ದಿನದ ಸೂಕ್ತಿ: ಸಾಮರ್ಥ್ಯವೇ ಮಾನದಂಡವಾಗಲಿ

ನಾಭಿಷೇಕೋ ನ ಸಂಸ್ಕಾರಃ ಸಿಂಹಸ್ಯ ಕ್ರಿಯತೇ ವನೇಃ ।

. ವಿಕ್ರಮಾರ್ಜಿತಸತ್ತ್ವಸ್ಯ ಸ್ವಯಮೇವ ಮೃಗೇಂದ್ರತಾ ।।

. ಇದರ ತಾತ್ಪರ್ಯ ಹೀಗೆ:

. ‘ಕಾಡಿನಲ್ಲಿ ಸಿಂಹಕ್ಕೆ ಯಾರೂ ಅಭಿಷೇಕವನ್ನಾಗಲೀ ಸಂಸ್ಕಾರವನ್ನಾಗಲೀ ಮಾಡುವುದಿಲ್ಲ; ತನ್ನ ಪರಾಕ್ರಮದಿಂದ ತಾನೇ ಸಂಪಾದಿಸಿಕೊಂಡ ಸತ್ತ್ವದಿಂದ ತಾನೇ ತಾನಾಗಿ ಮೃಗರಾಜ ಎಂಬ ಪದವಿ ದಕ್ಕುತ್ತದೆ.’

. ಇಂದಿನ ಸನ್ನಿವೇಶಕ್ಕೆ ಚೆನ್ನಾಗಿ ಹೊಂದಾಣಿಕೆಯಾಗುತ್ತದೆ, ಈ ಸುಭಾಷಿತ.

. ಇಂದಿನ ರಾಜಕಾರಣದ ಪರಿಸ್ಥಿತಿಯನ್ನೇ ಅವಲೋಕಿಸಬಹುದು. ಮಂತ್ರಿಯ ಮಗನನ್ನು ಮಂತ್ರಿಯನ್ನಾಗಿಸಬೇಕೆಂಬ ಹವಣು ಇಂದಿನ ರಾಜಕಾರಣದ ಮೂಲಧ್ಯೇಯ. ಆ ಮಗನಿಗೆ ಇರುವ ಅರ್ಹತೆಯಾದರೂ ಏನು? ಅವನು ಮಂತ್ರಿಯ ಮಗ, ರಾಜಕಾರಣಿಯ ಮಗ – ಇದಿಷ್ಟೇ ಅವನಿಗಿರುವ ಅರ್ಹತೆ. ರಾಜನೀತಿಯ ಬಗ್ಗೆ ಅರಿವಾಗಲೀ, ಕಾನೂನು–ಸಂವಿಧಾನಗಳ ಅಧ್ಯಯನವಾಗಲೀ, ಸಮಾಜಸೇವೆಯ ತುಡಿತವಾಗಲೀ ಇವರಲ್ಲಿ ಕಾಣದು. ಆದರೂ ಮಂತ್ರಿಯ ಮಗ ಮಂತ್ರಿಯೇ ಆಗುತ್ತಾನೆ. ಕಾರಣ ಸ್ಪಷ್ಟ: ಅವನು ಮಂತ್ರಿಯ ಮಗ ಎಂಬ ಮಾನದಂಡವೇ ಈ ಪದವಿಪ್ರಾಪ್ತಿಗೆ ಕಾರಣ. ಅರ್ಹತೆಯೊಂದೇ, ಸಾಮರ್ಥ್ಯವೊಂದೇ ಮಾನದಂಡವಾದರೆ ಬಹುಪಾಲು ಈ ’ಮಕ್ಕಳು‘ ರಾಜಕೀಯವಾಗಿ ನೆಲೆಗೊಳ್ಳಲಾರರು; ಯಾವ ಪದವಿಯನ್ನೂ ಪಡೆಯಲಾರರು. ಆದರೆ ಅವರು ಮಂತ್ರಿಯ ಮಕ್ಕಳು ಎಂಬ ಏಕೈಕ ಕಾರಣದಿಂದಲೇ ಅಧಿಕಾರವನ್ನು ಅನುಭವಿಸುತ್ತಿರುತ್ತಾರೆ. ಹೀಗಾಗಿ ಎಷ್ಟೋ ಜನರು, ಪ್ರಾಮಾಣಿಕರು, ಅರ್ಹರು, ಸಮರ್ಥರು ಅಧಿಕಾರದಿಂದ ವಂಚಿತರಾಗುತ್ತಲೇ ಇರುತ್ತಾರೆ. ಜೊಳ್ಳುಗಳು, ಭ್ರಷ್ಟರು ಅಧಿಕಾರವನ್ನು ಅನುಭವಿಸುತ್ತಿರುತ್ತಾರೆ. ಇದರ ಫಲವನ್ನು ಸಮಾಜ ಅನುಭವಿಸುತ್ತಿರುತ್ತದೆ.

