ದಿನದ ಸೂಕ್ತಿ: ತೃಪ್ತಿ ಬೇಕು-ಬೇಡ

ಸಂತೋಷಸ್ತ್ರಿಷು ಕರ್ತವ್ಯೋ ಕಲತ್ರೇ ಭೋಜನೇ ಧನೇ ।

. ತ್ರಿಷು ಚೈವ ನ ಕರ್ತವ್ಯೋsಧ್ಯಯನೇ ಜಪದಾನಯೋಃ ।।

. ಇದರ ತಾತ್ಪರ್ಯ ಹೀಗೆ:

. ‘ಹೆಂಡತಿ, ಭೋಜನ ಮತ್ತು ಹಣ – ಈ ಮೂರು ವಿಷಯಗಳಲ್ಲಿ ಮನುಷ್ಯನಿಗೆ ತೃಪ್ತಿ ಇರಬೇಕು. ಆದರೆ ಜ್ಞಾನಾರ್ಜನೆ, ಜಪ ಮತ್ತು ದಾನ – ಈ ಮೂರರಲ್ಲಿ ಇಷ್ಟು ಸಾಕು ಎಂಬ ತೃಪ್ತಿ ಇರಬಾರದು.’

. ನಮಗೆ ಜೀವನದಲ್ಲಿ ಕೆಲವೊಂದು ವಿಷಯಗಳಲ್ಲಿ ತೃಪ್ತಿ ಇರಬೇಕು, ಕೆಲವೊಂದರಲ್ಲಿ ತೃಪ್ತಿ ಇರಬಾರದು. ಹೀಗೆ ಯಾವುದರಲ್ಲಿ ತೃಪ್ತಿ ಇರಬೇಕು, ಯಾವುದರಲ್ಲಿ ಇರಬಾರದು – ಎಂಬುದನ್ನು ಸುಭಾಷಿತ ಹೇಳುತ್ತಿದೆ.

. ಮೊದಲನೆಯದಾಗಿ ಹೆಂಡತಿಯಲ್ಲಿ ತೃಪ್ತಿ ಇರಬೇಕು ಎನ್ನುತ್ತಿದೆ. ಇದರ ತಾತ್ಪರ್ಯ: ದಾಂಪತ್ಯದಲ್ಲಿ ನಂಬಿಕೆ ಇರಬೇಕು ಎಂದೂ ಆಗುವುದು, ಲಂಪಟತನ ಸಲ್ಲದು ಎಂದೂ ಆಗುವುದು. ವೈವಾಹಿಕ ಜೀವನವನ್ನು ಚೆನ್ನಾಗಿಟ್ಟುಕೊಳ್ಳಬೇಕೆಂಬುದು ಇದರ ಧ್ವನಿ.

. ನಾಲಗೆಯ ರುಚಿಗೆ ಸೋತುಹೋಗಿ ಯದ್ವಾ ತದ್ವಾ ಆಹಾರವನ್ನು ತಿಂದು ಆರೋಗ್ಯವನ್ನು ಕೆಡಿಸಿಕೊಳ್ಳಬಾರದು ಎನ್ನುವುದನ್ನು ಸುಭಾಷಿತವು ಭೋಜನದಲ್ಲಿ ತೃಪ್ತಿ ಇರಬೇಕು ಎಂಬ ಮಾತಿನ ಮೂಲಕ ಹೇಳುತ್ತಿದೆ.

. ಹಣವನ್ನು ಎಷ್ಟು ಸಂಪಾದಿಸಿದರೂ ತೃಪ್ತಿಯೇ ಇರುವುದಿಲ್ಲ. ಹೀಗೆ ಜೀವನಪೂರ್ತಿ ನಾವು ಧನವನ್ನು ಸಂಪಾದಿಸುವುದರಲ್ಲಿಯೇ ಮುಳುಗಿದರೆ ಇನ್ನು ಜೀವನವನ್ನು ಸಂತೋಷದಿಂದ ಅನುಭವಿಸುವುದಾದರೂ ಯಾವಾಗ? ಹೀಗಾಗಿ ದುಡ್ಡಿನ ವಿಷಯದಲ್ಲಿ ತೃಪ್ತಿ ಇರಬೇಕು.

. ಇನ್ನು ಮೂರು ವಿಷಯಗಳಲ್ಲಿ ಇನ್ನು ಸಾಕು ಎಂಬ ತೃಪ್ತಿ ಇರಬಾರದು ಎಂದಿದೆ ಸುಭಾಷಿತ.

