ಪೈಲಟ್‌ ತರಬೇತಿ ಯುವತಿಯರಿಗೆ ಹೋಂಡಾ ನೆರವು

ಬೆಂಗಳೂರು: ವಾಣಿಜ್ಯ ಪೈಲಟ್ ಆಗುವ ಯುವತಿಯರ ಕನಸು ನನಸಾಗಿಸಲು ಹೋಂಡಾ ಮೋಟರ್‌ ಸೈಕಲ್ಸ್‌ ಮತ್ತು ಸ್ಕೂಟರ್ ಇಂಡಿಯಾ ಪ್ರೈವೇಟ್ ಲಿಮಿಟೆಡ್, ‘ಸಪ್ನೋ ಕಿ ಉಡಾನ್’ ವಿಶಿಷ್ಟ ಯೋಜನೆ ಪ್ರಕಟಿಸಿದೆ.

ಸಾಮಾಜಿಕ ಹೊಣೆಗಾರಿಕೆ ಕಾರ್ಯಕ್ರಮದಡಿ (ಸಿಎಸ್‌ಆರ್‌), ವಾಣಿಜ್ಯ ಪೈಲಟ್ ಕೋರ್ಸ್ ಕಲಿಯುವ 20 ಅರ್ಹ ಯುವತಿಯರಿಗೆ ವಿದ್ಯಾರ್ಥಿ ವೇತನ ನೀಡಲಿದೆ. 18 ತಿಂಗಳ ಅವಧಿಯ ತರಬೇತಿಯ ಸಂಪೂರ್ಣ ವೆಚ್ಚವನ್ನು ಭರಿಸಲಿದೆ. ರಾಜ್ಯದ ಐವರನ್ನು ಆಯ್ಕೆ ಮಾಡಲಾಗುವುದು. ಅರ್ಜಿ ಸಲ್ಲಿಕೆಗೆ ಆಗಸ್ಟ್ 10 ಕೊನೆಯ ದಿನ. ವಿವರಗಳನ್ನು pilotadmission@teamleaseuniversity.ac.in ವಿಳಾಸಕ್ಕೆ ಕಳಿಸಬೇಕು.