ದಿನದ ಸೂಕ್ತಿ: ಯೌವನದ ಬಲಾಬಲಗಳು

ರಾಗಂ ವಿಜೃಂಭಯತಿ ಸಂಶ್ರಯತೇ ಪ್ರಮಾದಂ

. ದೋಷಾನ್ ನ ಚಿಂತಯತಿ ಸಾಹಸಮಭ್ಯುಪೈತಿ ।

. ಸ್ವಚ್ಛಂದತೋ ವ್ರಜತಿ ನೇಚ್ಛತಿ ನೀತಿಮಾರ್ಗಂ

. ಬುದ್ಧಿಂ ಶುಭಾಂ ಸುವಿದುಷಾಮವಶೀಕರೋತಿ ।।

. ಇದರ ತಾತ್ಪರ್ಯ ಹೀಗೆ:

. ‘ಯೌವನವು ಕಾಮವನ್ನು ಹೆಚ್ಚಿಸುವಂತೆ ಮಾಡುತ್ತದೆ; ತಪ್ಪುಗಳನ್ನು ಅಡಿಗಡಿಗೆ ಮಾಡಿಸುತ್ತದೆ; ಜಾಗರೂಕತೆಯೇ ಇರುವುದಿಲ್ಲ; ಅಪಾಯದ ಕೆಲಸಗಳನ್ನು ಮಾಡಲು ಅದು ಪ್ರೇರಿಸುತ್ತದೆ; ಸ್ವೇಚ್ಛೆಯಾಗಿ ನಡೆಯುವಂತೆ ಮಾಡುತ್ತದೆ; ನೀತಿಯನ್ನೂ ಗಮನಿಸುವುದೇ ಇಲ್ಲ; ಎಷ್ಟೇ ವಿದ್ಯಾಂಸನಾಗಿದ್ದರೂ ಅವನ ಒಳ್ಳೆಯ ಬುದ್ಧಿಯನ್ನು ಕೂಡ ಅದು ಹದ್ದು ಮೀರುವಂತೆ ಮಾಡುತ್ತದೆ.’

. ಯೌವನ ಎಂದರೆ ನಮ್ಮ ಆಯುಸ್ಸಿನ ಪ್ರಮುಖ ಘಟ್ಟ; ಅತ್ಯಂತ ಶಕ್ತಿಶಾಲಿಯಾದ ಘಟ್ಟ. ಈ ಶಕ್ತಿಯ ಉಪಯೋಗ ಸರಿಯಾಗಿ ಆಗದಿದ್ದರೆ ಆಗ ಅನಾಹುತಗಳ ಸರಣಿಯೇ ಸಂಭವಿಸುವುದು ಎಂದು ಸುಭಾಷಿತ ಹೇಳುತ್ತಿದೆ.

. ಯೌವನ ಎನ್ನುವುದು ಇತ್ತ ಬಾಲ್ಯವೂ ಅಲ್ಲ, ಅತ್ತ ಮುಪ್ಪು ಅಲ್ಲ; ಎರಡರ ನಡುವಿನ ಕಾಲ. ಬಾಲ್ಯದ ಉತ್ಸಾಹ ಮತ್ತು ಪ್ರೌಢವಾಸ್ಥೆಯ ವಿವೇಕ – ಎರಡೂ ಸೇರಿರುವ ಅವಸ್ಥೆ. ಆದರೆ ಈ ಎರಡೂ ಎಚ್ಚರವಾಗಿರದಿದ್ದರೆ ಆಗ ನಮ್ಮ ಜೀವನ ತೊಂದರೆಗಳಿಗೆ ಒಳಗಾಗುತ್ತದೆ. ಇಂಥ ತೊಂದರೆಗಳ ಪಟ್ಟಿಯನ್ನೇ ಸುಭಾಷಿತ ಇಲ್ಲಿ ನೀಡಿದೆ.

. ಯೌವನ ಎಂಬುದು ಕಾಮನನ್ನು ಸ್ವಾಗತಿಸುವ ಸಂಭ್ರಮದ ಸಮಯ. ಈ ಸಂಭ್ರಮವನ್ನು ಸಂಯಮದಿಂದ ಸ್ವೀಕರಿಸದಿದ್ದರೆ ಆಗ ಅದರಿಂದ ತೊಂದರೆಗಳು ಎದುರಾಗುವುದು ಸಹಜ. ಶಕ್ತಿಯೇ ಯೌವನದ ಮೂಲಮಂತ್ರವಾಗಿರುತ್ತದೆ. ಶಕ್ತಿಯ ಮದ ನಮ್ಮಿಂದ ತಪ್ಪುಗಳನ್ನು ಮಾಡಲು ಪ್ರಚೋದಿಸುತ್ತದೆ; ಅದೂ ಮತ್ತೆ ಮತ್ತೆ ತಪ್ಪುಗಳು.

. ತಪ್ಪುಗಳು ಯಾಕೆ ನಡೆಯುತ್ತವೆ? ಕಾಮದ ಉನ್ಮಾದವೂ ಅದಕ್ಕೆ ಒಂದು ಕಾರಣ. ಈ ಉನ್ಮಾದದಿಂದಾಗಿ ಜಾಗರೂಕತೆಯನ್ನು ಮನಸ್ಸು ಕಳೆದುಕೊಂಡಿರುತ್ತದೆ. ಜಾಗರೂಕತೆ ಮಾಯವಾಗಿದೆ; ತಪ್ಪುಗಳನ್ನು ಮಾಡಲೂ ಮನಸ್ಸು ಸಿದ್ಧವಾಗಿದೆ. ಇಂಥ ಮೈಮರೆವು ಇದ್ದಾಗ ಅಪಾಯದ ಕೆಲಸಗಳನ್ನು ಸಾಹಸದ ಕೆಲಸಗಳು ಎಂದು ಅದರಲ್ಲಿ ತೊಡಗುವುದು ಸಹಜವೇ ಆಗುತ್ತದೆ. ಅಪಾಯದ ಕೆಲಸಗಳನ್ನು ಮಾಡಬೇಕು ಎಂದರೆ ಸ್ವೇಚ್ಛೆ ಮುಖ್ಯವಾಗುತ್ತದೆ; ಸ್ವೇಚ್ಛಾಚಾರವೇ ಅಪಾಯವನ್ನು ಲೆಕ್ಕಿಸದಂತೆ ಮಾಡುವಂಥದ್ದು.

. ಅಪಾಯಕ್ಕೂ ಸಿದ್ಧ; ಸ್ವೇಚ್ಛಾಚರವೂ ಸಿದ್ಧಿಸಿದೆ. ಅಂಥ ಸಂದರ್ಭದಲ್ಲಿ ನೀತಿ–ನಿಯಮಗಳ ಲಕ್ಷ್ಯವಾದರೂ ಏಕಿದ್ದೀತು? ಅಪಾಯಕ್ಕೆ ಸಿದ್ಧ; ಸ್ವೇಚ್ಛಾಚಾರವೂ ಸಿದ್ಧ; ನೀತಿ–ನಿಯಮಗಳ ಗೊಡವೆ ಇಲ್ಲ. ಇಂಥ ಹಾದಿತಪ್ಪಿದ ಸಮಯದಲ್ಲಿ ಎಂಥ ವಿದ್ಯಾವಂತನಾದರೂ ಏನು ಪ್ರಯೋಜನ? ಅವನಲ್ಲಿ ವಿವೇಕ ಇಲ್ಲವಾಗಿರುವುದರಿಂದಲೇ ಇಷ್ಟೆಲ್ಲ ತಪ್ಪಿದ ತಾಳಗಳಿಗೆ ಅವಕಾಶ ಒದಗಿರುವುದು.

