟ್ರೀಟ್ ಹೇಳಿದರು.</p>.<p>ದೇಶಿ ಚಿನ್ನ ಬೇಡಿಕೆಯ ದೀರ್ಘಾವಧಿಯ ಬೆಳವಣಿಗೆಗೆ 2021ನೇ ವರ್ಷವು ಕಾರಣವಾಗುವ ಸಾಧ್ಯತೆ ಇದೆ. ಈ ವರ್ಷದ ದ್ವಿತೀಯಾರ್ಧದಲ್ಲಿ ಬೇಡಿಕೆ ಚೇತರಿಕೆ ಕಂಡುಕೊಳ್ಳಲಿದ್ದು, ಆಮದು ಸಹಜ ಸ್ಥಿತಿಗೆ ಮರಳುವ ನಿರೀಕ್ಷೆ ಇದೆ ಎಂದು ಅವರು ತಿಳಿಸಿದರು.</p>.<p><strong>ಜಾಗತಿಕ ಬೇಡಿಕೆ:</strong> 2020ರಲ್ಲಿ ಜಾಗತಿಕ ಮಟ್ಟದಲ್ಲಿ ಚಿನ್ನದ ಬೇಡಿಕೆಯು 11 ವರ್ಷಗಳ ಕನಿಷ್ಠ ಮಟ್ಟಕ್ಕೆ ಇಳಿಕೆಯಾಗಿದೆ ಎಂದು ಡಬ್ಲ್ಯುಜಿಸಿ ಹೇಳಿದೆ.</p>.<p>ಕೋವಿಡ್–19 ಸಾಂಕ್ರಾಮಿಕ ಹಾಗೂ 2020ರ ನಾಲ್ಕನೇ ತ್ರೈಮಾಸಿಕದಲ್ಲಿ ಬೇಡಿಕೆಯಲ್ಲಿ ಇಳಿಕೆಯ ಪರಿಣಾಮಗಳಿಂದಾಗಿ ಈ ಪ್ರಮಾಣದ ಕುಸಿತ ಆಗಿದೆ. 2009ರಲ್ಲಿ ಚಿನ್ನದ ಬೇಡಿಕೆಯು 3,385.8 ಟನ್ಗಳಷ್ಟಿತ್ತು. ಇದು 2020ರಲ್ಲಿ 3,759 ಟನ್ಗಳಿಗೆ ಅಂದರೆ 11 ವರ್ಷಗಳ ಕನಿಷ್ಠ ಮಟ್ಟಕ್ಕೆ ಇಳಿಕೆಯಾಗಿದೆ. 2019ರಲ್ಲಿ 4,386 ಟನ್ಗಳಷ್ಟು ಚಿನ್ನಕ್ಕೆ ಬೇಡಿಕೆ ಇತ್ತು ಎಂದು ತಿಳಿಸಿದೆ.</p>.<p><strong>ಬೇಡಿಕೆ ವಿವರ<br />ಚಿನ್ನಾಭರಣ;</strong>42% ಇಳಿಕೆ<br /><strong>ಚಿನ್ನ ಆಮದು;</strong>47% ಇಳಿಕೆ</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು</strong>: ಭಾರತದಲ್ಲಿ ಚಿನ್ನದ ಬೇಡಿಕೆಯು 2019ಕ್ಕೆ ಹೋಲಿಸಿದರೆ 2020ರಲ್ಲಿ ಶೇಕಡ 35.34ರಷ್ಟು ಕುಸಿತ ಕಂಡಿದೆ. 2020ರಲ್ಲಿ ದೇಶದಲ್ಲಿ 446.4 ಟನ್ ಚಿನ್ನಕ್ಕೆ ಬೇಡಿಕೆ ಇತ್ತು ಎಂದು ವಿಶ್ವ ಚಿನ್ನ ಮಂಡಳಿ (ಡಬ್ಲ್ಯುಜಿಸಿ) ಹೇಳಿದೆ.</p>.<p>2019ರಲ್ಲಿ ಚಿನ್ನದ ಬೇಡಿಕೆ 690.4 ಟನ್ಗಳಷ್ಟಿತ್ತು ಎಂದು ತನ್ನ ‘ಗೋಲ್ಡ್ ಡಿಮಾಂಡ್ ಟ್ರೆಂಡ್ಸ್’ ವರದಿಯಲ್ಲಿ ತಿಳಿಸಿದೆ.</p>.<p>ಡಬ್ಲ್ಯುಜಿಸಿಯ ಹಿರಿಯ ಮಾರುಕಟ್ಟೆ ವಿಮರ್ಶಕ ಮತ್ತು ಸಂಶೋಧಕ ಲೂಯಿಸ್ ಸ್ಟ್ರೀಟ್ ಅವರು ಗುರುವಾರ ವರ್ಚುವಲ್ ಸುದ್ದಿಗೋಷ್ಠಿಯಲ್ಲಿ ಈ ಮಾಹಿತಿ ನೀಡಿದರು.