ಪ್ರಶ್ನೋತ್ತರ

ಸೆಪ್ಟೆಂಬರ್ 23ರ ನಿಮ್ಮ ಅಂಕಣದಲ್ಲಿ ಪ್ರಧಾನ ಮಂತ್ರಿ ವಯೋ ವಂದನಾ ಯೋಜನೆಯ ವಾರ್ಷಿಕ ಬಡ್ಡಿ ದರ ಶೇ 7.4 ಇದ್ದು, ಈ ಬಡ್ಡಿದರ ಒಮ್ಮೆ ಠೇವಣಿ ಇರಿಸಿದ 10 ವರ್ಷಗಳವರೆಗೆ ಬದಲಾಗುವುದಿಲ್ಲ ಎಂದು ತಿಳಿಸಿದ್ದೀರಿ.ನಾನು ಇದೇ ಯೋಜನೆಯಲ್ಲಿ ಹಣ ಇರಿಸಬಯಸಿದ್ದೆ. ಆದರೆ ಒಬ್ಬ ಏಜೆಂಟರು ಇಂದು ನಿಗದಿಪಡಿಸಿದ ಬಡ್ಡಿ ಮುಂದಿನ ವರ್ಷಗಳಲ್ಲಿ ಬದಲಾಗುತ್ತದೆ ಎಂದು ತಿಳಿಸಿ, ಬೇರೊಂದು ಪಿಂಚಣಿ ಯೋಜನೆಯಲ್ಲಿ ಹಣ ತೊಡಗಿಸುವಂತೆ ಹೇಳಿದರು ಹಾಗೂ ನಾನು ಅದರಲ್ಲಿಯೇ ತೊಡಗಿಸಿದೆ. ಬಡ್ಡಿ ಬದಲಾಗುವುದಿಲ್ಲ ಎನ್ನುವುದು ತಿಳಿದಿದ್ದರೆ ಇದೇ ಯೋಜನೆಯಲ್ಲಿ ಹಣ ತೊಡಗಿಸುತ್ತಿದ್ದೆ. ದಯಮಾಡಿ ಇನ್ನೊಮ್ಮೆ ತಿಳಿಸಬೇಕಾಗಿ ವಿನಂತಿ. - ಹೆಸರು ಬೇಡ, ಬೆಂಗಳೂರು

. ಉತ್ತರ: ಪ್ರಧಾನ ಮಂತ್ರಿ ವಯೋವಂದನಾ ಯೋಜನೆ ಎನ್ನುವುದು ಠೇವಣಿದಾರ ಹಾಗೂ ಎಲ್ಐಸಿ ನಡುವಣ ಮಾಡಿಕೊಂಡಿರುವ ಮುಚ್ಚಳಿಕೆ ಅಥವಾ ಒಪ್ಪಂದಕ್ಕೆ ಒಳಗಾದ ಒಂದು ಠೇವಣಿ.

. ಕೇಂದ್ರ ಸರ್ಕಾರ ಈ ಠೇವಣಿಯ ಮೇಲಿನ ಬಡ್ಡಿದರವನ್ನು ಆಗಾಗ್ಗೆ ಬದಲಿಸಬಹುದು. ಆದರೆ, ಒಮ್ಮೆ ಇರಿಸಿದ ಠೇವಣಿಯಲ್ಲಿ ನಮೂದಿಸಿದ ಬಡ್ಡಿದರವನ್ನು ಅವಧಿ ಮುಗಿಯುವ ತನಕ ಎಂದಿಗೂ ಕಡಿಮೆ ಮಾಡುವ ಹಕ್ಕು ಎಲ್ಐಸಿಗೆ ಇರುವುದಿಲ್ಲ. ಅದೇ ಕಾನೂನು ಬ್ಯಾಂಕ್ ಠೇವಣಿ, ಅಂಚೆ ಕಚೇರಿ ಠೇವಣಿ ಹಾಗೂ ಸರ್ಕಾರಿ ಬಾಂಡ್ಗಳಿಗೂ ಅನ್ವಯಿಸುತ್ತದೆ. ವಯೋವಂದನಾದ ಪ್ರಸ್ತುತ ಬಡ್ಡಿದರ ಶೇ 7.4 ಇದ್ದು, ಈಗ ಹಣವಿರಿಸಿದರೆ ಇನ್ನು 10 ವರ್ಷಗಳ ತನಕ ಅದೇ ಬಡ್ಡಿ ಪಡೆಯಬಹುದು.

. ಪ್ರಶ್ನೆ: ನಾನು, ನನ್ನ ಮಗ ಸೇರಿ ಒಂದು ಬ್ಯಾಂಕ್ನಲ್ಲಿ ಗೃಹ ಸಾಲ ಪಡೆಯಲು ವಿಚಾರಿಸಿದಾಗ ಅವರು ಒಂದು ವರ್ಷದ ಅವಧಿಯ 12 ಕಂತುಗಳಿಗೆ 12 ಚೆಕ್ಗಳನ್ನು ಮುಂಗಡವಾಗಿ ಕೊಡಬೇಕು ಎಂದು ಹೇಳಿದರು. ಅದರಲ್ಲಿ ದಿನಾಂಕ ನಮೂದಿಸಬಾರದು ಎಂದು ತಿಳಿಸಿದರು. ಇದು ಸರಿ ಇದೆಯೇ ಎಂದು ತಿಳಿಸಿ. - ಕೃಷ್ಣಸ್ವಾಮಿ , ಮಂಡ್ಯ

