ದಿನದ ಸೂಕ್ತಿ: ದುಷ್ಟಕೂಟ

ಯೌವನಂ ಧನಸಂಪತ್ತಿಃ ಪ್ರಭುತ್ವಮವಿವೇಕಿತಾ ।

. ಏಕೈಕಮಪ್ಯನರ್ಥಾಯ ಕಿಮು ಯತ್ರ ಚತುಷ್ಟಯಮ್ ।।

. ಇದರ ತಾತ್ಪರ್ಯ ಹೀಗೆ:

. ’ತಾರುಣ್ಯ, ಹಣ, ಅಧಿಕಾರ ಮತ್ತು ಅವಿವೇಕ – ಇವುಗಳಲ್ಲಿ ಯಾವುದಾದರೂ ಒಂದೇ ಸಾಕು ಅನರ್ಥಕ್ಕೆ. ಇವು ನಾಲ್ಕೂ ಒಂದೇ ಕಡೆ ಸೇರಿತೆಂದರೆ ಆಗ ಏನೆಂದು ಹೇಳಲಾದೀತು?’

. ಮನುಷ್ಯನಿಂದ ಯಾವ ಯಾವ ಸಂದರ್ಭದಲ್ಲಿ ಅನರ್ಥಗಳು ನಡೆಯುತ್ತವೆ ಎಂಬುದನ್ನು ಸುಭಾಷಿತ ಹೇಳುತ್ತಿದೆ.

. ನಮ್ಮ ಶಕ್ತಿ ನಮಗೆ ಒಳಿತನ್ನು ಮಾಡುವಂತೆ ಕೆಡುಕನ್ನೂ ಮಾಡಬಲ್ಲದು. ಶಕ್ತಿಗೆ ಸಂಕೇತವಾಗಿ ಇಲ್ಲಿ ತಾರುಣ್ಯವನ್ನು ಹೇಳಲಾಗಿದೆ. ಶಕ್ತಿಯನ್ನು ಸರಿಯಾದ ದಿಕ್ಕಿನಲ್ಲಿ ಉಪಯೋಗಿಸಿಕೊಳ್ಳದಿದ್ದರೆ ಆಗ ಅನಾಹುತ ನಡೆಯವುದು ನಿಶ್ಚಿತ. ಇಲ್ಲಿ ಶಕ್ತಿಯನ್ನು ತಾರುಣ್ಯದೊಂದಿಗೆ ಜೋಡಿಸಿರುವುದಕ್ಕೂ ಕಾರಣವಿದೆ. ತಾರುಣ್ಯದಲ್ಲಿ ಅನುಭವದ ಪಾಕವನ್ನು ಕಾಣಲಾರೆವು; ಅಲ್ಲಿ ಬುದ್ಧಿಗಿಂತಲೂ ಶಕ್ತಿಯದ್ದೇ ಮೇಲಾಟ ಎನ್ನುವ ಕಾರಣದಿಂದ. ಹೀಗಾಗಿ ತಿಳಿವಳಿಕೆಯ ಜೊತೆಯಲ್ಲಿ ಇಲ್ಲದ ಶಕ್ತಿ ಎಂದಿಗೂ ಅಪಾಯವೇ ಹೌದು.

. ಹಣ. ಇಂದು ನಮ್ಮ ಎಲ್ಲ ಆಲೋಚನೆಗಳ ಕೇಂದ್ರವಸ್ತುವೇ ದುಡ್ಡು. ಹಣ ಇದ್ದರೆ ಏನನ್ನೂ ಮಾಡಬಹುದು, ಏನನ್ನೂ ಕೊಳ್ಳಬಹುದು ಎಂಬ ಅಹಂಕಾರ ನಮ್ಮನ್ನು ಆವರಿಸಿದೆ. ಹೀಗಾಗಿಯೇ ಹಣದ ಹಿಂದೆ ಎಲ್ಲರೂ ಓಡುತ್ತಿರುವುದು.

. ಅಧಿಕಾರ ಏನೆಲ್ಲ ಅನರ್ಥಗಳನ್ನು ಮಾಡಬಲ್ಲದು ಎಂಬುದನ್ನು ನಿತ್ಯ ನಾವು ಸಮಾಜದಲ್ಲಿ ನೋಡುತ್ತಿರುತ್ತೇವೆ. ಜನರ ಮೇಲೆ ದಬ್ಬಾಳಿಕೆ ನಡೆಸಲು, ತಮಗೆ ಬೇಕಾದ್ದನ್ನು ಕಬಳಿಸಲು ಅಧಿಕಾರದ ದುರುಪಯೋಗ ನಡೆಯುತ್ತದೆ. ನಮ್ಮ ದೇಶದಲ್ಲಂತೂ ಅಧಿಕಾರಕ್ಕೂ ಭ್ರಷ್ಟಾಚಾರಕ್ಕೂ ಇರುವ ಅಕ್ರಮಸಂಬಂಧ ನಮಗೆ ಗೊತ್ತಿರುವಂಥದ್ದೇ.

