<p><strong>ದೊಡ್ಡಬಳ್ಳಾಪುರ: </strong>ಎಂಆರ್ಪಿಗಿಂತ ಹೆಚ್ಚು ಹಣ ಪಡೆದ ನಗರದ ವೈಭವ್ ಹಾಗೂ ಸೌಂದರ್ಯ ಮಹಲ್ ಚಿತ್ರಮಂದಿರಕ್ಕೆ ಬೆಂಗಳೂರು ಗ್ರಾಮಾಂತರ ಹಾಗೂ 1ನೇ ಹೆಚ್ಚುವರಿ ಜಿಲ್ಲಾ ಗ್ರಾಹಕ ವ್ಯಾಜ್ಯಗಳ ಪರಿಹಾರ ಆಯೋಗ ₹10 ಸಾವಿರ ದಂಡ ವಿಧಿಸಿದೆ.</p>.<p>ಚಿತ್ರಮಂದಿರದಲ್ಲಿ ನೀರಿನ ಬಾಟಲಿ ಮತ್ತು ಚಿಪ್ಸ್ ಖರೀದಿಸಿದ ಗ್ರಾಹಕನಿಗೆ ಎಂಆರ್ಪಿ ಗಿಂತಲು ₹40 ಶುಲ್ಕವನ್ನು ಪಡೆದಿದಕ್ಕೆ ಈ ದಂಡವನ್ನು ವಿಧಿಸಲಾಗಿದೆ.</p>.<p>ಆಯೋಗವು ಹೆಚ್ಚುವರಿಯಾಗಿ ಪಡೆದಿದ್ದ ₹40 ಮರುಪಾವತಿಸಿ, ಪರಿಹಾರವಾಗಿ ₹5,000 ಹಾಗೂ ಪ್ರಕರಣದ ಖರ್ಚು ₹5,000 ಫಿರ್ಯಾದುದಾರರಿಗೆ ನೀಡಲು ಅದೇಶಿಸಿದೆ. ಈ ಮೊತ್ತವನ್ನು ಎರಡು ತಿಂಗಳೊಳಗೆ ಪಾವತಿಸಬೇಕು. ವಿಫಲವಾದರೆ ವಾರ್ಷಿಕ ₹9 ಬಡ್ಡಿದರ ವಿಧಿಸಲಾಗುವುದು ಎಂದು ಹೇಳಿದೆ.</p>.<p>ನ್ಯಾ.ಬಿ.ನಾರಾಯಣಪ್ಪ ನೇತೃತ್ವದಲ್ಲಿ ನ್ಯಾ.ಜ್ಯೋತಿ ಹಾಗೂ ನ್ಯಾ.ಎಸ್.ಎಂ.ಶರಾವತಿ ಅವರನ್ನು ಒಳಗೊಂಡ ತ್ರಿಸದಸ್ಯ ಆಯೋಗವು ಈ ಆದೇಶ ಹೊರಡಿಸಿದೆ.</p>.<p>ದೊಡ್ಡಬಳ್ಳಾಪುರದ ಎನ್.ಪಿ.ಗಿರೀಶ್ ಮತ್ತು ಅವರ ಸ್ನೇಹಿತರು ಅಕ್ಟೋಬರ್ 2022 ರಲ್ಲಿ ವೈಭವ್ ಚಿತ್ರಮಂದಿರ ಹಾಗೂ ಸೌಂದರ್ಯ ಮಹಲ್ ಚಿತ್ರಮಂದಿರದಲ್ಲಿ ನೀರಿನ ಬಾಟಲಿ ಮತ್ತು ಚಿಪ್ಸ್ ಖರೀದಿಸಿದ್ದರು. ಪ್ರತಿ ಪದಾರ್ಥಕ್ಕೆ ಎಂಆರ್ಪಿಗಿಂತಲು ₹10 ಅಧಿಕ ಶುಲ್ಕದ ಪಡೆಯುತ್ತಿರುವ ಬಗ್ಗೆ ಆಡಳಿತ ಸುಧಾರಣೆಗಳು ಮತ್ತು ಸಾರ್ವಜನಿಕ ಕುಂದುಕೊರತೆಗಳ ಇಲಾಖೆಗೆ ದೂರು ನೀಡಿದ್ದರು.</p>.