ಭಾನುವಾರ, ಮೇ 16, 2021
25 °C

ವೋಲ್ವೊ ಕಾರ್ ಕಂಪನಿಯ ಎಲ್ಲ ಸಿಬ್ಬಂದಿಗೆ 6 ತಿಂಗಳ ವೇತನ ಸಹಿತ ಪಾಲನಾ ರಜೆ

ಎಎಫ್‌ಪಿ Updated:

ಅಕ್ಷರ ಗಾತ್ರ : | |

Volvo car logo. Credit: iStock Photo

ಸ್ಟಾಕ್‌ಹೋಮ್: ಸ್ವೀಡನ್ ಮೂಲದ ವಾಹನ ತಯಾರಿಕ ಸಂಸ್ಥೆ ವೋಲ್ವೊ, ಜಾಗತಿಕವಾಗಿ ತನ್ನ ಎಲ್ಲ 40,000 ಉದ್ಯೋಗಿಗಳಿಗೆ ಆರು ತಿಂಗಳ ವೇತನ ಸಹಿತ ಪಾಲನಾ ರಜೆಯನ್ನು ನೀಡುವುದಾಗಿ ಹೇಳಿದೆ. 

ಲಿಂಗ ತಾರತಮ್ಯವನ್ನು ಹೋಗಲಾಡಿಸುವುದು ಮತ್ತು ಉದ್ಯೋಗಿಗಳಿಗೆ ಹೆಚ್ಚಿನ ಉತ್ತೇಜನ ಈ ಕ್ರಮ ಎಂದು ಕಂಪನಿ ಹೇಳಿದೆ.

ಏಪ್ರಿಲ್ 1ರಿಂದ ಅನ್ವಯವಾಗುವಂತೆ, ಕಂಪನಿಯಲ್ಲಿ ಕನಿಷ್ಠ 1 ವರ್ಷ ಕೆಲಸ ಮಾಡಿರುವ ಉದ್ಯೋಗಿಗಳು ಈ ಯೋಜನೆಯ ಪ್ರಯೋಜನ ಪಡೆಯಲು ಅರ್ಹರಾಗುತ್ತಾರೆ.

ಅಲ್ಲದೆ, ಮಗುವಿನ ಜನನದ ಬಳಿಕ ಮೊದಲ ಮೂರು ವರ್ಷಗಳಲ್ಲಿ ಉದ್ಯೋಗಿಗಳು, ಬೇಕಾದ ಸಮಯದಲ್ಲಿ ಪಾಲನಾ ರಜೆ ಪಡೆದುಕೊಳ್ಳಬಹುದಾಗಿದೆ.

ಸ್ವೀಡನ್‌ನ ರಾಷ್ಟ್ರೀಯ ಪಾಲನಾ ರಜೆ ನೀತಿಗೆ ಅನುಸಾರ, ಈ ಯೋಜನೆಯನ್ನು ಕಂಪನಿ ಘೋಷಿಸಿದೆ.

ಎಲ್ಲ ಉದ್ಯೋಗಿಗಳಿಗೂ ಈ ಪ್ರಯೋಜನ ದೊರೆಯಲಿದೆ. ಹೆಚ್ಚಿನ ಸಂಖ್ಯೆಯಲ್ಲಿ ಪುರುಷರು ಇದನ್ನು ಬಳಸಿಕೊಳ್ಳುವಂತೆ ನಾವು ಉತ್ತೇಜನ ನೀಡಲಿದ್ದೇವೆ ಎಂದು ವೋಲ್ವೊ ಕಾರ್ ಮಾನವ ಸಂಪನ್ಮೂಲ ವಿಭಾಗದ ಮುಖ್ಯಸ್ಥರಾಗಿರುವ ಹೆನ್ನಾ ಫೇಜರ್ ತಿಳಿಸಿದ್ದಾರೆ.

ವೋಲ್ವೊ ಕಾರ್ಸ್ ಕಂಪನಿಯಲ್ಲಿ ಶೇ 75 ಪುರುಷ ಉದ್ಯೋಗಿಗಳಿದ್ದಾರೆ. ಅಲ್ಲದೆ, 2019ರಿಂದ ಈ ಯೋಜನೆಯನ್ನು ಪ್ರಾಯೋಗಿಕವಾಗಿ ನಡೆಸಿದ್ದು, ಇದೀಗ ಎಲ್ಲ ಉದ್ಯೋಗಿಗಳಿಗೂ ವಿಸ್ತರಿಸಿರುವುದಾಗಿ ಕಂಪನಿ ಹೇಳಿದೆ.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು