ರಿಲಯನ್ಸ್ ಹೋಮ್‌, ಕಮರ್ಷಿಯಲ್‌ಗೆ ಕೊಟ್ಟ ಸಾಲ ಎನ್‌ಪಿಎ: ಕರ್ನಾಟಕ ಬ್ಯಾಂಕ್ ಘೋಷಣೆ
ಅಕ್ಷರ ಗಾತ್ರ :ಆ |ಆ |ಆ
ನವದೆಹಲಿ: ರಿಲಯನ್ಸ್ ಹೋಮ್‌ ಫೈನಾನ್ಸ್‌ ಮತ್ತು ರಿಲಯನ್ಸ್ ಕಮರ್ಷಿಯಲ್‌ ಫೈನಾನ್ಸ್‌ ಕಂಪನಿಗಳು ಒಟ್ಟಾರೆ ₹ 160 ಕೋಟಿ ಮೊತ್ತದ ಸಾಲ ಬಾಕಿ ಉಳಿಸಿಕೊಂಡಿದ್ದು, ಈ ಸಾಲ ಖಾತೆಗಳನ್ನು ‘ವಂಚನೆ’ ಎಂದು ಕರ್ಣಾಟಕ ಬ್ಯಾಂಕ್ ಘೋಷಿಸಿದೆ.
‘ಷೇರುಪೇಟೆಯಲ್ಲಿ ನೋಂದಾಯಿತವಾಗಿರುವ ಎರಡೂ ಕಂಪನಿಗಳಿಗೆ ನೀಡಿರುವ ಸಾಲ ಸೌಲಭ್ಯಗಳಲ್ಲಿನ ವಂಚನೆಯ ಬಗ್ಗೆ ಆರ್‌ಬಿಐಗೆ ಮಾಹಿತಿ ನೀಡಲಾಗಿದೆ. ರಿಲಯನ್ಸ್ ಹೋಮ್‌ ಫೈನಾನ್ಸ್‌ ₹ 21.94 ಕೋಟಿ ಹಾಗೂ ರಿಲಯನ್ಸ್ ಕಮರ್ಷಿಯಲ್‌ ಫೈನಾನ್ಸ್‌ ₹ 138.41 ಕೋಟಿ ಮೊತ್ತದ ಸಾಲ ಬಾಕಿ ಉಳಿಸಿಕೊಂಡಿದೆ’ ಎಂದು ಕರ್ಣಾಟಕ ಬ್ಯಾಂಕ್ ಷೇರುಪೇಟೆಗೆ ಮಾಹಿತಿ ನೀಡಿದೆ.
ರಿಲಯನ್ಸ್ ಹೋಮ್‌ ಫೈನಾನ್ಸ್‌ ಜತೆ 2015ರಿಂದ ಹಾಗೂ ರಿಲಯನ್ಸ್ ಕಮರ್ಷಿಯಲ್‌ ಫೈನಾನ್ಸ್‌ ಜೊತೆ 2014ರಿಂದ ವ್ಯವಹಾರ ಹೊಂದಿರುವು ದಾಗಿ ಬ್ಯಾಂಕ್ ತಿಳಿಸಿದೆ. 24ಕ್ಕೂ ಹೆಚ್ಚಿನ ಬ್ಯಾಂಕ್‌ಗಳು ಒಟ್ಟಾಗಿ ರಿಲಯನ್ಸ್ ಹೋಮ್‌ ಫೈನಾನ್ಸ್‌ಗೆ ಸಾಲ ನೀಡಿವೆ. ಇದರಲ್ಲಿ ಕರ್ಣಾಟಕ ಬ್ಯಾಂಕ್‌ನ ಪಾಲು ಶೇಕಡ 0.39ರಷ್ಟು. ರಿಲಯನ್ಸ್ ಕಮರ್ಷಿಯಲ್‌ ಫೈನಾನ್ಸ್‌ಗೆ 22 ಬ್ಯಾಂಕ್‌ಗಳು ಒಟ್ಟಾಗಿ ಸಾಲ ನೀಡಿದ್ದು ಅದರಲ್ಲಿ ಕರ್ಣಾಟಕ ಬ್ಯಾಂಕ್ ಪಾಲು ಶೇ 1.98ರಷ್ಟಿದೆ ಎಂದು ಅದು ಮಾಹಿತಿ ನೀಡಿದೆ. ಎರಡೂ ಖಾತೆಗಳನ್ನು ಎನ್‌ಪಿಎ (ವಸೂಲಾಗದ ಸಾಲ) ಎಂದು ವರ್ಗೀಕರಿಸಲಾಗಿದೆ ಎಂದು ಬ್ಯಾಂಕ್ ತಿಳಿಸಿದೆ.
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
