<p><strong>ನವದೆಹಲಿ:</strong> ಒಟ್ಟು ಜಿಎಸ್ಟಿ ಸಂಗ್ರಹವು ಶೇ 9.1ಕ್ಕೆ ಹೆಚ್ಚಳವಾಗಿದ್ದು, ಫೆಬ್ರುವರಿಯಲ್ಲಿ ₹1.84 ಲಕ್ಷ ಕೋಟಿ ಸಂಗ್ರಹವಾಗಿದೆ. ಇದರಿಂದ ದೇಶೀಯ ಬಳಕೆ ಹೆಚ್ಚಳವಾಗಿದ್ದು, ಆರ್ಥಿಕ ಪುನಶ್ಚೇತನದ ಮುನ್ಸೂಚನೆಯಾಗಿದೆ ಎಂದು ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.</p><p>ಈ ಕುರಿತು ಜಿಎಸ್ಟಿ ಸಮಿತಿ ಪತ್ರಿಕಾ ಹೇಳಿಕೆ ಬಿಡುಗಡೆ ಮಾಡಿದ್ದು, ‘ಕೇಂದ್ರ ಜಿಎಸ್ಟಿ ₹35,204 ಕೋಟಿಗೆ ಹೆಚ್ಚಳವಾಗಿದೆ. ರಾಜ್ಯ ಜಿಎಸ್ಟಿ ₹43,704 ಕೋಟಿಗೆ ಏರಿಕೆಯಾಗಿದೆ. ಒಟ್ಟು ₹90,870 ಕೋಟಿ ಜಿಎಸ್ಟಿ ಸಂಗ್ರಹವಾಗಿದ್ದು, ಸೆಸ್ ರೂಪದಲ್ಲಿ ₹13,868 ಕೋಟಿ ಸಂಗ್ರಹವಾಗಿದೆ ಎಂದೆನ್ನಲಾಗಿದೆ.</p><p>‘ದೇಶೀಯ ವಹಿವಾಟಿನಲ್ಲಿ ಜಿಎಸ್ಟಿ ಆದಾಯವು ಶೇ 10.2ರಷ್ಟು ಹೆಚ್ಚಳವಾಗಿದ್ದು, ಇದರಿಂದ ₹1.42 ಲಕ್ಷ ಕೋಟಿ ಸಂಗ್ರಹವಾಗಿದೆ. ಆಮದು ಪ್ರಮಾಣವೂ ಶೇ 5.4ರಷ್ಟು ಹೆಚ್ಚಳವಾಗಿದ್ದು, ₹41,702 ಕೋಟಿ ಮೊತ್ತ ಫೆಬ್ರುವರಿಯಲ್ಲಿ ಸಂಗ್ರಹವಾಗಿದೆ’ ಎಂದು ಹೇಳಲಾಗಿದೆ.</p><p>‘ಮರುಪಾವತಿಯು ಫೆಬ್ರುವರಿಯಲ್ಲಿ ₹20,889 ಕೋಟಿಯಷ್ಟಿದ್ದು, ಇದು 2024ರ ಫೆಬ್ರುವರಿಗೆ ಹೋಲಿಸಿದರೆ ಶೇ 17.3ರಷ್ಟು ಹೆಚ್ಚಳವಾಗಿದೆ. 2025ರ ಒಟ್ಟು ಜಿಎಸ್ಟಿ ಸಂಗ್ರಹವು ಶೇ 8.1ರ ಬೆಳವಣಿಗೆ ದರದಲ್ಲಿ ₹1.63 ಲಕ್ಷ ಕೋಟಿ ಸಂಗ್ರಹವಾಗಿದೆ. ಇದರಿಂದ ಒಟ್ಟು ಹಾಗೂ ನಿವ್ವಳ ಜಿಎಸ್ಟಿ ಆದಾಯವು 2024ರ ಫೆಬ್ರುವರಿಯಲ್ಲಿ ಕ್ರಮವಾಗಿ ₹1.68 ಲಕ್ಷ ಕೋಟಿ ಹಾಗೂ ₹1.50 ಲಕ್ಷ ಕೋಟಿ ಇತ್ತು. 