ಚಿರತೆ ಸೆರೆ ಕಾರ್ಯಾಚರಣೆ: ತಡರಾತ್ರಿ ಬೆಳಗಾವಿಗೆ ಬಂದ ಅರ್ಜುನ, ಆಲಿ ಆನೆಗಳು

ಬೆಳಗಾವಿ : ಇಲ್ಲಿನ ಗಾಲ್ಫ್ ಮೈದಾನದಲ್ಲಿ ಅವಿತ ಚಿರತೆ ಸೆರೆ ಹಿಡಿಯಲು ಕರೆಸಲಾದ ಎರಡು ಆನೆಗಳು ಮಂಗಳವಾರ ತಡರಾತ್ರಿ 2.30ಕ್ಕ ಬೆಳಗಾವಿ ನಗರ ತಲುಪಿವೆ.

. ಮಂಗಳವಾರ ಬೆಳಿಗ್ಗೆ ಶಿವಮೊಗ್ಗ ಜಿಲ್ಲೆಯ ಸಕ್ರೆಬೈಲ್ ಶಿಬಿರದಿಂದ ಹೊರಟ ಅರ್ಜುನ (20) ಹಾಗೂ ಆಲಿ (14) ಎಂಬ ಆನೆಗಳು ನಗರ ತಲುಪುವುದು ತಡವಾಯಿತು. ಹೀಗಾಗಿ ಬೆಳಿಗ್ಗೆವರೆಗೆ ವಿಶ್ರಾಂತಿ ನೀಡಿ ನಂತರ ಕಾರ್ಯಾಚರಣೆ ನಡೆಸಲು ಅರಣ್ಯ ಇಲಾಖೆ ಅಧಿಕಾರಿಗಳು ಸಿದ್ಧತೆ ಮಾಡಿಕೊಂಡಿದ್ದಾರೆ.

. ಚಿರತೆ ಓಡಾಡಿದ ಇಲ್ಲಿನ ಗಾಲ್ಫ್ ಮೈದಾನದ ಆವರಣದಲ್ಲೇ ಎರಡೂ ಆನೆಗಳನ್ನು ಕಟ್ಟಲಾಗಿದೆ. ಅವುಗಳೊಂದಿಗೆ ತಲಾ ಒಬ್ಬ ಮಾವುತ, ಕಾವಾಡಿಗ, ಒಬ್ಬ ಅರಿವಳಿಕೆ ತಜ್ಞ ಸೇರಿ 8 ಪರಿಣತರು ಬಂದಿದ್ದಾರೆ. ಇವರೊಂದಿಗೆ ಸ್ಥಳೀಯವಾಗಿ ಆರು ಅರಿವಳಿಕೆ ತಜ್ಞರನ್ನೂ ನಿಯೋಜಿಸಲಾಗಿದೆ. ಒಟ್ಟು 70 ಸಿಬ್ಬಂದಿ ಕಾರ್ಯಾಚರಣೆಗೆ ಅಣಿಯಾಗಿದ್ದು, ಇವರಲ್ಲಿ 10 ಜನ ಮಾತ್ರ ಆನೆಗಳ ಜತೆ ತೆರಳಲಿದ್ದಾರೆ.

. ಆ.5ರಿಂದ ನಗರದ ಜನವಸತಿ ಪ್ರದೇಶದಲ್ಲಿಯೇ ಠಾಕಾಣೆ ಹೂಡಿರುವ ಚಿರತೆ ಸೆರೆಗೆ, 20 ದಿನಗಳ ನಂತರ ಅರಣ್ಯಾಧಿಕಾರಿಗಳು ಆನೆ ಕಾರ್ಯಾಚರಣೆಗೆ ಮುಂದಾಗಿದ್ದಾರೆ.

. ಈ ಎರಡೂ ಆನೆಗಳು ಪುಂಡಾನೆಗಳನ್ನು ಸೆರೆಹಿಡಿಯುವಲ್ಲಿ ಅತ್ಯಂತ ನೈಪುಣ್ಯ ಹೊಂದಿವೆ. ಆದರೆ ಚಿರತೆ ಕಾರ್ಯಾಚರಣೆ ಆನೆಗಳಿಗೂ ಇದೇ ಮೊದಲ ಅನುಭವ ಎಂದು ಸಕ್ರೆಬೈಲ್ ಆನೆ ತರಬೇತಿ ಶಿಬಿರದ ಮೂಲಗಳು ತಿಳಿಸಿವೆ.

. ಮೇಲಾಗಿ, ಇದೇ ಮೊದಲಬಾರಿಗೆ ಬೆಳಗಾವಿ ಜನ ಇಂಥ ಕಾರ್ಯಾಚರಣೆ ನೋಡಲಿದ್ದಾರೆ. ಕರೆಯದೇ ಬಂದ ಕಾಡಿನ ಅತಿಥಿಯನ್ನು ಸುರಕ್ಷಿತವಾಗಿ ಮರಳಿ ಕಾಡಿಗೆ ಕಳುಹಿಸುವ ಈ ಕಸರತ್ತುಗಳು ಜನರಲ್ಲಿ ಇನ್ನಿಲ್ಲದ ಕೌತುಕ ಮೂಡಿಸಿವೆ.

