ಮುಂಬೈ: ದೇಶದ ಷೇರುಪೇಟೆಗಳಲ್ಲಿ ಸತತ ನಾಲ್ಕನೇ ದಿನವೂ ಚೇತರಿಕೆ ಕಂಡು ಬಂದಿದ್ದು ಸೂಚ್ಯಂಕಗಳು ಏರಿಕೆ ದಾಖಲಿಸಿವೆ.
ಆರಂಭಿಕ ವಹಿವಾಟಿನಲ್ಲಿ ಟಾಟಾ ಮೋಟಾರ್ಸ್ ಹಾಗೂ ಹೀರೊ ಮೋಟೊಕಾರ್ಪ್ ಷೇರುಗಳು ಉತ್ತಮ ಗಳಿಕೆ ಕಂಡಿವೆ. ಹಣಕಾಸು, ಬ್ಯಾಂಕ್ ಮತ್ತು ಐಟಿ ವಲಯದ ಷೇರುಗಳು ಕೂಡ ಗಳಿಕೆ ಕಂಡಿವೆ.
ಬಿಎಸ್ಇ ಹಾಗೂ ಎನ್ಎಸ್ಇ ಕ್ರಮವಾಗಿ 1,020 ಹಾಗೂ 299 ಪಾಯಿಂಟ್ಗಳ ಏರಿಕೆ ದಾಖಲಿಸಿವೆ.
ಡಾಲರ್ ಎದುರು ರೂಪಾಯಿ ಮೌಲ್ಯ ಗಳಿಕೆ ಹಾಗೂ ಸರ್ಕಾರಿ ಸಾಲಪತ್ರಗಳ ಏಪ್ರಿಲ್ ತಿಂಗಳ ವಾಯಿದಾ ವಹಿವಾಟು ಗುರುವಾರ ಮುಕ್ತಾಯವಾಗುವ ಹಿನ್ನೆಲೆಯಲ್ಲಿ ರೂಪಾಯಿ ಮೌಲ್ಯ ನಿನ್ನೆ ಚೇತರಿಕೆ ಕಂಡಿತ್ತು. ಕರೆನ್ಸಿ ವಿನಿಮಯ ಮಾರುಕಟ್ಟೆಯಲ್ಲಿ ಡಾಲರ್ ಎದುರು ರೂಪಾಯಿ ಮೌಲ್ಯ 52 ಪೈಸೆ ಹೆಚ್ಚಾಗಿತ್ತು.