. ಸುಭಾಷಿತ ಹೇಳುತ್ತಿರುವ ಕೊನೆಯ ಸಂಗತಿ ಅವಿವೇಕ. ಯಾವುದು ಸರಿ, ಯಾವುದು ತಪ್ಪು – ಎಂಬ ವಿಮರ್ಶೆಯನ್ನು ಕಳೆದುಕೊಂಡಿರುವ ಮಾನಸಿಕಸ್ಥಿತಿಯೇ ಅವಿವೇಕ. ಇದರ ಕಾರಣದಿಂದ ಏನೆಲ್ಲ ಅನರ್ಥಗಳು ನಡೆಯಬಹುದು ಎನ್ನುವುದು ನಮ್ಮ ಕಲ್ಪನೆಯನ್ನೂ ಮೀರಿರುವಂಥದ್ದು.

. ಮೇಲೆ ಹೇಳಿರುವ ನಾಲ್ಕು ಸಂಗತಿಗಳೂ ಅನರ್ಥಪರಂಪರೆಗೆ ಕಾರಣವಾಗಬಲ್ಲದು. ಈ ಒಂದೊಂದರಿಂದ ಎದುರಾಗುವ ಅನಾಹುತಗಳನ್ನು ಎದುರಿಸುವುದೇ ಕಷ್ಟ; ಇನ್ನು ಈ ನಾಲ್ಕು ಒಂದೇ ಜಾಗದಲ್ಲಿ ಸೇರಿಕೊಂಡರೆ ಆಗ ಆಗುವ ಅನಾಹುತಗಳಿಗೆ ಕೊನೆಯೇ ಇರದು ಎಂಬ ಆತಂಕವನ್ನು ಸುಭಾಷಿತ ವ್ಯಕ್ತಪಡಿಸುತ್ತಿದೆ. ಇಂದಿನ ಹಲವರು ರಾಜಕಾರಣಿಗಳು, ಅಧಿಕಾರಿಗಳು, ಉದ್ಯಮಿಗಳು – ಸುಭಾಷಿತದ ಆತಂಕವನ್ನು ನಿಜಮಾಡುತ್ತಿರುವುದನ್ನು ನಾವು ಕೂಡ ಅನುಭವಿಸುತ್ತಲೇ ಇರುತ್ತೇವೆ, ಅಲ್ಲವೆ?

. ಇನ್ನೊಂದು ಸಂಸ್ಕೃತಸುಭಾಷಿತ ಈ ದುಷ್ಟಕೂಟವನ್ನು ಇನ್ನೊಂದು ಉದಾಹರಣೆಯ ಮೂಲಕ ಕಟ್ಟಿಕೊಟ್ಟಿದೆ. ಅದರ ತಾತ್ಪರ್ಯ ಹೀಗೆ:

. ‘ಮೊದಲೇ ಕೋತಿ; ಈಗ ಅದು ಹೆಂಡವನ್ನೂ ಕುಡಿದಿದೆಯಂತೆ; ಅದರಳೊಗೆ ಭೂತವೂ ಪ್ರವೇಶ ಮಾಡಿತಂತೆ. ಅಷ್ಟರಲ್ಲಿ ಅದನ್ನು ಚೇಳೊಂದು ಕುಟುಕಿತು. ಆಗ ಆ ಕೋತಿಯ ಚೇಷ್ಟೆಯನ್ನು ಏನೆಂದು ವರ್ಣಿಸುವುದು?‘

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ದಿನದ ಸೂಕ್ತಿ: ದುಷ್ಟಕೂಟ

ಚಿನಕುರುಳಿ: 03 ಜುಲೈ 2025 ಗುರುವಾರ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್

ಕನಿಷ್ಠ ವೇತನ: ಹೈಕೋರ್ಟ್‌ಗೆ ಸರ್ಕಾರದ ಮುಚ್ಚಳಿಕೆ

ಟೆಸ್ಟ್, ಏಕದಿನ ಮಾದರಿಯಲ್ಲಿ ದ್ವಿಶತಕ: ಸಚಿನ್, ಸೆಹ್ವಾಗ್, ರೋಹಿತ್ ಸಾಲಿಗೆ ಗಿಲ್

ದ್ವಿಶತಕ: ಸಚಿನ್, ಕೊಹ್ಲಿ ಸೇರಿದಂತೆ ದಿಗ್ಗಜರ ದಾಖಲೆಗಳನ್ನು ಮುರಿದ ಗಿಲ್

ಜಾವೆಲಿನ್‌ ಥ್ರೊ ಕೂಟ: ಬೆಂಗಳೂರಿನಲ್ಲಿ ಕಣಕ್ಕಿಳಿಯಲು ನೀರಜ್ ಉತ್ಸುಕ

ಬ್ಯಾಡ್ಮಿಂಟನ್: ಕ್ವಾರ್ಟರ್‌ಗೆ ಶ್ರೀಕಾಂತ್‌

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್

ಕನಿಷ್ಠ ವೇತನ: ಹೈಕೋರ್ಟ್‌ಗೆ ಸರ್ಕಾರದ ಮುಚ್ಚಳಿಕೆ