ನವದೆಹಲಿ: ರಿಲಯನ್ಸ್ ಇಂಡಸ್ಟ್ರೀಸ್ (ಆರ್ಐಎಲ್) ತನ್ನ ಡಿಜಿಟಲ್ ಘಟಕ ಜಿಯೊ ಪ್ಲಾಟ್ಫಾರ್ಮ್ಸ್ನ ಪಾಲು ಬಂಡವಾಳ ಮಾರಾಟದ ಮೂಲಕ ಇದುವರೆಗೆ ₹1.04 ಲಕ್ಷ ಕೋಟಿ ಬಂಡವಾಳ ಸಂಗ್ರಹಿಸಿದೆ.
ಜಾಗತಿಕ ಬಂಡವಾಳ ಹೂಡಿಕೆ ಕಂಪನಿ ‘ಟಿಪಿಜಿ’ಗೆ ಶೇ 0.93ರಷ್ಟು ಪಾಲನ್ನು ₹4,546.80 ಕೋಟಿಗೆ ಮತ್ತು ಶೇ 0.39ರಷ್ಟು ಪಾಲನ್ನು ಷೇರು ಕಂಪನಿ ಎಲ್. ಕ್ಯಾಟರ್ಟನ್ಗೆ ₹ 1,894.50 ಕೋಟಿಗೆ ಮಾರಾಟ ಮಾಡಿದೆ.
ಎಂಟು ವಾರಗಳಲ್ಲಿ 9 ಹೂಡಿಕೆದಾರರಿಗೆ ಶೇ 22.38ರಷ್ಟು ಪಾಲು ಬಂಡವಾಳ ಮಾರಾಟ ಮಾಡಿ ₹1,04,326.95 ಕೋಟಿ ಬಂಡವಾಳ ಸಂಗ್ರಹಿಸಿದೆ.