ದಿನದ ಸೂಕ್ತಿ: ನಿಜವಾದ ಮಕ್ಕಳು

ಕಿಂ ತಯಾ ಕ್ರಿಯತೇ ಧೇನ್ವಾ ಯಾ ನ ಸೂತೇ ನ ದುಗ್ಧದಾ ।

. ಕೋsರ್ಥಃ ಪುತ್ರೇಣ ಜಾತೇನ ಯೋ ನ ವಿದ್ವನ್ನ ಭಕ್ತಿಮಾನ್ ।।

. ಇದರ ತಾತ್ಪರ್ಯ ಹೀಗೆ:

. ‘ಕರುವನ್ನು ಹಾಕದ ಅಥವಾ ಹಾಲನ್ನು ಕೊಡದ ಹಸುವಿನಿಂದ ಏನು ತಾನೇ ಮಾಡಲಾದೀತು? ಇತ್ತ ವಿದ್ವಾಂಸನೂ ಆಗಿರದೆ, ಅತ್ತ ಭಕ್ತಿವಂತನೂ ಆಗದ ಮಗನು ಹುಟ್ಟಿದರೆ ಅವನಿಂದ ಏನು ತಾನೆ ಸಾರ್ಥಕ?‘

. ನಾವು ಹುಟ್ಟಿದ ಮೇಲೆ ಪ್ರಯೋಜಕರು ಆಗಬೇಕು; ಪ್ರಯೋಜಕರಾಗದವರ ಹುಟ್ಟೇ ವ್ಯರ್ಥ ಎಂದು ಸುಭಾಷಿತ ಹೇಳುತ್ತಿದೆ.

. ಹಸುವನ್ನು ಸಾಕುವುದು ನಾವು ಏಕೆ? ಅದು ನಮಗೆ ಪ್ರಯೋಜನಕಾರಿ ಎಂದು ತಾನೆ? ಹಸುವು ಕರುವನ್ನು ಹಾಕುತ್ತದೆ; ಅ ಬಳಿಕ ಅದು ನಮಗೆ ಹಾಲನ್ನು ಕೊಡುತ್ತದೆ; ಸಗಣಿಯನ್ನೂ ಕೊಡುತ್ತಲೇ ಇರುತ್ತದೆ. ಈ ಎಲ್ಲ ಕಾರಣಗಳಿಂದಲೇ ನಾವು ಅದನ್ನು ಪೋಷಿಸುವುದು ತಾನೆ? ಹೀಗಲ್ಲದೆ ನಾವು ಹಸು ಒಂದು ಸಾಧುಪ್ರಾಣಿ; ಅದನ್ನು ಸಾಕುವುದು ನಮ್ಮ ಧರ್ಮ ಎಂದು ಸಾಕುತ್ತಿಲ್ಲವಲ್ಲವೆ?

. ಇದು ಕೇವಲ ಹಸುವಿನ ವಿಷಯದಲ್ಲಿ ಮಾತ್ರವಲ್ಲ, ನಮ್ಮ ಎಲ್ಲ ಚುವಟಿಕೆಗಳಲ್ಲೂ ಈ ಮನೋಧರ್ಮವನ್ನೇ ಕಾಣುವಂಥದ್ದು.

. ನಾವು ಒಂದು ಗಿಡವನ್ನು ನಾಟಿದರೂ, ಅದರಿಂದ ನಮಗೆ ಪ್ರಯೋಜನ ಇದೆ – ಎಂಬ ಚಿಂತನೆಯೇ ಕೆಲಸಮಾಡಿರುತ್ತದೆ. ಅಷ್ಟೇಕೆ, ಆ ಗಿಡವನ್ನು ಕಿತ್ತು ಒಂದು ಜಾಗದಲ್ಲಿ ಸಂಗ್ರಹಿಸುವಾಗಲೂ ಇಂಥ ಚಿಂತನೆಯೇ ನಮ್ಮಲ್ಲಿ ಎಚ್ಚರವಾಗಿರುತ್ತದೆ. ಗಿಡ ಬೆಳೆದಾಗ ಫಲ ಕೊಡುತ್ತದೆ; ಗಿಡ ಕೊಳೆತಾಗ ಗೊಬ್ಬರವಾಗುತ್ತದೆ. ಇದು ನಮ್ಮ ಲೆಕ್ಕಾಚಾರ.

. ಹೀಗೆಂದು ಈ ಲೆಕ್ಕಾಚಾರ ತಪ್ಪೆಂದು ಹೇಳಲೂ ಆಗದು. ಈ ಲೆಕ್ಕಾಚಾರ ತಪ್ಪಿದರೆ ಆಗ ಜಗತ್ತಿನ ಚಟುವಟಿಕೆಗಳೇ ಸ್ತಬ್ಧವಾಗಿಬಿಡುತ್ತವೆ. ‘ಪ್ರಯೋಜನಮನುದ್ದಿಶ್ಯ ನ ಮಂದೋಪಿ ಪ್ರವರ್ತತೇ‘ ಎಂಬ ಮಾತೊಂದು ಇದೆ. ಪ್ರಯೋಜನವನ್ನು ಉದ್ದೇಶದಲ್ಲಿಟ್ಟುಕೊಳ್ಳದೆ ದಡ್ಡ ಕೂಡ ಕೆಲಸದಲ್ಲಿ ತೊಡಗುವುದಿಲ್ಲ – ಎಂಬುದು ಇದರ ತಾತ್ಪರ್ಯ.

