ಬಾಗಲಕೋಟೆ | ಸ್ಥಗಿತಗೊಂಡ ಜಾಗರಿ ಪಾರ್ಕ್

ಬಾಗಲಕೋಟೆ : ಸಕ್ಕರೆ ಉತ್ಪಾದನೆಯಲ್ಲಿ ಹೆಸರು ಮಾಡಿರುವಂತೆ ಜಿಲ್ಲೆಯು ಬೆಲ್ಲದ ಉತ್ಪಾದನೆಯಲ್ಲಿಯೂ ಹೆಸರು ಮಾಡಿದೆ. ಸಾವಯವ ಬೆಲ್ಲ ಪ್ರೋತ್ಸಾಹಿಸುವ ನಿಟ್ಟಿನಲ್ಲಿ 2013ರಲ್ಲಿ ಮುಧೋಳದಲ್ಲಿ ಆರಂಭಗೊಂಡಿದ್ದ ಸಾವಯವ ಬೆಲ್ಲ ತಂತ್ರಜ್ಞಾನ ಸಂಸ್ಥೆ (ಜಾಗರಿ ಪಾರ್ಕ್) ಸ್ಥಗಿತಗೊಂಡಿದೆ.

. 2013ರಲ್ಲಿ ರಾಷ್ಟ್ರೀಯ ಕೃಷಿ ವಿಕಾಸ ಯೋಜನೆಯಡಿ ₹8 ಕೋಟಿ ವೆಚ್ಚ ಮಾಡಿ ವರ್ಷಕ್ಕೆ 3,000 ಟನ್ ಬೆಲ್ಲ ಉತ್ಪಾದನೆಯ ಜಾಗರಿ ಪಾರ್ಕ್ ಆರಂಭಿಸಲಾಗಿತ್ತು. ಧಾರವಾಡದ ಕೃಷಿ ವಿಶ್ವವಿದ್ಯಾಲಯ ಇದರ ಉಸ್ತುವಾರಿ ವಹಿಸಿಕೊಂಡಿತ್ತು. ಗುತ್ತಿಗೆ ಪಡೆದಿದ್ದ ಕಂಪನಿ ನಷ್ಟವಾಗುತ್ತಿದೆ ಎಂದು ಹಿಂದೆ ಸರಿದಿದ್ದರಿಂದ ಪಾರ್ಕ್ ಬಂದ್ ಆಗಿದೆ.

. ಐದು ವರ್ಷಗಳ ಹಿಂದೆ ಮುಧೋಳದ ರೈತ ಉತ್ಪಾದನಾ ಸಂಸ್ಥೆ ಜಾಗರಿ ಪಾರ್ಕ್ ಅನ್ನು ಲೀಸ್ ಪಡೆದಿತ್ತು. ಕೃವಿವಿ ಹಾಗೂ ಸಂಸ್ಥೆ ನಡುವೆ ಆಗಿದ್ದ ಒಪ್ಪಂದದಂತೆ ಪ್ರತಿ ಟನ್ಗೆ ₹452 ಪಾವತಿಸಬೇಕಿತ್ತು. ನಷ್ಟವಾಗಿರುವುದರಿಂದ ವಿಶ್ವವಿದ್ಯಾಲಯಕ್ಕೆ ಪಾವತಿಸಬೇಕಿದ್ದ ₹35 ಲಕ್ಷ ಪಾವತಿಸಲಾಗುವುದಿಲ್ಲ ಎಂದು ಸಂಸ್ಥೆ ತಿಳಿಸಿದೆ.

. ಎರಡು ವರ್ಷಗಳಿಂದ ಪಾರ್ಕ್ ಕಾರ್ಯ ನಿರ್ವಹಿಸುತ್ತಿಲ್ಲ. ಅದರಲ್ಲಿದ್ದ ಯಂತ್ರಗಳು ದೂಳು ಹಿಡಿದಿವೆ. ಜಾಗರಿ ಪಾರ್ಕ್ ಸ್ಥಾಪನೆಯಿಂದ ಕಬ್ಬಿಗೆ ಉತ್ತಮ ಬೆಲೆ ಸಿಗಬಹುದು ಎಂದುಕೊಂಡಿದ್ದ ರೈತರೂ ಈಗ ಸಂಕಷ್ಟಕ್ಕೆ ಸಿಲುಕಿದ್ದಾರೆ.

. ಮಹಾಲಿಂಗಪುರದ ಬೆಲ್ಲದ ಮಾರುಕಟ್ಟೆ ರಾಜ್ಯದಲ್ಲಿಯೇ ಹೆಸರುವಾಸಿಯಾಗಿದೆ. ವಿವಿಧ ರಾಜ್ಯಗಳಿಗೆ ಇಲ್ಲಿಂದಲೇ ಬೆಲ್ಲ ಹೋಗುತ್ತದೆ. ಹಲವಾರು ರೈತರು, ರೈತ ಉತ್ಪಾದಕ ಸಂಸ್ಥೆಗಳು ಸಾವಯವ ಬೆಲ್ಲದ ಉತ್ಪಾದನೆ ಮಾಡುತ್ತಿವೆ. ಉತ್ತಮ ಮಾರುಕಟ್ಟೆಯನ್ನು ಹೊಂದಿವೆ. ಆದರೆ, ಸರ್ಕಾರಿ ಸಂಸ್ಥೆಯೊಂದು ಸಂಕಷ್ಟಕ್ಕೆ ಸಿಲುಕಿದೆ.

