ದಿನದ ಸೂಕ್ತಿ: ವಿಧಿಯ ಆಟ

ಯದ್ಯದಾಲಿಖತಿ ಮನ ಆಶಾವರ್ತಿಕಾಭಿಃ ಹೃದಯಫಲಕೇ । ತತ್ತಾದ್ಬಾಲ ಇವ ವಿಧಿರ್ನಿಭೃತಂ ಹಸಿತ್ವಾ ಪ್ರೋಂಛತಿ ।।

. ಇದರ ತಾತ್ಪರ್ಯ ಹೀಗೆ:

. ‘ಮನಸ್ಸು ಆಸೆ ಎಂಬ ಕುಂಚದಿಂದ ಹೃದಯಫಲಕದ ಮೇಲೆ ಏನೇನನ್ನು ಬರೆಯುತ್ತದೆಯೋ, ಅವೆಲ್ಲವನ್ನೂ ವಿಧಿಯು ಮಗುವಿನಂತೆ ನಗುತ್ತಾ ಅಳಸಿಹಾಕುತ್ತಾನೆ.’

. ನಾವು ಅಂದುಕೊಂಡದ್ದೆಲ್ಲವೂ ಜೀವನದಲ್ಲಿ ನಡೆಯುವುದಿಲ್ಲ ಎಂಬುದನ್ನು ಸುಭಾಷಿತ ಇಲ್ಲಿ ಹೇಳುತ್ತಿದೆ. ಹೀಗೆ ಹೇಳುವಾಗ ಅದು ಬಳಸಿಕೊಂಡಿರುವ ಉದಾಹರಣೆಯೂ ಸೊಗಸಾಗಿದೆ.

. ನಾವೆಲ್ಲರೂ ಪೇಟಿಂಗ್ ನೋಡಿದ್ದೇವೆ. ನಮ್ಮಲ್ಲಿ ಕೆಲವರು ಸ್ವತಃ ವರ್ಚಿಣತ್ರವನ್ನು ರಚಿಸಬಲ್ಲವರು ಇದ್ದಾರೆ. ಪೇಟಿಂಗನ್ನು ಹೇಗೆ ರಚಿಸುತ್ತಾರೆ?

. ಮೊದಲಿಗೆ ಭಿತ್ತಿಯೊಂದು ಬೇಕಾಗುತ್ತದೆ. ಇದನ್ನೇ ಇಲ್ಲಿ ಸುಭಾಷಿತ ಫಲಕ ಎಂದಿರುವುದು. ಇದೇ ಕ್ಯಾನವಾಸ್.

. ಕ್ಯಾನ್ವಾಸ್ ಮಾತ್ರ ಇದ್ದರಷ್ಟೆ ಸಾಲದು; ಅದರ ಮೇಲೆ ಚಿತ್ರವನ್ನು ರಚಿಸಲು ಕುಂಚ, ಎಂದರೆ ಬ್ರಶ್ ಕೂಡ ಬೇಕು.

. ಕ್ಯಾನ್ವಾಸ್ ಮತ್ತು ಬ್ರಶ್ – ಇವೆರಡು ಇದ್ದಮಾತ್ರಕ್ಕೆ ಚಿತ್ರವೇನೂ ಸಿದ್ಧವಾಗದು. ಜೊತೆಗೆ ಬಣ್ಣಗಳು ಬೇಕು; ಅದಕ್ಕಿಂತಲೂ ಮುಖ್ಯವಾಗಿ ಏನನ್ನು ರಚಿಸಬೇಕೆಂಬ ಸಂಕಲ್ಪ ಮನಸ್ಸಿನಲ್ಲಿ ಸ್ಪಷ್ಟವಾಗಿ ಮೂಡಿರಬೇಕಾಗುತ್ತದೆ. ನಮ್ಮ ಮನಸ್ಸಿನಲ್ಲಿರುವ ಚಿತ್ರವನ್ನು ಅನಂತರ ನಾವು ಕ್ಯಾನ್ವಾಸ್ನ ಮೇಲೆ ಬಣ್ಣಗಳ ಉಪಯೋಗಿಸಿಕೊಂಡು, ಕುಂಚದಿಂದ ರಚಿಸುತ್ತೇವೆ.

. ಸುಭಾಷಿತ ಚಿತ್ರರಚನೆಯ ಈ ಪ್ರಕ್ರಿಯೆಯನ್ನೇ ಉಪಯೋಗಿಸಿಕೊಂಡು ನಮ್ಮ ಜೀವನದ ಕ್ಷಣಿಕತೆಯನ್ನೂ ಆಸೆ–ನಿರಾಸೆಗಳ ಆಟವನ್ನೂ ಹೇಳುತ್ತಿದೆ.

. ನಮ್ಮ ಹೃದಯವೇ ಜೀವನಕಲೆಯ ಚಿತ್ರವನ್ನು ಬರೆಯಲು ಒದಗಿರುವ ಕ್ಯಾನ್ವಾಸ್. ಮನಸ್ಸು ಎಂಬುದೇ ಚಿತ್ರವನ್ನು ರಚಿಸಲು ಉಪಯೋಗಿಸುವ ಬ್ರಶ್. ಆಸೆ, ಎಂದರೆ ಬಯಕೆಗಳೇ ಬಣ್ಣಗಳು.

