<p><strong>ಬಾಗಲಕೋಟೆ:</strong> ಬೇಸಿಗೆಯ ಹಾದಿಗೆ ಈಗಾಗಲೇ ಕಲ್ಲಂಗಡಿ ಮುನ್ನುಡಿ ಬರೆದಿದೆ. ದಾಹ ತಣಿಸುವ ಈ ದೈತ್ಯದೇಹಿ ಮಾರುಕಟ್ಟೆಗೆ ಲಗ್ಗೆ ಇಟ್ಟಿದೆ. ನಗರದಲ್ಲಿ ಸಣ್ಣ ಗಾತ್ರದ ಕಲ್ಲಂಗಡಿ ಹಣ್ಣು ₹ 30ರಿಂದ 50ಕ್ಕೆ ಮಾರಾಟವಾಗುತ್ತಿವೆ.</p>.<p>ಬಿರು ಬಿಸಿಲಿನಿಂದ ರಕ್ಷಣೆ ಪಡೆಯಲು ಜನರು ಕಲ್ಲಂಗಡಿ ಮೋರೆ ಹೋಗುತ್ತಿದ್ದು, ಮಾರುಕಟ್ಟೆಗೆ ಹೆಚ್ಚಿನ ಪ್ರಮಾಣದಲ್ಲಿ ಹಣ್ಣು ಆವಕಗೊಳ್ಳದ ಕಾರಣ ಸದ್ಯ ಹೆಚ್ಚಿನ ದರಕ್ಕೆ ಮಾರಾಟವಾಗುತ್ತಿವೆ. ಮುಧೋಳ ಹಾಗೂ ವಿಜಯಪುರದಿಂದ ಕಲ್ಲಂಗಡಿ ಲೋಡ್ ಬರುತ್ತಿದೆ.</p>.<p>‘ಮಾರ್ಚ್ ಮಧ್ಯ ಭಾಗದಲ್ಲಿ ಕಲ್ಲಂಗಡಿ ಫಸಲು ಬರುವಂತೆ ರೈತರು ಬೀಜ ನಾಟಿ ಮಾಡಿದ್ದಾರೆ. ಇನ್ನೊಂದು ತಿಂಗಳಲ್ಲಿ ಸಾಕಷ್ಟು ಪ್ರಮಾಣದಲ್ಲಿ ಹಣ್ಣು ಆವಕವಾಗುತ್ತದೆ. ಆಗ ದರದಲ್ಲಿ ಇಳಿಕೆ ಕಾಣಲಿದೆ’ ಎನ್ನುತ್ತಾರೆ ಹಣ್ಣಿನ ವ್ಯಾಪಾರಿ ಮೊಹಮ್ಮದ್ ಕಲಾದಗಿ.</p>.<p><strong>ಉಳಿದ ಹಣ್ಣಿನ ದರ ಸ್ಥಿರ:</strong> ಬೇರೆ ಹಲವು ಹಣ್ಣುಗಳು ಕಳೆದ ವಾರದ ದರದಲ್ಲಿಯೇ ಈ ವಾರವೂ ಮಾರಾಟವಾಗುತ್ತಿವೆ. ಡಜನ್ ಬಾಳೆಹಣ್ಣು<br />₹ 40ರಿಂದ ₹ 50, ಅನಾನಸ್ ಗಾತ್ರಕ್ಕೆ ತಕ್ಕಂತೆ ₹ 70ರಿಂದ ₹120, ಉಳಿದಂತೆ ದಾಳಿಂಬೆ ₹ 50ಕ್ಕೆ 2ರಿಂದ 3, ಪೇರಲ ಹಣ್ಣು (ಸೀಬೆ) ₹ 50ಕ್ಕೆ 5ರಿಂದ 8,ಮೂಸಂಬಿ ಕೆ.ಜಿಗೆ ₹ 80ರಿಂದ ₹100 ಹಾಗೂ ಸೇಬು ಕೆ.ಜಿಗೆ ₹ 50ರಿಂದ ₹ 250 ಇದೆ.</p>.<p><strong>ಚೌಳಿಕಾಯಿ ದರ ಏರಿಕೆ:</strong> ಬೇಸಿಗೆ ಸಂದರ್ಭದಲ್ಲಿ ಚೌಳಿಕಾಯಿ ಒಣಗಿ ಕಪ್ಪು ಬಣ್ಣಕ್ಕೆ ತಿರುಗುತ್ತದೆ. ಹೀಗಾಗಿ ಈ ಅವಧಿಯಲ್ಲಿ ನಾಟಿ ಕಡಿಮೆ. ಸದ್ಯ ಮಾರುಕಟ್ಟೆಗೆ ಆವಕ ಕಡಿಮೆಯಾಗಿದೆ. ಇದರಿಂದ ದರದಲ್ಲಿ ಏರಿಕೆ ಕಂಡಿದ್ದು, ಕೆ.ಜಿಗೆ ₹ 40ರಿಂದ 60ಕ್ಕೆ ಮಾರಾಟವಾಗುತ್ತಿದೆ.</p>.