. ಹೀಗೆ ಜಗತ್ತಿನ ಎಲ್ಲ ವಿದ್ಯಮಾನಗಳೂ ಪ್ರಯೋಜನದ ಕಡೆಗೇ ಹೆಜ್ಜೆಹಾಕುತ್ತಿರುವಾಗ ನಾವು ಮಾತ್ರ ಅದಕ್ಕಿಂತಲೂ ವಿರುದ್ಧ ದಿಕ್ಕಿನಲ್ಲಿ ನಡೆಯಲು ಸಾಧ್ಯವೆ? ಅಂತೆಯೇ, ನಮ್ಮ ಮಕ್ಕಳು ಕೂಡ ಪ್ರಯೋಜಕರಾಗಬೇಕು ಎಂದು ನಾವು ಬಯಸುವುದು ತಪ್ಪಲ್ಲವಷ್ಟೆ. ಅದನ್ನೇ ಸುಭಾಷಿತ ಇಲ್ಲಿ ಹೇಳುತ್ತಿರುವುದು.

. ನಮ್ಮ ಮಕ್ಕಳು ವಿದ್ಯಾವಂತರಾಗಬೇಕು; ಅದರಿಂದ ಕುಟುಂಬಕ್ಕೂ ಸಮಾಜಕ್ಕೂ ಒಳಿತಾಗುತ್ತದೆ. ಅದಿಲ್ಲದಿದ್ದರೆ ಅವರಿಗೆ ಕುಟುಂಬದ ಬಗ್ಗೆಯಾದರೂ ಅಪರಿಮಿತ ಪ್ರೀತಿ ಇರಬೇಕು; ಇದನ್ನೇ ಸುಭಾಷಿತ ಇಲ್ಲಿ ಭಕ್ತಿ ಎಂದು ಕರೆದಿರುವುದು. ಹೀಗಲ್ಲದೆ ಯಾವುದಕ್ಕೂ ಯಾರಿಗೂ ಪ್ರಯೋಜನಕ್ಕೆ ಬಾರದ ಮಕ್ಕಳು, ಅವರು ಹುಟ್ಟಿಯೂ ವ್ಯರ್ಥವಷ್ಟೆ ಎಂದು ಅದು ಘೋಷಿಸಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ದಿನದ ಸೂಕ್ತಿ: ನಿಜವಾದ ಮಕ್ಕಳು

ಚಿನಕುರುಳಿ: ಮಂಗಳವಾರ, 16 ಸೆಪ್ಟೆಂಬರ್ 2025

ಚಿನಕುರುಳಿ: ಸೋಮವಾರ, 15 ಸೆಪ್ಟೆಂಬರ್ 2025

ಚುರುಮುರಿ: ಟ್ರಂಪು ವರ್ಸಸ್‌ ಪಂಟ್ರು

ಸ್ವಂತ ಅಣ್ಣನಂತೆ ಮದ್ವೆ ಮಾಡಿಸಿದ್ರು: ನಿರ್ಮಾಪಕರ ನೆನೆದು ಕಣ್ಣೀರಿಟ್ಟ ಅನುಶ್ರೀ

BCCI‌‌ | ಭಾರತ ತಂಡದ ಜರ್ಸಿ ಪ್ರಾಯೋಜಕತ್ವ; ಡ್ರೀಮ್‌ 11 ಜಾಗಕ್ಕೆ ಅಪೊಲೊ ಟೈರ್ಸ್

ICC ರ‍್ಯಾಂಕಿಂಗ್‌ನಲ್ಲಿ ಮಂದಾನಗೆ ಅಗ್ರಸ್ಥಾನ; WC ಮುನ್ನ ಸ್ಮೃತಿ ಶೈನಿಂಗ್

IND vs PAK | ಮ್ಯಾಚ್ ರೆಫ್ರಿ ವಜಾಗೊಳಿಸಿ ಎಂದ ಪಾಕ್‌ ಮನವಿ ತಿರಸ್ಕರಿಸಿದ ಐಸಿಸಿ

ಮಹಿಳಾ ಗ್ರ್ಯಾಂಡ್ ಸ್ವಿಸ್ ಗೆದ್ದ ವೈಶಾಲಿ ರಮೇಶ್‌ಬಾಬು; ಪ್ರಧಾನಿ ಮೋದಿ ಅಭಿನಂದನೆ

ಒಳನೋಟ: ಕಿರಾಣಿ ಅಂಗಡಿಗಳಿಗೆ ಗ್ರಹಣ

ಒಳನೋಟ | ನೆರೆ ಸಂತ್ರಸ್ತರ ತೀರದ ಬವಣೆ

Elephant Attack | ಆನೆ ದಾಳಿ ಸಂತ್ರಸ್ತರ ಅರಣ್ಯ ರೋದನ

ಒಳನೋಟ: ಬೆಳಗಾವಿ, ಮಹಾರಾಷ್ಟ್ರ ಗಡಿಯಲ್ಲಿ ಮದ್ಯ ಅಕ್ರಮ ಸಾಗಣೆ ನಿರಂತರ..!

ಚಿನಕುರುಳಿ: ಮಂಗಳವಾರ, 16 ಸೆಪ್ಟೆಂಬರ್ 2025

ಚಿನಕುರುಳಿ: ಸೋಮವಾರ, 15 ಸೆಪ್ಟೆಂಬರ್ 2025

ಚುರುಮುರಿ: ಟ್ರಂಪು ವರ್ಸಸ್‌ ಪಂಟ್ರು

ಸ್ವಂತ ಅಣ್ಣನಂತೆ ಮದ್ವೆ ಮಾಡಿಸಿದ್ರು: ನಿರ್ಮಾಪಕರ ನೆನೆದು ಕಣ್ಣೀರಿಟ್ಟ ಅನುಶ್ರೀ