. ಸುಭಾಷಿತ ಹೇಳುತ್ತಿರುವುದು ಏನೆಂದರೆ, ನಮಗಿರುವ ಶಕ್ತಿಯನ್ನು ಸರಿಯಾಗಿ ಬಳಸಿಕೊಳ್ಳುವ ಬುದ್ಧಿ ನಮ್ಮಲ್ಲಿ ಇಲ್ಲದಿದ್ದರೆ ಆಗ ನಮ್ಮ ಬಲವೇ ನಮಗೆ ಶತ್ರುವಾಗುತ್ತದೆ ಎಂದು. ಪ್ರಜಾಪ್ರಭುತ್ವವನ್ನು ಸರಿಯಾಗಿ ಬಳಸಿಕೊಳ್ಳುವ, ಉಳಿಸಿಕೊಳ್ಳುವ ಮಾರ್ಗವೂ ನಮಗೆ ಗೊತ್ತಿರಬೇಕು; ಇಲ್ಲವಾದಲ್ಲಿ ಅದೇ ಪ್ರಜೆಗಳ ಹಿಂಸೆಗೂ ಕಾರಣವಾಗಬಲ್ಲದು, ಅಲ್ಲವೆ?

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ದಿನದ ಸೂಕ್ತಿ: ಯೌವನದ ಬಲಾಬಲಗಳು

ಚಿನಕುರುಳಿ | ಸೋಮವಾರ, 14 ಜುಲೈ 2025

ಸಿಗಂದೂರು ಸೇತುವೆ: ಶಿಷ್ಟಾಚಾರ ಉಲ್ಲಂಘನೆ ಆರೋಪಕ್ಕೆ ನಿತಿನ್ ಗಡ್ಕರಿ ಪ್ರತಿಕ್ರಿಯೆ

ನಿಮಿಷಾಗೆ ಗಲ್ಲು | ಇತರ ರಾಷ್ಟ್ರಗಳಂತೆ ಯೆಮೆನ್ ಅಲ್ಲ ಎಂದು ಕೈಚೆಲ್ಲಿದ ಕೇಂದ್ರ

ಚುರುಮುರಿ | ಭೋಜನ ಭಾಗ್ಯ

ಅಪರಿಚಿತ ವಾಹನ ಡಿಕ್ಕಿ: 114 ವರ್ಷದ ಮ್ಯಾರಥಾನ್‌ ಓಟಗಾರ ಫೌಜಾ ಸಿಂಗ್‌ ಸಾವು

Wimbledon | ಸಾಕಾರಗೊಂಡ ಯಾನಿಕ್‌ ಸಿನ್ನರ್ ಕನಸು

ಡ್ರಗ್ಸ್‌ ಪಿಡುಗು: ಜಾಗೃತಿಗೆ ಚಿಂತನ ಶಿಬಿರ

ಫಿಡೆ ಮಹಿಳಾ ವಿಶ್ವಕಪ್‌ ಚೆಸ್‌: ಪ್ರಿಕ್ವಾರ್ಟರ್‌ಗೆ ದಿವ್ಯಾ, ಹಂಪಿ, ವೈಶಾಲಿ

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಚಿನಕುರುಳಿ | ಸೋಮವಾರ, 14 ಜುಲೈ 2025

ಸಿಗಂದೂರು ಸೇತುವೆ: ಶಿಷ್ಟಾಚಾರ ಉಲ್ಲಂಘನೆ ಆರೋಪಕ್ಕೆ ನಿತಿನ್ ಗಡ್ಕರಿ ಪ್ರತಿಕ್ರಿಯೆ

ನಿಮಿಷಾಗೆ ಗಲ್ಲು | ಇತರ ರಾಷ್ಟ್ರಗಳಂತೆ ಯೆಮೆನ್ ಅಲ್ಲ ಎಂದು ಕೈಚೆಲ್ಲಿದ ಕೇಂದ್ರ

ಚುರುಮುರಿ | ಭೋಜನ ಭಾಗ್ಯ