ನವದೆಹಲಿ: ಪೆಟ್ರೋಲ್ ದರವನ್ನು ಮಂಗಳವಾರ ಲೀಟರ್ಗೆ 20 ಪೈಸೆ ಮತ್ತು ಡೀಸೆಲ್ ದರವನ್ನು ಲೀಟರ್ಗೆ 25 ಪೈಸೆ ಏರಿಸಲಾಗಿದೆ. ಅಂತರರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ತೈಲದ ಬೆಲೆ ಕಳೆದ ಮೂರು ವರ್ಷಗಳಲ್ಲಿ ಇದೇ ಮೊದಲ ಬಾರಿಗೆ ಬ್ಯಾರಲ್ಗೆ 80 ಡಾಲರ್ ಗಡಿ ತಲುಪಿದೆ. ಈ ದರ ಏರಿಕೆಗೆ ಕಾರಣವಾಗಿದೆ.
ಪರಿಷ್ಕರಣೆಯ ನಂತರ ದೆಹಲಿಯಲ್ಲಿ ಲೀಟರ್ ಪೆಟ್ರೋಲ್ ದರ ₹ 101.39 ಇದ್ದರೆ, ಮುಂಬೈನಲ್ಲಿ ₹ 107.47 ಆಗಿದೆ. ಡೀಸೆಲ್ ದರ ಲೀಟರ್ಗೆ ದೆಹಲಿಯಲ್ಲಿ ₹ 89.57 ಮತ್ತು ಮುಂಬೈನಲ್ಲಿ ₹ 97.21 ಆಗಿದೆ ಎಂದು ಆಯಾ ರಾಜ್ಯಗಳ ಇಂಧನ ವಿತರಕರ ಪತ್ರಿಕಾ ಹೇಳಿಕೆ ತಿಳಿಸಿದೆ.
ಸ್ಥಳೀಯ ತೆರಿಗೆಯನ್ನು ಆಧರಿಸಿ ದರ ರಾಜ್ಯದಿಂದ ರಾಜ್ಯಗಳಿಗೆ ಭಿನ್ನವಾಗಿರಲಿದೆ. ಕಳೆದ ಎರಡು ತಿಂಗಳಲ್ಲಿ ಇದೇ ಮೊದಲ ಬಾರಿಗೆ ಪೆಟ್ರೋಲ್ ದರ ಏರಿಕೆ ಕಂಡಿದ್ದರೆ, ಡೀಸೆಲ್ ದರವು ನಾಲ್ಕನೇ ಬಾರಿಗೆ ಏರಿಕೆಯಾಗಿದೆ.
ಅಂತರರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ತೈಲ ದರ ಸತತ ಐದನೇ ದಿನವೂ ಏರಿಕೆಯಾಗಿದೆ ಎಂದು ಹೇಳಿಕೆ ತಿಳಿಸಿದೆ.