<p>‘ಪ್ರಾ ರ್ಥನೆ ಎಂಬುದು ಹಗಲಿನ ಕೀಲಿಯಾಗಲಿ ಮತ್ತು ರಾತ್ರಿಯ ಬೀಗಮುದ್ರೆಯಾಗಲಿ’ ಎನ್ನುತ್ತಾನೆ, ಜಾರ್ಜ್ ಹರ್ಬರ್ಟ್.</p>.<p>ಎಲ್ಲ ಧರ್ಮಗಳಲ್ಲೂ ಪ್ರಾರ್ಥನೆಗೆ ಮಹತ್ತರವಾದ ಸ್ಥಾನವಿದೆ. ಎಲ್ಲರೂ ಒಂದಿಲ್ಲೊಂದು ಬಗೆಯಲ್ಲಿ ಪ್ರಾರ್ಥಿಸಿಯೇ ಇರುತ್ತಾರೆ. ಮಗುವಿನ ಅಳುವಿನಷ್ಟೇ ಸಹಜ ಮನುಷ್ಯನಿಗೆ ಪ್ರಾರ್ಥನೆ. ಪ್ರತಿಯೊಂದು ಬಯಕೆಯೂ ಒಂದು ಮಟ್ಟದ ಪ್ರಾರ್ಥನೆಯೇ. ನಾಸ್ತಿಕನಾಗಲೀ ಆಸ್ತಿಕನಾಗಲೀ –ಬೇಕುಗಳಿಗಾಗಿ ಹಂಬಲಿಸುತ್ತಿರುತ್ತಾನೆ.</p>.<p>ಪ್ರಾರ್ಥನೆಗಳಲ್ಲಿ ಸ್ಥೂಲವಾಗಿ ಎರಡು ವಿಧ. ಒಂದು ಪ್ರಾಪಂಚಿಕ ಅಪೇಕ್ಷೆಗಳ ಪೂರೈಕೆಗೆ ಪ್ರಾರ್ಥನೆ. ಮತ್ತೊಂದು ಆಧ್ಯಾತ್ಮಿಕ ಅಪೇಕ್ಷೆಗಳಿಗಾಗಿ ಪ್ರಾರ್ಥನೆ. ಶಕ್ತಿ, ಸಂಪತ್ತು, ಸಾವಿಲ್ಲದ ಬದುಕಿಗಾಗಿ ಪ್ರಾರ್ಥಿಸಿ ಪಡೆದುಕೊಳ್ಳುವವರು ಕೆಲವರಾದರೆ; ಭಕ್ತಿ, ವೈರಾಗ್ಯ, ಮುಕ್ತಿಗಾಗಿ ಪ್ರಾರ್ಥಿಸಿಕೊಳ್ಳುವವರು ಹಲವರು. ಎಲ್ಲರೂ ಬುದ್ಧರಾಗುವುದು ಸಾಧ್ಯವಿಲ್ಲ. ಭೋಗ ಮುಗಿದ ಬಳಿಕವಷ್ಟೇ ತ್ಯಾಗ. ಈ ಸತ್ಯದ ಅರಿವಾಗಬೇಕಾದರೂ ಬಹಳ ಕಾಲವೇ ಹಿಡಿಯುತ್ತದೆ. ಶ್ರೀರಾಮಕೃಷ್ಣರ ಮಾತಿನಲ್ಲಿ ಹೇಳುವುದಾದರೆ - ‘ಬೆಳ್ಳುಳ್ಳಿಯನ್ನಿಟ್ಟ ಪಾತ್ರೆಯ ವಾಸನೆ ಎಷ್ಟು ತೊಳೆದರೂ ಹೋಗದು . . . .’ ಮುಂದುವರೆದು ಹೇಳುವರು: ‘ಬೆಂಕಿಯಲ್ಲಿ ಸುಟ್ಟರೆ ಪಾತ್ರೆಯಲ್ಲಿನ ಆ ವಾಸನೆ ಹೋಗುವುದು’ (ಅಂದರೆ, ತಪಸ್ಸು, ಸಾಧನೆಗಳಿಂದ ಮನಸ್ಸನ್ನು ಸುಟ್ಟು ಪವಿತ್ರಗೊಳಿಸಿದರೆ, ಅಂತಹ ಶುದ್ಧ ಮನಸ್ಸಿನಿಂದ ಬಲವಾದ ಪ್ರಾರ್ಥನೆ ಮಾಡಲು ಸಾಧ್ಯ).</p>.<p>ಕ್ರಿಶ್ಚಿಯನ್ ಧರ್ಮದಲ್ಲೂ ಪ್ರಾರ್ಥನೆಗೆ ಒತ್ತು ನೀಡಲಾಗಿದೆ. ಸಂತ ಪಾಲನು ‘ಎಡೆಬಿಡದೆ ಪ್ರಾರ್ಥಿಸಿ’ ಎನ್ನುತ್ತಾನೆ. ಕ್ರಿಸ್ತ ಕೂಡ ದೀರ್ಘಕಾಲದ ಪ್ರಾರ್ಥನೆ ಮಾಡುತ್ತಿದ್ದನಲ್ಲದೆ ‘ಜಾಗ್ರತರಾಗಿರಿ ಮತ್ತು ಪ್ರಾರ್ಥಿಸುತ್ತಿರಿ’ ಎಂಬ ಸಂದೇಶ ನೀಡಿದ್ದಾನೆ. ಕ್ರೈಸ್ತ ಆಧ್ಯಾತ್ಮಿಕ ಜೀವನದ ಮೂರು ಸೂತ್ರಗಳು: ಧ್ಯಾನ (meditatio), ಪ್ರಾರ್ಥನೆ (oratio) ಮತ್ತು ಮನನ (contemplatio). ಬದುಕನ್ನು ಸರಳವೂ ಪವಿತ್ರವೂ ದೇವಪುತ್ರನಿಗೆ ಪ್ರಿಯವೂ ಆಗುವಂತೆ ಮಾಡಿಕೊಳ್ಳುವ ಮಾರ್ಗವಿದು. ಇಸ್ಲಾಮಿನಲ್ಲಿಯೂ ಪ್ರಾರ್ಥನೆಗೆ ಸರಳ ಸೂತ್ರಗಳನ್ನು ನೀಡಲಾಗಿದೆ. ಅದು ಆರಂಭವಾಗುವುದೇ ಬಾಹ್ಯಶುದ್ಧಿಯಿಂದ (ವುಜ಼ು) ಅನಂತರ ಸಲಾಹ್. ಆ ಪ್ರಾರ್ಥನೆಯನ್ನು ಮಾಡುವ ಕ್ರಮವಿದೆ. ಪವಿತ್ರ ಕಾಬಾಹ್ದತ್ತ ಮುಖ ಮಾಡಿ ನಿಂತು ನಿಯ್ಯಾಹ್ (ಸಂಕಲ್ಪ) ಮಾಡಬೇಕು. ತದನಂತರದ ಕ್ರಮಗಳನ್ನು ಕೆಲವು ಸೂತ್ರಗಳನ್ನು ಪವಿತ್ರ ಖುರಾನಿನ ಭಾಗಗಳನ್ನು ಪಠಿಸಿ ಪ್ರಾರ್ಥನೆ ಮಾಡಬೇಕು.</p>.<p>ಆದರೆ ಯಾವುದೇ ಧರ್ಮದ, ಕ್ರಮದ ಪ್ರಾರ್ಥನೆಯಾದರೂ ಮೂಲದಲ್ಲಿ ಶ್ರದ್ಧೆಯಿರಬೇಕು. ಒಳಗಿನ ಅಹಂಕಾರ ತಡೆಯಾದರೆ ಪ್ರಾರ್ಥನೆ ಫಲಿಸದು. ಮತ್ತೆ ರಾಮಕೃಷ್ಣರ ಮಾತಿನಲ್ಲೇ ಹೇಳುವುದಾದರೆ: ‘ಮಣ್ಣು ದಿಬ್ಬದ ಮೇಲೆ ಮಳೆಯ ನೀರು ನಿಲ್ಲುವುದಿಲ್ಲ.’ ಪ್ರಾರ್ಥನೆಯ ಹಿಂದೆ ಶಾಂತಿ, ಸರ್ವಹಿತ, ಸಮಾಧಾನದ ಭಾವ ಇದ್ದಾಗ ಅದು ಫಲಿಸುವುದು. ಪರಮಾತ್ಮನೊಂದಿಗೆ ನಮಗಿರುವ ಸಂಪರ್ಕಸಾಧನ ಅದೊಂದೇ. ಜೀವನದಲ್ಲಿ ಅದೊಂದು ದೊಡ್ಡ ಭರವಸೆ. ಸಂತ ಜಾನನ ಪ್ರಕಾರ: ‘ನಮ್ಮ ಎಲ್ಲ ಕಷ್ಟಕೋಟಲೆ, ತೊಂದರೆ, ಬೇಡಿಕೆಗಳಿಗೆ ಪ್ರಾರ್ಥನೆಯೇ ಪರಮೌಷಧ. ಭಗವಂತನು ತನ್ನದೇ ರೀತಿಯಲ್ಲಿ ಅದನ್ನು ಈಡೇರಿಸುತ್ತಾನೆ ಎಂಬ ನಂಬಿಕೆಯಿರಲಿ.’ ಭವಸಾಗರದ ಪಯಣದಲ್ಲಿ ಭಕ್ತಿಯ ಹಾಯಿಪಟಕ್ಕೆ ಶಕ್ತಿ ತುಂಬುವುದೇ ಪ್ರಾರ್ಥನೆ. ಒಳಿತಿಗಾಗಿ, ಶಾಂತಿಗಾಗಿ ಎಲ್ಲರೂ ಪ್ರಾರ್ಥಿಸೋಣ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>‘ಪ್ರಾ ರ್ಥನೆ ಎಂಬುದು ಹಗಲಿನ ಕೀಲಿಯಾಗಲಿ ಮತ್ತು ರಾತ್ರಿಯ ಬೀಗಮುದ್ರೆಯಾಗಲಿ’ ಎನ್ನುತ್ತಾನೆ, ಜಾರ್ಜ್ ಹರ್ಬರ್ಟ್.</p>.<p>ಎಲ್ಲ ಧರ್ಮಗಳಲ್ಲೂ ಪ್ರಾರ್ಥನೆಗೆ ಮಹತ್ತರವಾದ ಸ್ಥಾನವಿದೆ. ಎಲ್ಲರೂ ಒಂದಿಲ್ಲೊಂದು ಬಗೆಯಲ್ಲಿ ಪ್ರಾರ್ಥಿಸಿಯೇ ಇರುತ್ತಾರೆ. ಮಗುವಿನ ಅಳುವಿನಷ್ಟೇ ಸಹಜ ಮನುಷ್ಯನಿಗೆ ಪ್ರಾರ್ಥನೆ. ಪ್ರತಿಯೊಂದು ಬಯಕೆಯೂ ಒಂದು ಮಟ್ಟದ ಪ್ರಾರ್ಥನೆಯೇ. ನಾಸ್ತಿಕನಾಗಲೀ ಆಸ್ತಿಕನಾಗಲೀ –ಬೇಕುಗಳಿಗಾಗಿ ಹಂಬಲಿಸುತ್ತಿರುತ್ತಾನೆ.</p>.