. ಆನೆಗಳು ನಗರ ಬಂದು ತಲುಪಿದ ಸುದ್ದಿ ತಿಳಿದು ಅಪಾರ ಜನ ಅವುಗಳನ್ನು ನೋಡಲು, ಫೋಟೊ ಕ್ಲಿಕ್ಕಿಸಲು ಬಂದರು. ಮುಂಜಾಗ್ರತಾ ಕ್ರಮವಾಗಿ ಅರಣ್ಯ ಹಾಗೂ ಪೊಲೀಸ್ ಸಿಬ್ಬಂದಿ ದೂರದಲ್ಲೇ ಜನರಿಗೆ ತಡೆಯೊಡ್ಡಿದರು.

. 10 ಸೆಕೆಂಡ್ ಸಾಕು: ಮನುಷ್ಯರು ಹೋಗಲಾಗದಂಥ ಅರಣ್ಯ ಸ್ಥಳಕ್ಕೆ ಆನೆಗಳು ಸುಲಭವಾಗಿ ಹೋಗಲಿವೆ. ಅವುಗಳ ಮೇಲೆ ಒಬ್ಬ ಮಾವುತ, ಅರಿವಳಿಕೆ ಶೂಟ್ ಮಾಡುವ ಒಬ್ಬ ಶಾರ್ಪ್ ಶೂಟರ್ ಸಿಬ್ಬಂದಿ ಇರುತ್ತಾರೆ.

. ಚಿರತೆ 10ರಿಂದ 15 ಸೆಕೆಂಡ್ ಕಣ್ಣಿಗೆ ಬಿದ್ದರೂ ಸಾಕು ಅರಿವಳಿಕೆ ಚುಚ್ಚುಮದ್ದನ್ನು ಯಶಸ್ವಿಯಾಗಿ ಶೂಟ್ ಮಾಡಬಲ್ಲ ಎಂದು ಸಿಬ್ಬಂದಿ ನಾಗೇಶ ತಿಳಿಸಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಚಿರತೆ ಸೆರೆ ಕಾರ್ಯಾಚರಣೆ: ತಡರಾತ್ರಿ ಬೆಳಗಾವಿಗೆ ಬಂದ ಅರ್ಜುನ, ಆಲಿ ಆನೆಗಳು

ಚಿನಕುರುಳಿ | ಮಂಗಳವಾರ, 15 ಜುಲೈ 2025

ಚುರುಮುರಿ | ಶಕ್ತಿ ಪ್ರದರ್ಶನ

ದಿನ ಭವಿಷ್ಯ | ಹಣಕಾಸಿನ ವಿಚಾರದಲ್ಲಿ ಪರಿಶ್ರಮಕ್ಕೆ ತಕ್ಕ ಫಲ ದೊರೆಯುವುದು

ದೇವನಹಳ್ಳಿ ಭೂಸ್ವಾಧೀನ ರದ್ದು: ಮುಖ್ಯಮಂತ್ರಿ ಸಿದ್ದರಾಮಯ್ಯ

WI vs AUS: ಸ್ಟಾರ್ಕ್ ಬಿರುಗಾಳಿಗೆ ವಿಂಡೀಸ್ ಧೂಳಿಪಟ; 27 ರನ್ನಿಗೆ ಆಲೌಟ್

ಐಸಿಸಿ ರ್‍ಯಾಂಕಿಂಗ್‌: ಅಗ್ರ ಹತ್ತರಲ್ಲಿ ಶಫಾಲಿ ವರ್ಮಾ

ಈಕ್ವೆಸ್ಟ್ರಿಯನ್: ಶುಭ್ ಚೌಧರಿಗೆ ಮೂರು ಪದಕ

ಇಂಗ್ಲೆಂಡ್‌ ತಂಡಕ್ಕೆ ಮರಳಿದ ಎಡಗೈ ಸ್ಪಿನ್ನರ್‌ ಲಿಯಾಮ್‌ ಡಾಸನ್‌

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಚಿನಕುರುಳಿ | ಮಂಗಳವಾರ, 15 ಜುಲೈ 2025

ಚುರುಮುರಿ | ಶಕ್ತಿ ಪ್ರದರ್ಶನ

ದಿನ ಭವಿಷ್ಯ | ಹಣಕಾಸಿನ ವಿಚಾರದಲ್ಲಿ ಪರಿಶ್ರಮಕ್ಕೆ ತಕ್ಕ ಫಲ ದೊರೆಯುವುದು

ದೇವನಹಳ್ಳಿ ಭೂಸ್ವಾಧೀನ ರದ್ದು: ಮುಖ್ಯಮಂತ್ರಿ ಸಿದ್ದರಾಮಯ್ಯ