2025ರ ಫೆಬ್ರುವರಿಯಲ್ಲಿ ಇದು ₹1.84ಲಕ್ಷ ಕೋಟಿಯಷ್ಟು ಸಂಗ್ರಹವಾಗಿದೆ. ಆದರೆ ಜನವರಿಗೆ (₹1.96ಲಕ್ಷ ಕೋಟಿ) ಹೋಲಿಸಿದಲ್ಲಿ ತುಸು ಕಡಿಮೆಯಾಗಿದೆ.</p><p>ಡೆಲಾಯ್ಟ್ ಇಂಡಿಯಾ ಪಾಲುದಾರ ಕಂಪನಿಯ ಎಂ.ಎಸ್. ಮಣಿ ಅವರು ಈ ಕುರಿತು ಪ್ರತಿಕ್ರಿಯಿಸಿ, ‘ಹರಿಯಾಣ, ಉತ್ತರ ಪ್ರದೇಶ, ಮಹಾರಾಷ್ಟ್ರ, ತಮಿಳುನಾಡು, ಮಧ್ಯಪ್ರದೇಶ ಹಾಗೂ ಕರ್ನಾಟಕದಲ್ಲಿ ಜಿಎಸ್ಟಿ ಸಂಗ್ರಹ ಶೇ 10ರಿಂದ 20ರಷ್ಟು ಹೆಚ್ಚಳವಾಗಿದೆ. ತೆಲಂಗಾಣ, ಗುಜರಾತ್, ಅಸ್ಸಾಂ, ಆಂಧ್ರಪ್ರದೇಶ, ಒಡಿಶಾದಲ್ಲಿ ಜಿಎಸ್ಟಿ ಸಂಗ್ರಹ ಶೇ 1ರಿಂದ 4ರಷ್ಟು ಕುಸಿತ ಕಂಡಿದೆ’ ಎಂದು ಹೇಳಿದೆ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ:</strong> ಒಟ್ಟು ಜಿಎಸ್ಟಿ ಸಂಗ್ರಹವು ಶೇ 9.1ಕ್ಕೆ ಹೆಚ್ಚಳವಾಗಿದ್ದು, ಫೆಬ್ರುವರಿಯಲ್ಲಿ ₹1.84 ಲಕ್ಷ ಕೋಟಿ ಸಂಗ್ರಹವಾಗಿದೆ. ಇದರಿಂದ ದೇಶೀಯ ಬಳಕೆ ಹೆಚ್ಚಳವಾಗಿದ್ದು, ಆರ್ಥಿಕ ಪುನಶ್ಚೇತನದ ಮುನ್ಸೂಚನೆಯಾಗಿದೆ ಎಂದು ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.</p><p>ಈ ಕುರಿತು ಜಿಎಸ್ಟಿ ಸಮಿತಿ ಪತ್ರಿಕಾ ಹೇಳಿಕೆ ಬಿಡುಗಡೆ ಮಾಡಿದ್ದು, ‘ಕೇಂದ್ರ ಜಿಎಸ್ಟಿ ₹35,204 ಕೋಟಿಗೆ ಹೆಚ್ಚಳವಾಗಿದೆ. ರಾಜ್ಯ ಜಿಎಸ್ಟಿ ₹43,704 ಕೋಟಿಗೆ ಏರಿಕೆಯಾಗಿದೆ. ಒಟ್ಟು ₹90,870 ಕೋಟಿ ಜಿಎಸ್ಟಿ ಸಂಗ್ರಹವಾಗಿದ್ದು, ಸೆಸ್ ರೂಪದಲ್ಲಿ ₹13,868 ಕೋಟಿ ಸಂಗ್ರಹವಾಗಿದೆ ಎಂದೆನ್ನಲಾಗಿದೆ.