. ಸುಭಾಷಿತ ಸೊಗಸಾದ ಉದಾಹರಣೆಯ ಮೂಲಕ ಸ್ವಸಾಮರ್ಥ್ಯ ಎಂದರೆ ಏನು ಎಂಬುದನ್ನು ನಿರೂಪಿಸಿದೆ.

. ಕಾಡಿನಲ್ಲಿ ಹಲವು ಪ್ರಾಣಿಗಳು ಇರುತ್ತವೆ. ಆದರೆ ನಾವು ಸಿಂಹವನ್ನು ಮೃಗರಾಜ ಎಂದು ಕರೆಯುತ್ತೇವೆ. ನಾವಷ್ಟೇ ಅಲ್ಲ, ಕಾಡಿನ ಇತರ ಪ್ರಾಣಿಗಳು ಕೂಡ ಸಿಂಹವನ್ನು ರಾಜನಂತೆಯೇ ಸ್ವೀಕರಿಸಿರುವುದು ಎದ್ದುಕಾಣುತ್ತದೆ. ಸಿಂಹಕ್ಕೆ ಈ ಮೃಗರಾಜ ಎಂಬ ಪದವಿ ಹೇಗೆ ಲಭಿಸಿತು? ಅಪ್ಪಸಿಂಹ ಮೃಗರಾಜ, ಹೀಗಾಗಿ ಮರಿಸಿಂಹವೂ ಮುಂದೆ ಮೃಗರಾಜ ಆಯಿತು ಎನ್ನುವಂತಿಲ್ಲ. ಈ ರೀತಿಯ ಹಿಂಬಾಗಿಲ ಪ್ರವೇಶ ಮನುಷ್ಯರಲ್ಲಿ, ಎಂದರೆ ನಾಡಿನಲ್ಲಿ ಇದೆಯೇ ಹೊರತು ಕಾಡಿನಲ್ಲಿ ಇರುವುದಿಲ್ಲ. ಸಿಂಹಕ್ಕಿರುವ ಸಹಜಬಲದಿಂದಲೇ ಅದು ಮೃಗರಾಜನಾಗಿದೆ.

. ಸುಭಾಷಿತದ ತಾತ್ಪರ್ಯ: ನಾವು ನಮ್ಮ ಸಾಮರ್ಥ್ಯದಿಂದಲೇ ಪದವಿ–ಅಧಿಕಾರಗಳನ್ನು ಪಡೆಯಬೇಕೆ ಹೊರತು, ಬೇರೊಬ್ಬರ ಆಶ್ರಯದಿಂದ, ಬೆಂಬಲದಿಂದ ಪಡೆಯಬಾರದು. ಅಧಿಕಾರ–ಪದವಿಗಳಿಗೆ ಅರ್ಹತೆಯೊಂದೇ ಮಾನದಂಡವಾದಾಗ ಮಾತ್ರ ಆ ಪದವಿಗೂ ಮರ್ಯಾದೆ ದಕ್ಕುವುದು, ಮಾತ್ರವಲ್ಲ ಆಗ ಸಮಾಜವೂ ಸದೃಢವಾಗಿರುತ್ತದೆ; ಭ್ರಷ್ಟಾಚಾರಗಳಿಂದ ಮುಕ್ತವಾಗುತ್ತದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ದಿನದ ಸೂಕ್ತಿ: ಸಾಮರ್ಥ್ಯವೇ ಮಾನದಂಡವಾಗಲಿ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬಾಗೇಪಲ್ಲಿ ಕಾಂಗ್ರೆಸ್ ಶಾಸಕ‌ ಸುಬ್ಬಾರೆಡ್ಡಿ ನಿವಾಸದ ಮೇಲೆ ಇ.ಡಿ ದಾಳಿ

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

Wimbledon 2025: ಅರಿನಾ ಸಬಲೆಂಕಾಗೆ ಆಘಾತ ನೀಡಿದ ಅಮಂಡಾ ಅನಿಸಿಮೋವಾ

IND vs ENG 2nd Test: ಆತಿಥೇಯರಿಗೆ ರೂಟ್ ಆಸರೆ

ವಿಂಬಲ್ಡನ್‌ ಟೆನಿಸ್‌ ಟೂರ್ನಿ: ದಾಖಲೆಯ 14ನೇ ಬಾರಿ ಸೆಮಿಗೆ ಜೊಕೊವಿಚ್‌

ಮಂಗಳೂರಿನಲ್ಲಿ ರಾಜ್ಯ ರ‍್ಯಾಂಕಿಂಗ್ TT:ಮಹಿಳಾ ಸಿಂಗಲ್ಸ್ ಪ್ರಶಸ್ತಿ ಗೆದ್ದ ತೃಪ್ತಿ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬಾಗೇಪಲ್ಲಿ ಕಾಂಗ್ರೆಸ್ ಶಾಸಕ‌ ಸುಬ್ಬಾರೆಡ್ಡಿ ನಿವಾಸದ ಮೇಲೆ ಇ.ಡಿ ದಾಳಿ

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