<p>ಯಾವುದೇ ಸಕಾರತ್ಮಕ ಉತ್ತರ ಬಾರದೆ ಇದ್ದುದರಿಂದ, ನವೆಂಬರ್ 2022ರಲ್ಲಿ ಕಾನೂನು ಮಾಪನಶಾಸ್ತ್ರ ಇಲಾಖೆಗೆ ದೂರು ನೀಡಿದ್ದರು. ಅದರಂತೆ ಜನವರಿ 2023ರಲ್ಲಿ ಕಾನೂನು ಮಾಪನಶಾಸ್ತ್ರ ಇಲಾಖೆಯ ಅಧಿಕಾರಿಗಳು ಚಿತ್ರಮಂದಿರಗಳಿಗೆ ಅನಿರೀಕ್ಷಿತ ಭೇಟಿ ನೀಡಿ ಒಟ್ಟಾರೆ ₹20,000 ದಂಡ ವಿಧಿಸಿದ್ದರು.</p>.<p>ಇಷ್ಟಾದರೂ ಚಿತ್ರಮಂದಿರಗಳಲ್ಲಿ ಪ್ರತಿ ಪದಾರ್ಥಕ್ಕೆ ಎಂಆರ್ಪಿಗಿಂತ ₹10 ಅಧಿಕ ಶುಲ್ಕವನ್ನು ಗ್ರಾಹಕರಿಂದ ಪಡೆಯುವುದನ್ನು ಮುಂದುವರಿಸಿದ್ದರು. ಇದನ್ನು ಪ್ರಶ್ನಿಸಿ ಆಗಸ್ಟ್ 2023 ರಂದು ಆಯೋಗದಲ್ಲಿ ಪ್ರಕರಣ ದಾಖಲಿಸಿದ್ದರು. ಆರು ತಿಂಗಳಲ್ಲಿ ಪ್ರಕರಣ ಇತ್ಯರ್ಥಗೊಳಿಸಲಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ದೊಡ್ಡಬಳ್ಳಾಪುರ: </strong>ಎಂಆರ್ಪಿಗಿಂತ ಹೆಚ್ಚು ಹಣ ಪಡೆದ ನಗರದ ವೈಭವ್ ಹಾಗೂ ಸೌಂದರ್ಯ ಮಹಲ್ ಚಿತ್ರಮಂದಿರಕ್ಕೆ ಬೆಂಗಳೂರು ಗ್ರಾಮಾಂತರ ಹಾಗೂ 1ನೇ ಹೆಚ್ಚುವರಿ ಜಿಲ್ಲಾ ಗ್ರಾಹಕ ವ್ಯಾಜ್ಯಗಳ ಪರಿಹಾರ ಆಯೋಗ ₹10 ಸಾವಿರ ದಂಡ ವಿಧಿಸಿದೆ.</p>.<p>ಚಿತ್ರಮಂದಿರದಲ್ಲಿ ನೀರಿನ ಬಾಟಲಿ ಮತ್ತು ಚಿಪ್ಸ್ ಖರೀದಿಸಿದ ಗ್ರಾಹಕನಿಗೆ ಎಂಆರ್ಪಿ ಗಿಂತಲು ₹40 ಶುಲ್ಕವನ್ನು ಪಡೆದಿದಕ್ಕೆ ಈ ದಂಡವನ್ನು ವಿಧಿಸಲಾಗಿದೆ.</p>.<p>ಆಯೋಗವು ಹೆಚ್ಚುವರಿಯಾಗಿ ಪಡೆದಿದ್ದ ₹40 ಮರುಪಾವತಿಸಿ, ಪರಿಹಾರವಾಗಿ ₹5,000 ಹಾಗೂ ಪ್ರಕರಣದ ಖರ್ಚು ₹5,000 ಫಿರ್ಯಾದುದಾರರಿಗೆ ನೀಡಲು ಅದೇಶಿಸಿದೆ. ಈ ಮೊತ್ತವನ್ನು ಎರಡು ತಿಂಗಳೊಳಗೆ ಪಾವತಿಸಬೇಕು. ವಿಫಲವಾದರೆ ವಾರ್ಷಿಕ ₹9 ಬಡ್ಡಿದರ ವಿಧಿಸಲಾಗುವುದು ಎಂದು ಹೇಳಿದೆ.