. ಸಾವಯವ ಉತ್ಪನ್ನದ ಬಗ್ಗೆ ಸಚಿವರು, ಜನಪ್ರತಿನಿಧಿಗಳು, ಅಧಿಕಾರಿಗಳು ಮಾತನಾಡುತ್ತಿರುತ್ತಾರೆ. ಆದರೆ, ಸಾವಯವ ಬೆಲ್ಲದ ಪಾರ್ಕ್ ಎರಡು ವರ್ಷಗಳಿಂದ ಬಂದ್ ಆಗಿದ್ದರೂ ಆರಂಭಿಸುವತ್ತ ಲಕ್ಷ್ಯ ಹರಿಸಿಲ್ಲ. ಮಾರುಕಟ್ಟೆಯಿಲ್ಲದೇ ಸಾವಯವ ಕಬ್ಬು ಬೆಳೆದ ರೈತರೂ ಅನಿವಾರ್ಯವಾಗಿ ಕಾರ್ಖಾನೆಗೆ ಕಬ್ಬು ಸಾಗಿಸಬೇಕಾದ ಸ್ಥಿತಿ ಎದುರಾಗಿದೆ.

. ಯಾವುದೇ ಸಂಸ್ಥೆ ಮುಂದೆ ಬರದಿದ್ದರೆ ವಿಶ್ವವಿದ್ಯಾಲಯದಿಂದ ಆರಂಭಿಸುವ ಯೋಚನೆ ನಡೆದಿದೆ. ಅಗತ್ಯ ಸಿಬ್ಬಂದಿಯ ಅವಶ್ಯವಿದೆ ಪಿ.ಎಲ್. ಪಾಟೀಲ ಕುಲಪತಿ ಕೃಷಿ ವಿಶ್ವವಿದ್ಯಾಲಯ ಧಾರವಾಡ . ಟೆಂಡರ್ ಕರೆದರೆ ಯಾರೂ ಭಾಗವಹಿಸಿಲ್ಲ ಜಾಗರಿ ಪಾರ್ಕ್ ಪಡೆದಿದ್ದ ಸಂಸ್ಥೆಯ ಗುತ್ತಿಗೆಯ ಐದು ವರ್ಷ ಪೂರ್ಣಗೊಂಡಿದೆ. ಟೆಂಡರ್ ಕರೆದರೂ ಯಾವ ಸಂಸ್ಥೆಯೂ ಭಾಗವಹಿಸದ್ದರಿಂದ ಪಾರ್ಕ್ ಆರಂಭ ನನೆಗುದಿಗೆ ಬಿದ್ದಿದೆ. ‘ಹಿಂದೆ ಗುತ್ತಿಗೆ ಪಡೆದಿದ್ದ ಸಂಸ್ಥೆ ಕೃವಿವಿಗೆ ₹30 ಲಕ್ಷ ಪಾವತಿಸಬೇಕಿದೆ. ನಷ್ಟವಾಗಿದ್ದರಿಂದ ಮನ್ನಾ ಮಾಡುವಂತೆ ಮನವಿ ಮಾಡಿಕೊಂಡಿದ್ದು ಈ ಕುರಿತು ಕಾನೂನು ಸಲಹೆ ಕೇಳಲಾಗಿದೆ’ ಎಂದು ವಿಶ್ವವಿದ್ಯಾಲಯದ ಪ್ರಾಧ್ಯಾಪಕ ಡಿ.ಬಿ. ಬಿರಾದಾರ ತಿಳಿಸಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಬಾಗಲಕೋಟೆ | ಸ್ಥಗಿತಗೊಂಡ ಜಾಗರಿ ಪಾರ್ಕ್

ಚಿನಕುರುಳಿ: 03 ಜುಲೈ 2025 ಗುರುವಾರ

ಚಿನಕುರುಳಿ: 04 ಜುಲೈ 2025, ಶುಕ್ರವಾರ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಚುರುಮುರಿ | ಬದಲಾವಣೆ ಕ್ರಾಂತಿ!

ಸಿರಾಜ್ ಮಿಂಚು; ಸ್ಟೋಕ್ಸ್ ಶೂನ್ಯಕ್ಕೆ ಔಟ್, ಇಂಗ್ಲೆಂಡ್ 5ನೇ ವಿಕೆಟ್ ಪತನ

ಗುಕೇಶ್ ವಿರುದ್ಧ ಸೋಲು; ಚೆಸ್ ಆನಂದಿಸುತ್ತಿಲ್ಲ ಎಂದ ವಿಶ್ವನ ನಂ.1ಆಟಗಾರ ಕಾರ್ಲಸನ್

NC Classic | ಭಾರತೀಯ ಅಥ್ಲೆಟಿಕ್ಸ್ ಇತಿಹಾಸದಲ್ಲಿ ಹೊಸ ಅಧ್ಯಾಯ: ನೀರಜ್ ಚೋಪ್ರಾ

ನಾಳೆ ಬೆಂಗಳೂರಲ್ಲಿ ವಿಶ್ವ ಮಟ್ಟದ ಜಾವೆಲಿನ್‌: ನೀರಜ್ ಚೋಪ್ರಾಗೆ ಪೇಟ ತೊಡಿಸಿದ CM

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಚಿನಕುರುಳಿ: 04 ಜುಲೈ 2025, ಶುಕ್ರವಾರ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಚುರುಮುರಿ | ಬದಲಾವಣೆ ಕ್ರಾಂತಿ!