ಸಿಸಿಐ ದಂಡ ಪ್ರಶ್ನಿಸಿ ಎನ್‌ಸಿಎಲ್‌ಎಟಿ ಮೆಟ್ಟಿಲೇರಿದ ಮೆಟಾ

ನವದೆಹಲಿ : ವಾಟ್ಸ್ಆ್ಯಪ್ನಿಂದ ಗೋಪ್ಯತೆ ನೀತಿ ಉಲ್ಲಂಘನೆಗೆ ಸಂಬಂಧಿಸಿದಂತೆ ಭಾರತೀಯ ಸ್ಪರ್ಧಾತ್ಮಕ ಆಯೋಗವು (ಸಿಸಿಐ) ವಿಧಿಸಿರುವ ₹213 ಕೋಟಿ ದಂಡ ಪ್ರಶ್ನಿಸಿ, ಮೆಟಾ ಕಂಪನಿಯು ರಾಷ್ಟ್ರೀಯ ಕಂಪನಿ ಕಾನೂನು ಮೇಲ್ಮನವಿ ನ್ಯಾಯಮಂಡಳಿಯ (ಎನ್ಸಿಎಲ್ಎಟಿ) ಮೆಟ್ಟಿಲೇರಿಸಿದೆ.

. ದಂಡ ಪ್ರಕರಣ ಕುರಿತು ಸಿಸಿಐ ಮತ್ತು ಮೆಟಾ ಮಂಡಿಸಿದ ವಾದ ಆಲಿಸಿದ ಮಂಡಳಿಯ ವಿಭಾಗೀಯ ನ್ಯಾಯಪೀಠವು, ಎರಡೂ ಕಡೆಯಿಂದ ಸಲ್ಲಿಸಿರುವ ಅರ್ಜಿಗಳನ್ನು ವಿಚಾರಣೆ ನಡೆಸಲು ಸ್ವೀಕರಿಸಿದೆ.

. ಮೆಟಾ ಮತ್ತು ಸಿಸಿಐ ಸಲ್ಲಿಸಿರುವ ಅರ್ಜಿಗಳನ್ನು ವಿಚಾರಣೆಗೆ ಸ್ವೀಕರಿಸಲಾಗಿದೆ ಎಂದು ನ್ಯಾಯಪೀಠ ಅಧ್ಯಕ್ಷರಾದ ನ್ಯಾಯಮೂರ್ತಿ ಅಶೋಕ್ ಭೂಷಣ್ ತಿಳಿಸಿದ್ದಾರೆ.

. ಆದರೆ, ಭಾರತೀಯ ಸ್ಪರ್ಧಾತ್ಮಕ ಆಯೋಗ ನೀಡಿರುವ ದಂಡದ ಆದೇಶಕ್ಕೆ ಮಧ್ಯಂತರ ತಡೆಯಾಜ್ಞೆ ನೀಡುವಂತೆ ಕೋರಿದ ವಾಟ್ಸ್ಆ್ಯಪ್ ಮತ್ತು ಮೆಟಾ ಮನವಿಯನ್ನು ನ್ಯಾಯಮಂಡಳಿಯು ಪುರಸ್ಕರಿಸಲಿಲ್ಲ. ಮುಂದಿನ ವಾರ ನಡೆಯಲಿರುವ ವಿಚಾರಣೆಯಲ್ಲಿ ಈ ಬಗ್ಗೆ ನಿರ್ಧಾರ ಕೈಗೊಳ್ಳುವುದಾಗಿ ಹೇಳಿದೆ.

. ಪ್ರಕರಣ ಏನು?:

. ವಾಟ್ಸ್ಆ್ಯಪ್ನಲ್ಲಿ ಸಂಗ್ರಹಿಸುವ ಬಳಕೆದಾರರ ಮಾಹಿತಿಯನ್ನು ಜಾಹೀರಾತು ಉದ್ದೇಶಗಳಿಗೆ ಮೆಟಾ ಕಂಪನಿಯು ತನ್ನ ಇತರೆ ಅಪ್ಲಿಕೇಷನ್ಗಳಲ್ಲಿ ಬಳಸದಂತೆ ಆಯೋಗವು, ನಿರ್ಬಂಧ ವಿಧಿಸಿದೆ.

. ಆದರೆ, 2021ರಲ್ಲಿ ವಾಟ್ಸ್ಆ್ಯಪ್ನ ನವೀಕೃತ ನೀತಿ ಅನ್ವಯ ಎಲ್ಲಾ ಬಳಕೆದಾರರು ಮೆಟಾದೊಂದಿಗೆ ದತ್ತಾಂಶ ಹಂಚಿಕೊಳ್ಳುವುದನ್ನು ಕಡ್ಡಾಯಗೊಳಿಸಲಾಗಿದೆ. ಈ ಬಗ್ಗೆ ಆಯೋಗ ಆಕ್ಷೇಪ ವ್ಯಕ್ತಪಡಿಸಿದ್ದು, ಸ್ಪರ್ಧಾತ್ಮಕತೆಗೆ ವಿರುದ್ಧವಾದ ನಿಯಮಗಳನ್ನು ಅನುಸರಿಸಬಾರದು ಎಂದು ಮೆಟಾಗೆ ಸೂಚನೆ ನೀಡಿದೆ.

.‘ಮೆಟಾ’ ಇಂಡಿಯಾ ಕ್ಷಮೆ: ‘ಇದು ಈಗ ಮುಗಿದ ವಿಚಾರ’ ಎಂದ ದುಬೆ.ಭಾರತ ಚುನಾವಣೆ ಬಗ್ಗೆ ಜುಕರ್ಬರ್ಗ್ ಹೇಳಿಕೆ: ಮೆಟಾ ಇಂಡಿಯಾ ಕ್ಷಮೆ.ಕಾರ್ಯಕ್ಷಮತೆ ಆಧರಿಸಿ ಕ್ರಮ | 3,600 ಉದ್ಯೋಗಿಗಳನ್ನು ಕಡಿತಗೊಳಿಸಲು ಮುಂದಾದ ಮೆಟಾ!.‘ಮೆಟಾ’ಗೆ ಶೀಘ್ರ ಸಮನ್ಸ್ ಜಾರಿ: ನಿಶಿಕಾಂತ್ ದುಬೆ. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.