<p><strong>ತರಕಾರಿ ದರದಲ್ಲಿ ಇಳಿಕೆ:</strong> ಇಲ್ಲಿನ ತರಕಾರಿಗೆ ಬೇಡಿಕೆ ಕಡಿಮೆಯಾಗಿದ್ದು, ಬೆಲೆಯಲ್ಲಿಯೂ ಕುಸಿತ ಕಂಡಿದೆ. ದಪ್ಪ ಮೆಣಸಿನಕಾಯಿ, ಸೌತೆಕಾಯಿ, ಬೀನ್ಸ್, ಹಸಿ ಮೆಣಸಿನಕಾಯಿ, ಗಜ್ಜರಿ ಕೆ.ಜಿಗೆ ₹ 30ರಂತೆ ಮಾರಾಟವಾಗುತ್ತಿವೆ. ಈರುಳ್ಳಿ ಕೆ.ಜಿಗೆ ₹40, ಬದನೆಕಾಯಿ ₹ 30ರಿಂದ 40, ಬೆಂಡೆಕಾಯಿ ಕೆ.ಜಿಗೆ ₹ 40ರಂತೆ ಮಾರಾಟವಾದರೆ, ಎಲೆಕೋಸು ಗಾತ್ರಕ್ಕೆ ತಕ್ಕಂತೆ ₹10ರಿಂದ 15ಕ್ಕೆ ಮಾರಾಟವಾಗುತ್ತಿದೆ.</p>.<p><strong>ಕೊತ್ತಂಬರಿ ಕಂತೆಗೆ ₹ 10</strong><br />ಮಾರುಕಟ್ಟೆಗೆ ಕೊತ್ತಂಬರಿ ಆವಕ ಕಡಿಮೆಯಾಗಿದೆ. ಹೀಗಾಗಿ ದರ ಏರಿಕೆಯಾಗಿದೆ. ಮಧ್ಯಮ ಗಾತ್ರದ ಒಂದು ಕಂತೆಗೆ ₹10ರಂತೆ ಮಾರಾಟವಾಗುತ್ತಿದೆ. ಇನ್ನು ಮೆಂತೆ ಪಲ್ಲೆ ಕಂತೆಗೆ ₹10ರಂತೆ ಮಾರಾಟವಾದರೆ, ಪಾಲಕ್ ಹಾಗೂ ಕೆಂಪು ಪಲ್ಲೆ ಕಂತೆಗೆ ₹5 ಇತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬಾಗಲಕೋಟೆ:</strong> ಬೇಸಿಗೆಯ ಹಾದಿಗೆ ಈಗಾಗಲೇ ಕಲ್ಲಂಗಡಿ ಮುನ್ನುಡಿ ಬರೆದಿದೆ. ದಾಹ ತಣಿಸುವ ಈ ದೈತ್ಯದೇಹಿ ಮಾರುಕಟ್ಟೆಗೆ ಲಗ್ಗೆ ಇಟ್ಟಿದೆ. ನಗರದಲ್ಲಿ ಸಣ್ಣ ಗಾತ್ರದ ಕಲ್ಲಂಗಡಿ ಹಣ್ಣು ₹ 30ರಿಂದ 50ಕ್ಕೆ ಮಾರಾಟವಾಗುತ್ತಿವೆ.</p>.<p>ಬಿರು ಬಿಸಿಲಿನಿಂದ ರಕ್ಷಣೆ ಪಡೆಯಲು ಜನರು ಕಲ್ಲಂಗಡಿ ಮೋರೆ ಹೋಗುತ್ತಿದ್ದು, ಮಾರುಕಟ್ಟೆಗೆ ಹೆಚ್ಚಿನ ಪ್ರಮಾಣದಲ್ಲಿ ಹಣ್ಣು ಆವಕಗೊಳ್ಳದ ಕಾರಣ ಸದ್ಯ ಹೆಚ್ಚಿನ ದರಕ್ಕೆ ಮಾರಾಟವಾಗುತ್ತಿವೆ. ಮುಧೋಳ ಹಾಗೂ ವಿಜಯಪುರದಿಂದ ಕಲ್ಲಂಗಡಿ ಲೋಡ್ ಬರುತ್ತಿದೆ.</p>.<p>‘ಮಾರ್ಚ್ ಮಧ್ಯ ಭಾಗದಲ್ಲಿ ಕಲ್ಲಂಗಡಿ ಫಸಲು ಬರುವಂತೆ ರೈತರು ಬೀಜ ನಾಟಿ ಮಾಡಿದ್ದಾರೆ. ಇನ್ನೊಂದು ತಿಂಗಳಲ್ಲಿ ಸಾಕಷ್ಟು ಪ್ರಮಾಣದಲ್ಲಿ ಹಣ್ಣು ಆವಕವಾಗುತ್ತದೆ. ಆಗ ದರದಲ್ಲಿ ಇಳಿಕೆ ಕಾಣಲಿದೆ’ ಎನ್ನುತ್ತಾರೆ ಹಣ್ಣಿನ ವ್ಯಾಪಾರಿ ಮೊಹಮ್ಮದ್ ಕಲಾದಗಿ.