ಇಡ್ಲಿ, ದೋಸೆ ಹಿಟ್ಟು ಮಾರುಕಟ್ಟೆಗೆ ಎಂಟಿಆರ್

ಕೆಲವು ಬ್ರ್ಯಾಂಡ್‌ಗಳು ಇಡ್ಲಿ ಹಾಗೂ ದೋಸೆಗೆ ಪ್ರತ್ಯೇಕ ಹಿಟ್ಟು ಮಾರಾಟ ಮಾಡುವುದಿಲ್ಲ. ಒಂದೇ ಹಿಟ್ಟನ್ನು ಇಡ್ಲಿಗೂ ದೋಸೆಗೂ ಬಳಸಬಹುದು ಎಂದು ಹೇಳುತ್ತವೆ. ಎಂಟಿಆರ್ ಫುಡ್ಸ್‌, ಇಡ್ಲಿ ಮತ್ತು ದೋಸೆ ಹಿಟ್ಟಿನ ಪ್ರತಿ ಪ್ಯಾಕ್‌ಗೆ ₹ 75 ಬೆಲೆ ನಿಗದಿ ಮಾಡಿದೆ. ಒಂದು ಪ್ಯಾಕ್‌ ಇಡ್ಲಿ ಹಿಟ್ಟು ಬಳಸಿ 16 ಇಡ್ಲಿಗಳನ್ನು, ಒಂದು ಪ್ಯಾಕ್ ದೋಸೆ ಹಿಟ್ಟು ಬಳಸಿ 12 ದೋಸೆಗಳನ್ನು ಮಾಡಬಹುದು ಎಂದು ಕಂಪನಿ ಹೇಳಿದೆ.

ಈ ಉತ್ಪನ್ನಗಳಿಗಾಗಿ ಕಂಪನಿಯು ₹ 25 ಕೋಟಿಯನ್ನು ಬಂಡವಾಳ ವೆಚ್ಚವಾಗಿ ತೊಡಗಿಸಿದೆ. ಉತ್ಪನ್ನಗಳ ಪ್ರಚಾರಕ್ಕೆ ಪ್ರತ್ಯೇಕವಾಗಿ ಹಣ ಹೂಡಿಕೆ ಮಾಡಲಾಗುತ್ತದೆ ಎಂದು ಎಂಟಿಆರ್ ಫುಡ್ಸ್‍ಕಂಪನಿಯ ಮುಖ್ಯ ಕಾರ್ಯನಿರ್ವಹಣಾ ಅಧಿಕಾರಿ ಸಂಜಯ್ ಶರ್ಮ ಗುರುವಾರ ಸುದ್ದಿಗೋಷ್ಠಿಯಲ್ಲಿ ತಿಳಿಸಿದರು.