<p>ಪ್ರಾರ್ಥನೆಗಳಲ್ಲಿ ಸ್ಥೂಲವಾಗಿ ಎರಡು ವಿಧ. ಒಂದು ಪ್ರಾಪಂಚಿಕ ಅಪೇಕ್ಷೆಗಳ ಪೂರೈಕೆಗೆ ಪ್ರಾರ್ಥನೆ. ಮತ್ತೊಂದು ಆಧ್ಯಾತ್ಮಿಕ ಅಪೇಕ್ಷೆಗಳಿಗಾಗಿ ಪ್ರಾರ್ಥನೆ. ಶಕ್ತಿ, ಸಂಪತ್ತು, ಸಾವಿಲ್ಲದ ಬದುಕಿಗಾಗಿ ಪ್ರಾರ್ಥಿಸಿ ಪಡೆದುಕೊಳ್ಳುವವರು ಕೆಲವರಾದರೆ; ಭಕ್ತಿ, ವೈರಾಗ್ಯ, ಮುಕ್ತಿಗಾಗಿ ಪ್ರಾರ್ಥಿಸಿಕೊಳ್ಳುವವರು ಹಲವರು. ಎಲ್ಲರೂ ಬುದ್ಧರಾಗುವುದು ಸಾಧ್ಯವಿಲ್ಲ. ಭೋಗ ಮುಗಿದ ಬಳಿಕವಷ್ಟೇ ತ್ಯಾಗ. ಈ ಸತ್ಯದ ಅರಿವಾಗಬೇಕಾದರೂ ಬಹಳ ಕಾಲವೇ ಹಿಡಿಯುತ್ತದೆ. ಶ್ರೀರಾಮಕೃಷ್ಣರ ಮಾತಿನಲ್ಲಿ ಹೇಳುವುದಾದರೆ - ‘ಬೆಳ್ಳುಳ್ಳಿಯನ್ನಿಟ್ಟ ಪಾತ್ರೆಯ ವಾಸನೆ ಎಷ್ಟು ತೊಳೆದರೂ ಹೋಗದು . . . .’ ಮುಂದುವರೆದು ಹೇಳುವರು: ‘ಬೆಂಕಿಯಲ್ಲಿ ಸುಟ್ಟರೆ ಪಾತ್ರೆಯಲ್ಲಿನ ಆ ವಾಸನೆ ಹೋಗುವುದು’ (ಅಂದರೆ, ತಪಸ್ಸು, ಸಾಧನೆಗಳಿಂದ ಮನಸ್ಸನ್ನು ಸುಟ್ಟು ಪವಿತ್ರಗೊಳಿಸಿದರೆ, ಅಂತಹ ಶುದ್ಧ ಮನಸ್ಸಿನಿಂದ ಬಲವಾದ ಪ್ರಾರ್ಥನೆ ಮಾಡಲು ಸಾಧ್ಯ).</p>.<p>ಕ್ರಿಶ್ಚಿಯನ್ ಧರ್ಮದಲ್ಲೂ ಪ್ರಾರ್ಥನೆಗೆ ಒತ್ತು ನೀಡಲಾಗಿದೆ. ಸಂತ ಪಾಲನು ‘ಎಡೆಬಿಡದೆ ಪ್ರಾರ್ಥಿಸಿ’ ಎನ್ನುತ್ತಾನೆ. ಕ್ರಿಸ್ತ ಕೂಡ ದೀರ್ಘಕಾಲದ ಪ್ರಾರ್ಥನೆ ಮಾಡುತ್ತಿದ್ದನಲ್ಲದೆ ‘ಜಾಗ್ರತರಾಗಿರಿ ಮತ್ತು ಪ್ರಾರ್ಥಿಸುತ್ತಿರಿ’ ಎಂಬ ಸಂದೇಶ ನೀಡಿದ್ದಾನೆ. ಕ್ರೈಸ್ತ ಆಧ್ಯಾತ್ಮಿಕ ಜೀವನದ ಮೂರು ಸೂತ್ರಗಳು: ಧ್ಯಾನ (meditatio), ಪ್ರಾರ್ಥನೆ (oratio) ಮತ್ತು ಮನನ (contemplatio). ಬದುಕನ್ನು ಸರಳವೂ ಪವಿತ್ರವೂ ದೇವಪುತ್ರನಿಗೆ ಪ್ರಿಯವೂ ಆಗುವಂತೆ ಮಾಡಿಕೊಳ್ಳುವ ಮಾರ್ಗವಿದು. ಇಸ್ಲಾಮಿನಲ್ಲಿಯೂ ಪ್ರಾರ್ಥನೆಗೆ ಸರಳ ಸೂತ್ರಗಳನ್ನು ನೀಡಲಾಗಿದೆ. ಅದು ಆರಂಭವಾಗುವುದೇ ಬಾಹ್ಯಶುದ್ಧಿಯಿಂದ (ವುಜ಼ು) ಅನಂತರ ಸಲಾಹ್. ಆ ಪ್ರಾರ್ಥನೆಯನ್ನು ಮಾಡುವ ಕ್ರಮವಿದೆ. ಪವಿತ್ರ ಕಾಬಾಹ್ದತ್ತ ಮುಖ ಮಾಡಿ ನಿಂತು ನಿಯ್ಯಾಹ್ (ಸಂಕಲ್ಪ) ಮಾಡಬೇಕು. ತದನಂತರದ ಕ್ರಮಗಳನ್ನು ಕೆಲವು ಸೂತ್ರಗಳನ್ನು ಪವಿತ್ರ ಖುರಾನಿನ ಭಾಗಗಳನ್ನು ಪಠಿಸಿ ಪ್ರಾರ್ಥನೆ ಮಾಡಬೇಕು.</p>.<p>ಆದರೆ ಯಾವುದೇ ಧರ್ಮದ, ಕ್ರಮದ ಪ್ರಾರ್ಥನೆಯಾದರೂ ಮೂಲದಲ್ಲಿ ಶ್ರದ್ಧೆಯಿರಬೇಕು. ಒಳಗಿನ ಅಹಂಕಾರ ತಡೆಯಾದರೆ ಪ್ರಾರ್ಥನೆ ಫಲಿಸದು. ಮತ್ತೆ ರಾಮಕೃಷ್ಣರ ಮಾತಿನಲ್ಲೇ ಹೇಳುವುದಾದರೆ: ‘ಮಣ್ಣು ದಿಬ್ಬದ ಮೇಲೆ ಮಳೆಯ ನೀರು ನಿಲ್ಲುವುದಿಲ್ಲ.’ ಪ್ರಾರ್ಥನೆಯ ಹಿಂದೆ ಶಾಂತಿ, ಸರ್ವಹಿತ, ಸಮಾಧಾನದ ಭಾವ ಇದ್ದಾಗ ಅದು ಫಲಿಸುವುದು. ಪರಮಾತ್ಮನೊಂದಿಗೆ ನಮಗಿರುವ ಸಂಪರ್ಕಸಾಧನ ಅದೊಂದೇ. ಜೀವನದಲ್ಲಿ ಅದೊಂದು ದೊಡ್ಡ ಭರವಸೆ. ಸಂತ ಜಾನನ ಪ್ರಕಾರ: ‘ನಮ್ಮ ಎಲ್ಲ ಕಷ್ಟಕೋಟಲೆ, ತೊಂದರೆ, ಬೇಡಿಕೆಗಳಿಗೆ ಪ್ರಾರ್ಥನೆಯೇ ಪರಮೌಷಧ. ಭಗವಂತನು ತನ್ನದೇ ರೀತಿಯಲ್ಲಿ ಅದನ್ನು ಈಡೇರಿಸುತ್ತಾನೆ ಎಂಬ ನಂಬಿಕೆಯಿರಲಿ.’ ಭವಸಾಗರದ ಪಯಣದಲ್ಲಿ ಭಕ್ತಿಯ ಹಾಯಿಪಟಕ್ಕೆ ಶಕ್ತಿ ತುಂಬುವುದೇ ಪ್ರಾರ್ಥನೆ. ಒಳಿತಿಗಾಗಿ, ಶಾಂತಿಗಾಗಿ ಎಲ್ಲರೂ ಪ್ರಾರ್ಥಿಸೋಣ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