</p>.<p><strong>ಉಳಿದ ಹಣ್ಣಿನ ದರ ಸ್ಥಿರ:</strong> ಬೇರೆ ಹಲವು ಹಣ್ಣುಗಳು ಕಳೆದ ವಾರದ ದರದಲ್ಲಿಯೇ ಈ ವಾರವೂ ಮಾರಾಟವಾಗುತ್ತಿವೆ. ಡಜನ್ ಬಾಳೆಹಣ್ಣು<br />₹ 40ರಿಂದ ₹ 50, ಅನಾನಸ್ ಗಾತ್ರಕ್ಕೆ ತಕ್ಕಂತೆ ₹ 70ರಿಂದ ₹120, ಉಳಿದಂತೆ ದಾಳಿಂಬೆ ₹ 50ಕ್ಕೆ 2ರಿಂದ 3, ಪೇರಲ ಹಣ್ಣು (ಸೀಬೆ) ₹ 50ಕ್ಕೆ 5ರಿಂದ 8,ಮೂಸಂಬಿ ಕೆ.ಜಿಗೆ ₹ 80ರಿಂದ ₹100 ಹಾಗೂ ಸೇಬು ಕೆ.ಜಿಗೆ ₹ 50ರಿಂದ ₹ 250 ಇದೆ.</p>.<p><strong>ಚೌಳಿಕಾಯಿ ದರ ಏರಿಕೆ:</strong> ಬೇಸಿಗೆ ಸಂದರ್ಭದಲ್ಲಿ ಚೌಳಿಕಾಯಿ ಒಣಗಿ ಕಪ್ಪು ಬಣ್ಣಕ್ಕೆ ತಿರುಗುತ್ತದೆ. ಹೀಗಾಗಿ ಈ ಅವಧಿಯಲ್ಲಿ ನಾಟಿ ಕಡಿಮೆ. ಸದ್ಯ ಮಾರುಕಟ್ಟೆಗೆ ಆವಕ ಕಡಿಮೆಯಾಗಿದೆ. ಇದರಿಂದ ದರದಲ್ಲಿ ಏರಿಕೆ ಕಂಡಿದ್ದು, ಕೆ.ಜಿಗೆ ₹ 40ರಿಂದ 60ಕ್ಕೆ ಮಾರಾಟವಾಗುತ್ತಿದೆ.</p>.<p><strong>ತರಕಾರಿ ದರದಲ್ಲಿ ಇಳಿಕೆ:</strong> ಇಲ್ಲಿನ ತರಕಾರಿಗೆ ಬೇಡಿಕೆ ಕಡಿಮೆಯಾಗಿದ್ದು, ಬೆಲೆಯಲ್ಲಿಯೂ ಕುಸಿತ ಕಂಡಿದೆ. ದಪ್ಪ ಮೆಣಸಿನಕಾಯಿ, ಸೌತೆಕಾಯಿ, ಬೀನ್ಸ್, ಹಸಿ ಮೆಣಸಿನಕಾಯಿ, ಗಜ್ಜರಿ ಕೆ.ಜಿಗೆ ₹ 30ರಂತೆ ಮಾರಾಟವಾಗುತ್ತಿವೆ. ಈರುಳ್ಳಿ ಕೆ.ಜಿಗೆ ₹40, ಬದನೆಕಾಯಿ ₹ 30ರಿಂದ 40, ಬೆಂಡೆಕಾಯಿ ಕೆ.ಜಿಗೆ ₹ 40ರಂತೆ ಮಾರಾಟವಾದರೆ, ಎಲೆಕೋಸು ಗಾತ್ರಕ್ಕೆ ತಕ್ಕಂತೆ ₹10ರಿಂದ 15ಕ್ಕೆ ಮಾರಾಟವಾಗುತ್ತಿದೆ.</p>.<p><strong>ಕೊತ್ತಂಬರಿ ಕಂತೆಗೆ ₹ 10</strong><br />ಮಾರುಕಟ್ಟೆಗೆ ಕೊತ್ತಂಬರಿ ಆವಕ ಕಡಿಮೆಯಾಗಿದೆ. ಹೀಗಾಗಿ ದರ ಏರಿಕೆಯಾಗಿದೆ. ಮಧ್ಯಮ ಗಾತ್ರದ ಒಂದು ಕಂತೆಗೆ ₹10ರಂತೆ ಮಾರಾಟವಾಗುತ್ತಿದೆ. ಇನ್ನು ಮೆಂತೆ ಪಲ್ಲೆ ಕಂತೆಗೆ ₹10ರಂತೆ ಮಾರಾಟವಾದರೆ, ಪಾಲಕ್ ಹಾಗೂ ಕೆಂಪು ಪಲ್ಲೆ ಕಂತೆಗೆ ₹5 ಇತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