. ಜ್ಞಾನ ಎನ್ನುವುದು ಸಾಗರದಂತೆ, ಆಕಾಶದಂತೆ; ಅದನ್ನು ಎಷ್ಟು ಸಂಪಾದಿಸಿದರೂ ಸಾಲದು. ಹೀಗಾಗಿ ವಿದ್ಯೆಯನ್ನು ಕಲಿಯುವುದು ಇನ್ನು ಸಾಕು ಎಂಬ ಭಾವನೆ ನಮಗೆ ಬರಬಾರದು; ಜೀವನದುದ್ದಕ್ಕೂ ಜ್ಞಾನಾರ್ಜನೆಯನ್ನು ಮಾಡುತ್ತಲೇ ಇರಬೇಕು.

. ಜಪವನ್ನು ಎಷ್ಟೆಷ್ಟು ಮಾಡಿದರೆ ಅಷ್ಟಷ್ಟು ಪುಣ್ಯ ಎನ್ನುತ್ತವೆ ಶಾಸ್ತ್ರಗಳು; ಮಾತ್ರವಲ್ಲ, ಜಪದಿಂದ ಏಕಾಗ್ರತೆಯೂ ಹೆಚ್ಚುತ್ತದೆ. ಹೀಗಾಗಿ ಇಷ್ಟು ಸಾಕು ಎಂಬ ತೃಪ್ತಿ ಜಪದ ವಿಷಯದಲ್ಲಿರಬಾರದು.

. ದಾನದ ವಿಷಯದಲ್ಲೂ ತೃಪ್ತಿ ಎಂಬುದು ಇರಬಾರದು. ಸಂಪಾದಿಸಬೇಕು, ಸಂಪಾದಿಸಿರುವುದನ್ನು ದಾನ ಮಾಡಬೇಕು. ಇದು ನಮ್ಮ ಜೀವನವಿಧಾನ ಆಗಬೇಕು ಎಂಬುದು ಸುಭಾಷಿತದ ಇಂಗಿತ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ದಿನದ ಸೂಕ್ತಿ: ತೃಪ್ತಿ ಬೇಕು-ಬೇಡ

ಚಿನಕುರುಳಿ: 02 ಜುಲೈ 2025, ಬುಧವಾರ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಚುರುಮುರಿ | ಗ್ರಾಮಾಭಿವೃದ್ಧಿ...

ಭಾಗ್ಯನಗರವಾದ ಬಾಗೇಪಲ್ಲಿ, ಗ್ರಾಮಾಂತರ ಇನ್ನು ಬೆಂಗಳೂರು ಉತ್ತರ: ಸಂಪುಟ ನಿರ್ಧಾರ

ಎಫ್‌ಸಿ ಬೆಂಗಳೂರು ಯುನೈಟೆಡ್‌ ತಂಡದ ಮುಖ್ಯ ಕೋಚ್ ಆಗಿ ಮೋಹನ್‌ರಾಜ್ ಮರುನೇಮಕ

ಕೆನಡಾ ಓಪನ್‌: ಎರಡನೇ ಸುತ್ತಿಗೆ ಶ್ರೀಕಾಂತ್‌

ದೂರವಾದ ಪತ್ನಿ, ಮಗಳಿಗೆ ₹4 ಲಕ್ಷ ಪರಿಹಾರ ನೀಡಲು ಶಮಿಗೆ ಕೋಲ್ಕತ್ತ ಹೈಕೋರ್ಟ್ ಆದೇಶ

ನ್ಯಾಯಸಮ್ಮತ ತನಿಖೆಗೆ ವೆಸ್ಟ್ ಇಂಡೀಸ್ ಕ್ರಿಕೆಟ್‌ ತಂಡದ ಮುಖ್ಯ ಕೋಚ್ ಸಾಮಿ ಮನವಿ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 02 ಜುಲೈ 2025, ಬುಧವಾರ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಚುರುಮುರಿ | ಗ್ರಾಮಾಭಿವೃದ್ಧಿ...

ಭಾಗ್ಯನಗರವಾದ ಬಾಗೇಪಲ್ಲಿ, ಗ್ರಾಮಾಂತರ ಇನ್ನು ಬೆಂಗಳೂರು ಉತ್ತರ: ಸಂಪುಟ ನಿರ್ಧಾರ