</p><p>‘ದೇಶೀಯ ವಹಿವಾಟಿನಲ್ಲಿ ಜಿಎಸ್ಟಿ ಆದಾಯವು ಶೇ 10.2ರಷ್ಟು ಹೆಚ್ಚಳವಾಗಿದ್ದು, ಇದರಿಂದ ₹1.42 ಲಕ್ಷ ಕೋಟಿ ಸಂಗ್ರಹವಾಗಿದೆ. ಆಮದು ಪ್ರಮಾಣವೂ ಶೇ 5.4ರಷ್ಟು ಹೆಚ್ಚಳವಾಗಿದ್ದು, ₹41,702 ಕೋಟಿ ಮೊತ್ತ ಫೆಬ್ರುವರಿಯಲ್ಲಿ ಸಂಗ್ರಹವಾಗಿದೆ’ ಎಂದು ಹೇಳಲಾಗಿದೆ.</p><p>‘ಮರುಪಾವತಿಯು ಫೆಬ್ರುವರಿಯಲ್ಲಿ ₹20,889 ಕೋಟಿಯಷ್ಟಿದ್ದು, ಇದು 2024ರ ಫೆಬ್ರುವರಿಗೆ ಹೋಲಿಸಿದರೆ ಶೇ 17.3ರಷ್ಟು ಹೆಚ್ಚಳವಾಗಿದೆ. 2025ರ ಒಟ್ಟು ಜಿಎಸ್ಟಿ ಸಂಗ್ರಹವು ಶೇ 8.1ರ ಬೆಳವಣಿಗೆ ದರದಲ್ಲಿ ₹1.63 ಲಕ್ಷ ಕೋಟಿ ಸಂಗ್ರಹವಾಗಿದೆ. ಇದರಿಂದ ಒಟ್ಟು ಹಾಗೂ ನಿವ್ವಳ ಜಿಎಸ್ಟಿ ಆದಾಯವು 2024ರ ಫೆಬ್ರುವರಿಯಲ್ಲಿ ಕ್ರಮವಾಗಿ ₹1.68 ಲಕ್ಷ ಕೋಟಿ ಹಾಗೂ ₹1.50 ಲಕ್ಷ ಕೋಟಿ ಇತ್ತು. 2025ರ ಫೆಬ್ರುವರಿಯಲ್ಲಿ ಇದು ₹1.84ಲಕ್ಷ ಕೋಟಿಯಷ್ಟು ಸಂಗ್ರಹವಾಗಿದೆ. ಆದರೆ ಜನವರಿಗೆ (₹1.96ಲಕ್ಷ ಕೋಟಿ) ಹೋಲಿಸಿದಲ್ಲಿ ತುಸು ಕಡಿಮೆಯಾಗಿದೆ.</p><p>ಡೆಲಾಯ್ಟ್ ಇಂಡಿಯಾ ಪಾಲುದಾರ ಕಂಪನಿಯ ಎಂ.ಎಸ್. ಮಣಿ ಅವರು ಈ ಕುರಿತು ಪ್ರತಿಕ್ರಿಯಿಸಿ, ‘ಹರಿಯಾಣ, ಉತ್ತರ ಪ್ರದೇಶ, ಮಹಾರಾಷ್ಟ್ರ, ತಮಿಳುನಾಡು, ಮಧ್ಯಪ್ರದೇಶ ಹಾಗೂ ಕರ್ನಾಟಕದಲ್ಲಿ ಜಿಎಸ್ಟಿ ಸಂಗ್ರಹ ಶೇ 10ರಿಂದ 20ರಷ್ಟು ಹೆಚ್ಚಳವಾಗಿದೆ. ತೆಲಂಗಾಣ, ಗುಜರಾತ್, ಅಸ್ಸಾಂ, ಆಂಧ್ರಪ್ರದೇಶ, ಒಡಿಶಾದಲ್ಲಿ ಜಿಎಸ್ಟಿ ಸಂಗ್ರಹ ಶೇ 1ರಿಂದ 4ರಷ್ಟು ಕುಸಿತ ಕಂಡಿದೆ’ ಎಂದು ಹೇಳಿದೆ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
