<p><strong>ಚಪ್ಪರದಕಲ್ಲು (ದೇವನಹಳ್ಳಿ): </strong>ಜಿಲ್ಲಾಡಳಿತ ಭವನದ ಸುತ್ತ ಮುತ್ತ, ಸದ್ದಿಲ್ಲದೇ ಗಾಳಿಯ ವೇಗದೊಂದಿಗೆ ಸೂರ್.. ಸೂರ್... ಎಂದು ಸಾಗುವ ಮೋಟಾರ್ ಬೈಕ್ನ ಸವಾರರೊಬ್ಬರು ಸ್ಥಳೀಯರ ಗಮನ ಸೆಳೆದಿದ್ದಾರೆ.</p>.<p>ಇವರು ಮೋಟಾರ್ಗಳ ರಿಪೇರಿ ಮಾಡುವ ಮುದ್ದಣ್ಣ. ತಮ್ಮ ಮೋಟಾರ್ ಬೈಕ್ ಆವಿಷ್ಕಾರದಲ್ಲಿ ತೊಡಗಿರುವ ಇವರು, ತಮ್ಮ ಬೈಕ್ನ ಎಡ ಮತ್ತು ಬಲ ಭಾಗದಲ್ಲಿ ಫ್ಯಾನ್ಗಳನ್ನು ಹಾಕಿಕೊಂಡು, ಬೈಕ್ ಏರಿ ರಸ್ತೆಯಲ್ಲಿ ಕಾಣ ಸಿಗುತ್ತಾರೆ.</p>.<p>‘ಬೈಕ್ನಲ್ಲಿ ಸಾಗುವಾಗ ಗಾಳಿಯ ವಿರುದ್ಧವಾಗಿ ನುಗ್ಗಿಕೊಂಡು ಹೋಗುತ್ತೇವೆ. ಸಾಕಷ್ಟು ವಾಯು ಶಕ್ತಿ ವ್ಯರ್ಥವಾಗುತ್ತಿದೆ. ಅದನ್ನು ಉಪಯೋಗಿಸಿಕೊಂಡು ಮತ್ತಷ್ಟು ದೂರ ಸಾಗಬಹುದು, ಅದರ ಪ್ರಯೋಗದಲ್ಲಿ ನಾನಿದ್ದೇನೆ. ಭಾಗಶಃ ಯಶಸ್ಸನ್ನು ಕಂಡಿದ್ದೇನೆ’ ಎನ್ನುತ್ತಾರೆ ಆವಿಷ್ಕಾರಿ ಮುದ್ದಣ್ಣ.</p>.<p>‘ದಿನದಿಂದ ದಿನಕ್ಕೆ ಪೆಟ್ರೋಲ್ ಬೆಲೆ ಏರಿಕೆಯಾಗುತ್ತಿದೆ. ಇದರಿಂದ ಬೇಸತ್ತು ಕಡಿಮೆ ಇಂಧನ ಬಳಸಿ ಹೆಚ್ಚು ದೂರ ಸಾಗುವ ಬೈಕ್ ರೂಪಿಸಬೇಕೆಂದು, ನನಗೆ ತಿಳಿದಿರುವ ಮೋಟಾರ್ ರಿಪೇರಿಯ ತಂತ್ರಗಾರಿಕೆ ಬಳಿಸಿಕೊಂಡು ಬೈಕ್ಗಳಿಗೆ ಕೆಟ್ಟ ಮೋಟಾರ್ಗಳ ಫ್ಯಾನ್ ಅಳವಡಿಸಿದ್ದೇನೆ’ ಎಂದು ವಿವರಿಸುತ್ತಾರೆ.</p>.<p>‘ದೊಡ್ಡ ದೊಡ್ಡ ಬೆಟ್ಟಗಳ ಮೇಲೆ ಫ್ಯಾನ್ಗಳನ್ನು ಅಳವಡಿಸಿಕೊಂಡು ವಿದ್ಯುತ್ ಉತ್ಪತ್ತಿ ಮಾಡುವುದಾಗಿ, ಬೈಕ್ನಲ್ಲಿ ಯಾಕೆ ಅದು ಸಾಧ್ಯವಿಲ್ಲ ಎಂದು ನನಗೆ ಆಲೋಚನೆ ಬಂತು. ಸತತ ಪ್ರಯತ್ನಗಳಿಂದ ಅಲ್ಪಮಟ್ಟಿನಲ್ಲಿ ಇಂಧನ ಕ್ಷಮತೆ ಸಾಧಿಸಿದ್ದೇನೆ. ಅದರ ಪರೀಕ್ಷಾರ್ಥ ರಸ್ತೆಗಳಲ್ಲಿ ಬೈಕ್ ಸದ್ದಿಲ್ಲದೇ ಸಾಗುತ್ತದೆ’ ಎಂದರು.</p>.<p>‘ಮುಂದೊಂದು ದಿನ ಸಂಪೂರ್ಣ ವಾಯು ಶಕ್ತಿಯಿಂದಲೇ ಬೈಕ್ ಚಾಲನೆ ಮಾಡುವತ್ತಾ ಆವಿಷ್ಕಾರ ಸಾಗಿದೆ. ಪೆಟ್ರೋಲ್ನೊಂದಿಗೆ ಗಾಳಿಯ ಬಲದಿಂದ ಕಡಿಮೆ ಇಂಧನದಲ್ಲಿ ಹೆಚ್ಚು ದೂರ ಸಾಗುವ ಬೈಕ್ಗಳ ನಿರ್ಮಾಣವೇ ನನ್ನ ಗುರಿ’ ಎನ್ನುತ್ತಾರೆ ‘ಹಳ್ಳಿ ಎಂಜಿನಿಯರ್’ ಮುದ್ದಣ್ಣ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಚಪ್ಪರದಕಲ್ಲು (ದೇವನಹಳ್ಳಿ): </strong>ಜಿಲ್ಲಾಡಳಿತ ಭವನದ ಸುತ್ತ ಮುತ್ತ, ಸದ್ದಿಲ್ಲದೇ ಗಾಳಿಯ ವೇಗದೊಂದಿಗೆ ಸೂರ್.. ಸೂರ್... ಎಂದು ಸಾಗುವ ಮೋಟಾರ್ ಬೈಕ್ನ ಸವಾರರೊಬ್ಬರು ಸ್ಥಳೀಯರ ಗಮನ ಸೆಳೆದಿದ್ದಾರೆ.