</p>.<p>ಮೌಲ್ಯದ ಲೆಕ್ಕದಲ್ಲಿ ಬೇಡಿಕೆಯು ಶೇ 14ರಷ್ಟು ಇಳಿಕೆ ಆಗಿದ್ದು, ₹ 1,88,280 ಕೋಟಿಗಳಿಗೆ ತಲುಪಿದೆ. 2019ರಲ್ಲಿ ₹ 2,17,770 ಕೋಟಿಗಳಷ್ಟಿತ್ತು.</p>.<p>‘ಲಾಕ್ಡೌನ್, ಮಂದಗತಿಯ ಆರ್ಥಿಕ ಬೆಳವಣಿಗೆ ಮತ್ತು ಚಿನ್ನದ ಬೆಲೆ ಹೆಚ್ಚಾಗಿದ್ದರಿಂದ ಗ್ರಾಹಕರು ಚಿನ್ನ ಖರೀದಿಗೆ ಹೆಚ್ಚು ಆಸಕ್ತಿ ತೋರಲಿಲ್ಲ. ಇದರ ಪರಿಣಾಮ, ಚಿನ್ನಾಭರಣಗಳ ಬೇಡಿಕೆಯಲ್ಲಿ ಅತ್ಯಂತ ಕಡಿಮೆ ಪ್ರಮಾಣವನ್ನು ದಾಖಲಿಸುವಂತಾಗಿತ್ತು. 2021ರಲ್ಲಿಯೂಕೊರೊನಾ ಪರಿಣಾಮವು ಮುಂದುವರಿಯುವ ಸಾಧ್ಯತೆ ಇದೆ’ ಎಂದು ಲೂಯಿಸ್ ಸ್ಟ್ರೀಟ್ ಹೇಳಿದರು.</p>.<p>ದೇಶಿ ಚಿನ್ನ ಬೇಡಿಕೆಯ ದೀರ್ಘಾವಧಿಯ ಬೆಳವಣಿಗೆಗೆ 2021ನೇ ವರ್ಷವು ಕಾರಣವಾಗುವ ಸಾಧ್ಯತೆ ಇದೆ. ಈ ವರ್ಷದ ದ್ವಿತೀಯಾರ್ಧದಲ್ಲಿ ಬೇಡಿಕೆ ಚೇತರಿಕೆ ಕಂಡುಕೊಳ್ಳಲಿದ್ದು, ಆಮದು ಸಹಜ ಸ್ಥಿತಿಗೆ ಮರಳುವ ನಿರೀಕ್ಷೆ ಇದೆ ಎಂದು ಅವರು ತಿಳಿಸಿದರು.</p>.<p><strong>ಜಾಗತಿಕ ಬೇಡಿಕೆ:</strong> 2020ರಲ್ಲಿ ಜಾಗತಿಕ ಮಟ್ಟದಲ್ಲಿ ಚಿನ್ನದ ಬೇಡಿಕೆಯು 11 ವರ್ಷಗಳ ಕನಿಷ್ಠ ಮಟ್ಟಕ್ಕೆ ಇಳಿಕೆಯಾಗಿದೆ ಎಂದು ಡಬ್ಲ್ಯುಜಿಸಿ ಹೇಳಿದೆ.</p>.<p>ಕೋವಿಡ್–19 ಸಾಂಕ್ರಾಮಿಕ ಹಾಗೂ 2020ರ ನಾಲ್ಕನೇ ತ್ರೈಮಾಸಿಕದಲ್ಲಿ ಬೇಡಿಕೆಯಲ್ಲಿ ಇಳಿಕೆಯ ಪರಿಣಾಮಗಳಿಂದಾಗಿ ಈ ಪ್ರಮಾಣದ ಕುಸಿತ ಆಗಿದೆ. 2009ರಲ್ಲಿ ಚಿನ್ನದ ಬೇಡಿಕೆಯು 3,385.8 ಟನ್ಗಳಷ್ಟಿತ್ತು. ಇದು 2020ರಲ್ಲಿ 3,759 ಟನ್ಗಳಿಗೆ ಅಂದರೆ 11 ವರ್ಷಗಳ ಕನಿಷ್ಠ ಮಟ್ಟಕ್ಕೆ ಇಳಿಕೆಯಾಗಿದೆ. 2019ರಲ್ಲಿ 4,386 ಟನ್ಗಳಷ್ಟು ಚಿನ್ನಕ್ಕೆ ಬೇಡಿಕೆ ಇತ್ತು ಎಂದು ತಿಳಿಸಿದೆ.</p>.<p><strong>ಬೇಡಿಕೆ ವಿವರ<br />ಚಿನ್ನಾಭರಣ;</strong>42% ಇಳಿಕೆ<br /><strong>ಚಿನ್ನ ಆಮದು;</strong>47% ಇಳಿಕೆ</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
