ದಾವೋಸ್ (ರಾಯಿಟರ್ಸ್): ಜಗತ್ತಿನ ಪ್ರಮುಖ ಅರ್ಥ ವ್ಯವಸ್ಥೆಗಳಲ್ಲಿ ಆರ್ಥಿಕ ಹಿಂಜರಿತ ಎದುರಾಗುವ ಸಾಧ್ಯತೆ ಇಲ್ಲ ಎಂದು ಅಂತರರಾಷ್ಟ್ರೀಯ ಹಣಕಾಸು ನಿಧಿಯ ವ್ಯವಸ್ಥಾಪಕ ನಿರ್ದೇಶಕಿ ಕ್ರಿಸ್ಟಲೀನಾ ಜಾರ್ಜೀವಾ ಹೇಳಿದ್ದಾರೆ.
ವಿಶ್ವ ಆರ್ಥಿಕ ಶೃಂಗದಲ್ಲಿ ಜಾರ್ಜೀವಾ ಅವರಿಗೆ ‘ಹಿಂಜರಿತದ ನಿರೀಕ್ಷೆ ಇದೆಯೇ’ ಎಂಬ ಪ್ರಶ್ನೆ ಎದುರಾಯಿತು. ‘ಈ ಸಂದರ್ಭದಲ್ಲಿ ಹಿಂಜರಿತ ಎದುರಾಗುವುದಿಲ್ಲ. ಆದರೆ, ಇದರ ಅರ್ಥ ಮುಂದೆ ಬರುವುದೇ ಇಲ್ಲ ಎಂದಲ್ಲ’ ಎಂಬ ಉತ್ತರವನ್ನು ಜಾರ್ಜೀವಾ ನೀಡಿದ್ದಾರೆ.