. ಉತ್ತರ: ಕೆಲವೊಂದು ಬ್ಯಾಂಕ್ಗಳು ಸಾಲದ ಕಂತುಗಳ ಸಲುವಾಗಿ ಚೆಕ್ ಕೊಡಲು ಹೇಳುತ್ತವೆ. ಇದಕ್ಕೆ ಕಾರಣ, ಸಾಲಗಾರ ಸಮಯಕ್ಕೆ ಸರಿಯಾಗಿ ಕಂತು ಕಟ್ಟದೇ ಇದ್ದಲ್ಲಿ ಸ್ಥಿರ ಆಸ್ತಿ ಹರಾಜು ಮಾಡುವುದಕ್ಕಿಂತ ಚೆಕ್ ಬೌನ್ಸ್ ಕೇಸ್ ಹಾಕುವುದು ಸುಲಭ ಎಂಬುದು. ಹೀಗೆ ಮುಂಗಡ ಚೆಕ್ ಕೇಳಿದಲ್ಲಿ ಬ್ಯಾಂಕ್ಗೆ ಕೊಡುವ ಮುನ್ನ ಬ್ಯಾಂಕಿನ ಹೆಸರು, ಕಂತಿನ ಹಣ (ಸಂಖ್ಯೆ, ಅಕ್ಷರ ರೂಪದಲ್ಲಿ) ಬರೆದು ಕೊಡಬಹುದು. ಕೊಡುವ ಚೆಕ್ಗಳ ಜೆರಾಕ್ಸ್ ಪ್ರತಿ ತೆಗೆದು, ಪ್ರತಿಯ ಮೇಲೆ ಬ್ಯಾಂಕ್ನವರಿಂದ ಅಕ್ನಾಲೆಜ್ಮೆಂಟ್ ಪಡೆದು ಇಟ್ಟುಕೊಳ್ಳಿ. ಚೆಕ್ನಲ್ಲಿ ತಾರೀಕು ಹಾಕುವುದು ಬೇಡ. ಚೆಕ್ನ ಅವಧಿ ಬರೇ ಮೂರು ತಿಂಗಳಾಗಿದ್ದರಿಂದ ತಾರೀಕು ಹಾಕುವುದು ಬೇಡ ಎಂದು ಬ್ಯಾಂಕ್ನವರು ಹೇಳುತ್ತಾರೆ. ಒಟ್ಟಿನಲ್ಲಿ ಮುಂಗಡ ಚೆಕ್ ಕೊಡುವುದರಿಂದ ಯಾವ ತೊಂದರೆಯೂ ಇರುವುದಿಲ್ಲ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಪ್ರಶ್ನೋತ್ತರ

ಚಿನಕುರುಳಿ | ಮಂಗಳವಾರ, 15 ಜುಲೈ 2025

ಚುರುಮುರಿ | ಶಕ್ತಿ ಪ್ರದರ್ಶನ

ದಿನ ಭವಿಷ್ಯ | ಹಣಕಾಸಿನ ವಿಚಾರದಲ್ಲಿ ಪರಿಶ್ರಮಕ್ಕೆ ತಕ್ಕ ಫಲ ದೊರೆಯುವುದು

ದೇವನಹಳ್ಳಿ ಭೂಸ್ವಾಧೀನ ರದ್ದು: ಮುಖ್ಯಮಂತ್ರಿ ಸಿದ್ದರಾಮಯ್ಯ

WI vs AUS: ಸ್ಟಾರ್ಕ್ ಬಿರುಗಾಳಿಗೆ ವಿಂಡೀಸ್ ಧೂಳಿಪಟ; 27 ರನ್ನಿಗೆ ಆಲೌಟ್

ಐಸಿಸಿ ರ್‍ಯಾಂಕಿಂಗ್‌: ಅಗ್ರ ಹತ್ತರಲ್ಲಿ ಶಫಾಲಿ ವರ್ಮಾ

ಈಕ್ವೆಸ್ಟ್ರಿಯನ್: ಶುಭ್ ಚೌಧರಿಗೆ ಮೂರು ಪದಕ

ಇಂಗ್ಲೆಂಡ್‌ ತಂಡಕ್ಕೆ ಮರಳಿದ ಎಡಗೈ ಸ್ಪಿನ್ನರ್‌ ಲಿಯಾಮ್‌ ಡಾಸನ್‌

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಚಿನಕುರುಳಿ | ಮಂಗಳವಾರ, 15 ಜುಲೈ 2025

ಚುರುಮುರಿ | ಶಕ್ತಿ ಪ್ರದರ್ಶನ

ದಿನ ಭವಿಷ್ಯ | ಹಣಕಾಸಿನ ವಿಚಾರದಲ್ಲಿ ಪರಿಶ್ರಮಕ್ಕೆ ತಕ್ಕ ಫಲ ದೊರೆಯುವುದು

ದೇವನಹಳ್ಳಿ ಭೂಸ್ವಾಧೀನ ರದ್ದು: ಮುಖ್ಯಮಂತ್ರಿ ಸಿದ್ದರಾಮಯ್ಯ