ಶನಿವಾರ, ಡಿಸೆಂಬರ್ 14, 2019
25 °C

ಜಿಯೊ ಹೊಸ ಪ್ಲಾನ್‌; ಏರ್‌ಟೆಲ್‌, ವೊಡಾಫೋನ್‌ಗಿಂತ ಶೇ 20ರಷ್ಟು ಅಗ್ಗ?

ಏಜೆನ್ಸಿಸ್ Updated:

ಅಕ್ಷರ ಗಾತ್ರ : | |

ದೂರಸಂಪರ್ಕ ಕಂಪನಿ ಜಿಯೊ

ದೂರಸಂಪರ್ಕ ಕಂಪನಿಗಳು ಶೇ 40ರಷ್ಟು ಸೇವಾ ದರ ಹೆಚ್ಚಿಸಿರುವ ಬಗ್ಗೆ ಈಗಾಗಲೇ ಘೋಷಿಸಿವೆ. ಆದರೆ, ಏರ್‌ಟೆಲ್‌ ಮತ್ತು ವೊಡಾಫೋನ್‌ ಐಡಿಯಾ ನಿಗದಿ ಪಡಿಸಿರುವ ದರಕ್ಕಿಂತಲೂ ಜಿಯೊ ಶೇ 15–20ರಷ್ಟು ಕಡಿಮೆ ದರದಲ್ಲಿ ಬಳಕೆದಾರರಿಗೆ ರಿಚಾರ್ಜ್‌ ಆಯ್ಕೆಗಳು ಸಿಗಲಿವೆ ಎಂದು ವರದಿಯಾಗಿದೆ. 

ಈಗಾಗಲೇ ಏರ್‌ಟೆಲ್‌ ಮತ್ತು ವೊಡಾಫೋನ್‌ ಸೇವಾ ದರ ಪರಿಷ್ಕೃತಗೊಳಿಸಿದ ಪ್ಲಾನ್‌ಗಳನ್ನು ಪ್ರಕಟಿಸಿದ್ದು, ಜಿಯೊ ಡಿಸೆಂಬರ್‌ 6ರಂದು ಯೋಜನೆ ಬಹಿರಂಗ ಪಡಿಸುವುದಾಗಿ ಹೇಳಿದೆ. ಜಿಯೊ ಸಹ ಶೇ 40ರಷ್ಟು ಸೇವಾ ದರ ಹೆಚ್ಚಿಸುವುದಾಗಿ ತಿಳಿಸಿದ್ದರೂ 'ಆಲ್‌ ಇನ್‌ ಒನ್‌' ಪ್ಲಾನ್‌ ಮೂಲಕ ಅನಿಯಮಿತ ಕರೆ ಮತ್ತು ಡೇಟಾ ಸೇವೆ ನೀಡುವುದಾಗಿ ಪ್ರಕಟಿಸಿದೆ. ಹೊಸ ಆಲ್‌ ಇನ್‌ ಒನ್‌ನಲ್ಲಿ ಹಿಂದಿನ ಯೋಜನೆಗಳಿಗಿಂತ ಶೇ 300ರಷ್ಟು ಹೆಚ್ಚುವರಿ ಲಾಭ ಸಿಗಲಿದೆ ಎಂದಿದೆ. 

ಇದನ್ನೂ ಓದಿ: ದರ ಹೆಚ್ಚಳಕ್ಕೂ ಮುನ್ನ ಜಿಯೊ ₹444×4 ಆಲ್‌–ಇನ್‌–ಒನ್‌ ಪ್ಲಾನ್; 336 ದಿನಗಳ ಸೇವೆ

'ಜಿಯೊ ಅಯ್ದ ಯೋಜನೆಗಳ ಮೇಲೆ ಶೇ 40ರಷ್ಟು ಹೆಚ್ಚಳ ಮಾಡಲಿದ್ದು, ಜನಪ್ರಿಯವಾಗಿರುವ ಪ್ಲಾನ್‌ಗಳಲ್ಲಿ ಶೇ 25–30ರಷ್ಟು ದರ ಏರಿಕೆ ಮಾಡಬಹುದು. ಹೆಚ್ಚುವರಿ ಡೇಟಾ ಸೌಲಭ್ಯ ನೀಡುವುದೇ ಜಿಯೊ ಹೇಳುತ್ತಿರುವ ಶೇ 300ರಷ್ಟು ಹೆಚ್ಚುವರಿ ಲಾಭ ಇರಬಹುದು' ಎಂದು ಬ್ಯಾಂಕ್‌ ಆಫ್‌ ಅಮೆರಿಕದ ಮೆರಿಲ್‌ ಲಿಂಚ್‌ ಅಭಿಪ್ರಾಯ ಪಟ್ಟಿದ್ದಾರೆ. 

ಇದನ್ನೂ ಓದಿ: ಡಿಸೆಂಬರ್ 6ರಿಂದ ಜಿಯೊ: ‘ಆಲ್‌ ಇನ್‌ ಒನ್‌’ ಪ್ಲ್ಯಾನ್

ಸೇವಾ ದರ ಹೆಚ್ಚಳದ ನಂತರವೂ ಜಿಯೊ ಇತರೆ ದೂರಸಂಪರ್ಕ ಕಂಪನಿಗಳ ದರಗಳಿಗಿಂತ ಶೇ 15–20ರಷ್ಟು ಅಗ್ಗವಾಗಿಯೇ ಮುಂದುವರಿಯಲಿದೆ. ಡೇಟಾ ಬಳಕೆ ಅವಕಾಶದ ಮಿತಿಯ ಬಗ್ಗೆ ಜಿಯೊ ವಹಿಸಿರುವ ಕ್ರಮಗಳು ಹೂಡಿಕೆ ಮೇಲೆ ಪರಿಣಾಮ ಬೀರಲಿದೆ ಎಂದಿದ್ದಾರೆ.

ಇದನ್ನೂ ಓದಿ: ಕರೆ, ಡೇಟಾ ದರ ಹೆಚ್ಚಳ; ಏರಿದ ಏರ್‌ಟೆಲ್‌, ವೊಡಾಫೋನ್‌, ರಿಲಯನ್ಸ್‌ ಷೇರು

ಏರ್‌ಟೆಲ್‌ ಮತ್ತು ವೊಡಾಫೋನ್‌ ಐಡಿಯಾದ ಹೊಸ ದರಗಳು ಮಂಗಳವಾರದಿಂದಲೇ ಅನ್ವಯವಾಗಿವೆ. ವೊಡಾಫೋನ್‌ನ 84 ದಿನಗಳ (ನಿತ್ಯ 1.5 ಜಿಬಿ ಡೇಟಾ) ಪ್ಯಾಕ್‌ ಶೇ 31ರಷ್ಟು ಹೆಚ್ಚಳದೊಂದಿಗೆ ₹599 ಹಾಗೂ ಏರ್‌ಟೆಲ್‌ ಪ್ಯಾಕ್‌ ₹598 ಆಗಿದೆ. 

ಇದನ್ನೂ ಓದಿ: ಬಳಕೆದಾರರಿಗೆ ಬರೆ: ನಾಳೆಯಿಂದ ವೊಡಾಫೋನ್ ಐಡಿಯಾ, ಏರ್‌ಟೆಲ್‌, ಜಿಯೊ ದರ ಏರಿಕೆ

ಪ್ರತಿಕ್ರಿಯಿಸಿ (+)

ಈ ವಿಭಾಗದಿಂದ ಇನ್ನಷ್ಟು