. ಜೀವನದಲ್ಲಿ ಏನೇನೋ ಬಯಕೆಗಳ ಬಣ್ಣಗಳನ್ನು ನಮ್ಮ ಮನಸ್ಸಿನಲ್ಲಿ ಅದ್ದಿಕೊಂಡು, ಅದನ್ನು ಹೃದಯದ ಮೇಲೆ ಚಿತ್ರಿಸುತ್ತಿರುತ್ತೇವೆ, ಕ್ಯಾನ್ವಾಸ್ ಮೇಲೆ ಚಿತ್ರವನ್ನು ರಚಿಸುವಂತೆ.

. ನಾವು ಕ್ಯಾನ್ವಾಸ್ನ ಮೇಲೆ ತುಂಬ ಆಸೆಯಿಂದ, ಏಕಾಗ್ರವಾಗಿ ವರ್ಣಚಿತ್ರವನ್ನು ರಚಿಸುತ್ತಿರುತ್ತೇವೆ. ಆಗ ಅಲ್ಲಿಗೆ ಮಗುವೊಂದು ಬರುತ್ತದೆ. ಪಾಪ! ಅದಕ್ಕೇನು ಗೊತ್ತು, ನಾವು ಎಷ್ಟು ಹೊತ್ತಿನಿಂದ, ಎಷ್ಟೊಂದು ಎಚ್ಚರಿಕೆಯನ್ನು ವಹಿಸಿ, ನಮ್ಮ ಕೌಶಲವನ್ನೆಲ್ಲ ಸುರಿದು ಆ ಚಿತ್ರರಚನೆಯಲ್ಲಿ ತೊಡಗಿದ್ದೇವೆ ಎಂದು!! ನಗುನಗುತ್ತ ಬಂದು ಅದು ಕ್ಷಣಾರ್ಧದಲ್ಲಿ ಆ ಚಿತ್ರವನ್ನು ಅಳಸಿಹಾಕಿ ಸಂಭ್ರಮಿಸುತ್ತದೆ!!!

. ನಮ್ಮ ಜೀವನದಲ್ಲಿಯೂ ಹೀಗೆಯೇ ಆಗುತ್ತಿರುತ್ತದೆ. ನಮ್ಮ ಏನೆಲ್ಲ ಆಸೆಗಳು ಕ್ಷಣಾರ್ಧದಲ್ಲಿ ಅಳಸಿಹೋಗುತ್ತಿರುತ್ತವೆ. ಅವನ್ನು ಅಳಿಸುವ ಮಗು ಯಾವುದು ಎಂದರೆ, ಅದುವೇ ವಿಧಿ!

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ದಿನದ ಸೂಕ್ತಿ: ವಿಧಿಯ ಆಟ

ಚಿನಕುರುಳಿ | 06 ಜುಲೈ 2025, ಭಾನುವಾರ

ವಾರ ಭವಿಷ್ಯ: 06-7-2025ರಿಂದ 12-7-2025 ರವರೆಗೆ- ಆಭರಣ ವ್ಯಾಪಾರಿಗಳಿಗೆ ಲಾಭ

ದಿನ ಭವಿಷ್ಯ | ಈ ರಾಶಿಯವರಿಗೆ ಆರೋಗ್ಯದಲ್ಲಿ ಗಮನವಿರಲಿ

IND vs ENG U19: ಅತಿ ವೇಗದ ಶತಕ ಸಿಡಿಸಿ ಇತಿಹಾಸ ನಿರ್ಮಿಸಿದ ವೈಭವ್ ಸೂರ್ಯವಂಶಿ

'ಇದಕ್ಕೆಲ್ಲ ಅರ್ಹ ನೀನು': ದಾಖಲೆ ಬರೆದ ಗಿಲ್‌ಗೆ ಬೆನ್ನುತಟ್ಟಿದ ಕೊಹ್ಲಿ

ENG vs IND Test | ಆಂಗ್ಲರಿಗೆ ಆಕಾಶ್ 'ಆತಂಕ': ಜಯದ ಹೊಸ್ತಿಲಲ್ಲಿ ಭಾರತ

ENG vs IND | ಪಂದ್ಯವೊಂದರಲ್ಲಿ ಗರಿಷ್ಠ ಮೊತ್ತ: ಇಂಗ್ಲೆಂಡ್ ಪರ ಸ್ಮಿತ್ ದಾಖಲೆ

ವಿಶ್ವ ಬಾಕ್ಸಿಂಗ್ ಕಪ್: ಸಾಕ್ಷಿಗೆ ಚಿನ್ನ, ಮೀನಾಕ್ಷಿಗೆ ಬೆಳ್ಳಿ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ | 06 ಜುಲೈ 2025, ಭಾನುವಾರ

ವಾರ ಭವಿಷ್ಯ: 06-7-2025ರಿಂದ 12-7-2025 ರವರೆಗೆ- ಆಭರಣ ವ್ಯಾಪಾರಿಗಳಿಗೆ ಲಾಭ

ದಿನ ಭವಿಷ್ಯ | ಈ ರಾಶಿಯವರಿಗೆ ಆರೋಗ್ಯದಲ್ಲಿ ಗಮನವಿರಲಿ

IND vs ENG U19: ಅತಿ ವೇಗದ ಶತಕ ಸಿಡಿಸಿ ಇತಿಹಾಸ ನಿರ್ಮಿಸಿದ ವೈಭವ್ ಸೂರ್ಯವಂಶಿ