</p>.<p>ನ್ಯಾ.ಬಿ.ನಾರಾಯಣಪ್ಪ ನೇತೃತ್ವದಲ್ಲಿ ನ್ಯಾ.ಜ್ಯೋತಿ ಹಾಗೂ ನ್ಯಾ.ಎಸ್.ಎಂ.ಶರಾವತಿ ಅವರನ್ನು ಒಳಗೊಂಡ ತ್ರಿಸದಸ್ಯ ಆಯೋಗವು ಈ ಆದೇಶ ಹೊರಡಿಸಿದೆ.</p>.<p>ದೊಡ್ಡಬಳ್ಳಾಪುರದ ಎನ್.ಪಿ.ಗಿರೀಶ್ ಮತ್ತು ಅವರ ಸ್ನೇಹಿತರು ಅಕ್ಟೋಬರ್ 2022 ರಲ್ಲಿ ವೈಭವ್ ಚಿತ್ರಮಂದಿರ ಹಾಗೂ ಸೌಂದರ್ಯ ಮಹಲ್ ಚಿತ್ರಮಂದಿರದಲ್ಲಿ ನೀರಿನ ಬಾಟಲಿ ಮತ್ತು ಚಿಪ್ಸ್ ಖರೀದಿಸಿದ್ದರು. ಪ್ರತಿ ಪದಾರ್ಥಕ್ಕೆ ಎಂಆರ್ಪಿಗಿಂತಲು ₹10 ಅಧಿಕ ಶುಲ್ಕದ ಪಡೆಯುತ್ತಿರುವ ಬಗ್ಗೆ ಆಡಳಿತ ಸುಧಾರಣೆಗಳು ಮತ್ತು ಸಾರ್ವಜನಿಕ ಕುಂದುಕೊರತೆಗಳ ಇಲಾಖೆಗೆ ದೂರು ನೀಡಿದ್ದರು.</p>.<p>ಯಾವುದೇ ಸಕಾರತ್ಮಕ ಉತ್ತರ ಬಾರದೆ ಇದ್ದುದರಿಂದ, ನವೆಂಬರ್ 2022ರಲ್ಲಿ ಕಾನೂನು ಮಾಪನಶಾಸ್ತ್ರ ಇಲಾಖೆಗೆ ದೂರು ನೀಡಿದ್ದರು. ಅದರಂತೆ ಜನವರಿ 2023ರಲ್ಲಿ ಕಾನೂನು ಮಾಪನಶಾಸ್ತ್ರ ಇಲಾಖೆಯ ಅಧಿಕಾರಿಗಳು ಚಿತ್ರಮಂದಿರಗಳಿಗೆ ಅನಿರೀಕ್ಷಿತ ಭೇಟಿ ನೀಡಿ ಒಟ್ಟಾರೆ ₹20,000 ದಂಡ ವಿಧಿಸಿದ್ದರು.</p>.<p>ಇಷ್ಟಾದರೂ ಚಿತ್ರಮಂದಿರಗಳಲ್ಲಿ ಪ್ರತಿ ಪದಾರ್ಥಕ್ಕೆ ಎಂಆರ್ಪಿಗಿಂತ ₹10 ಅಧಿಕ ಶುಲ್ಕವನ್ನು ಗ್ರಾಹಕರಿಂದ ಪಡೆಯುವುದನ್ನು ಮುಂದುವರಿಸಿದ್ದರು. ಇದನ್ನು ಪ್ರಶ್ನಿಸಿ ಆಗಸ್ಟ್ 2023 ರಂದು ಆಯೋಗದಲ್ಲಿ ಪ್ರಕರಣ ದಾಖಲಿಸಿದ್ದರು. ಆರು ತಿಂಗಳಲ್ಲಿ ಪ್ರಕರಣ ಇತ್ಯರ್ಥಗೊಳಿಸಲಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