</p>.<p>ಇವರು ಮೋಟಾರ್ಗಳ ರಿಪೇರಿ ಮಾಡುವ ಮುದ್ದಣ್ಣ. ತಮ್ಮ ಮೋಟಾರ್ ಬೈಕ್ ಆವಿಷ್ಕಾರದಲ್ಲಿ ತೊಡಗಿರುವ ಇವರು, ತಮ್ಮ ಬೈಕ್ನ ಎಡ ಮತ್ತು ಬಲ ಭಾಗದಲ್ಲಿ ಫ್ಯಾನ್ಗಳನ್ನು ಹಾಕಿಕೊಂಡು, ಬೈಕ್ ಏರಿ ರಸ್ತೆಯಲ್ಲಿ ಕಾಣ ಸಿಗುತ್ತಾರೆ.</p>.<p>‘ಬೈಕ್ನಲ್ಲಿ ಸಾಗುವಾಗ ಗಾಳಿಯ ವಿರುದ್ಧವಾಗಿ ನುಗ್ಗಿಕೊಂಡು ಹೋಗುತ್ತೇವೆ. ಸಾಕಷ್ಟು ವಾಯು ಶಕ್ತಿ ವ್ಯರ್ಥವಾಗುತ್ತಿದೆ. ಅದನ್ನು ಉಪಯೋಗಿಸಿಕೊಂಡು ಮತ್ತಷ್ಟು ದೂರ ಸಾಗಬಹುದು, ಅದರ ಪ್ರಯೋಗದಲ್ಲಿ ನಾನಿದ್ದೇನೆ. ಭಾಗಶಃ ಯಶಸ್ಸನ್ನು ಕಂಡಿದ್ದೇನೆ’ ಎನ್ನುತ್ತಾರೆ ಆವಿಷ್ಕಾರಿ ಮುದ್ದಣ್ಣ.</p>.<p>‘ದಿನದಿಂದ ದಿನಕ್ಕೆ ಪೆಟ್ರೋಲ್ ಬೆಲೆ ಏರಿಕೆಯಾಗುತ್ತಿದೆ. ಇದರಿಂದ ಬೇಸತ್ತು ಕಡಿಮೆ ಇಂಧನ ಬಳಸಿ ಹೆಚ್ಚು ದೂರ ಸಾಗುವ ಬೈಕ್ ರೂಪಿಸಬೇಕೆಂದು, ನನಗೆ ತಿಳಿದಿರುವ ಮೋಟಾರ್ ರಿಪೇರಿಯ ತಂತ್ರಗಾರಿಕೆ ಬಳಿಸಿಕೊಂಡು ಬೈಕ್ಗಳಿಗೆ ಕೆಟ್ಟ ಮೋಟಾರ್ಗಳ ಫ್ಯಾನ್ ಅಳವಡಿಸಿದ್ದೇನೆ’ ಎಂದು ವಿವರಿಸುತ್ತಾರೆ.</p>.<p>‘ದೊಡ್ಡ ದೊಡ್ಡ ಬೆಟ್ಟಗಳ ಮೇಲೆ ಫ್ಯಾನ್ಗಳನ್ನು ಅಳವಡಿಸಿಕೊಂಡು ವಿದ್ಯುತ್ ಉತ್ಪತ್ತಿ ಮಾಡುವುದಾಗಿ, ಬೈಕ್ನಲ್ಲಿ ಯಾಕೆ ಅದು ಸಾಧ್ಯವಿಲ್ಲ ಎಂದು ನನಗೆ ಆಲೋಚನೆ ಬಂತು. ಸತತ ಪ್ರಯತ್ನಗಳಿಂದ ಅಲ್ಪಮಟ್ಟಿನಲ್ಲಿ ಇಂಧನ ಕ್ಷಮತೆ ಸಾಧಿಸಿದ್ದೇನೆ. ಅದರ ಪರೀಕ್ಷಾರ್ಥ ರಸ್ತೆಗಳಲ್ಲಿ ಬೈಕ್ ಸದ್ದಿಲ್ಲದೇ ಸಾಗುತ್ತದೆ’ ಎಂದರು.</p>.<p>‘ಮುಂದೊಂದು ದಿನ ಸಂಪೂರ್ಣ ವಾಯು ಶಕ್ತಿಯಿಂದಲೇ ಬೈಕ್ ಚಾಲನೆ ಮಾಡುವತ್ತಾ ಆವಿಷ್ಕಾರ ಸಾಗಿದೆ. ಪೆಟ್ರೋಲ್ನೊಂದಿಗೆ ಗಾಳಿಯ ಬಲದಿಂದ ಕಡಿಮೆ ಇಂಧನದಲ್ಲಿ ಹೆಚ್ಚು ದೂರ ಸಾಗುವ ಬೈಕ್ಗಳ ನಿರ್ಮಾಣವೇ ನನ್ನ ಗುರಿ’ ಎನ್ನುತ್ತಾರೆ ‘ಹಳ್ಳಿ ಎಂಜಿನಿಯರ್’ ಮುದ್ದಣ್ಣ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
