ಬೆಳಗಾವಿ: ಕೋವಿಡ್‌–19 ಸೋಂಕಿತರಾದ ಜಿಲ್ಲೆಯ ಮೂರು ಜನರು ಶನಿವಾರ ಮೃತರಾದರು. ಇದರೊಂದಿಗೆ ಇದುವರೆಗೆ ಮೃತರಾದವರ ಸಂಖ್ಯೆ 24ಕ್ಕೆ ತಲುಪಿದೆ. ಹೊಸದಾಗಿ 137 ಜನರಲ್ಲಿ ಸೋಂಕು ಕಾಣಿಸಿಕೊಂಡಿದ್ದು, ಸೋಂಕಿತರ ಸಂಖ್ಯೆ 932ಕ್ಕೆ ತಲುಪಿದೆ.
ಬೆಳಗಾವಿ ನಗರದ 53 ವರ್ಷದ ಪುರುಷ (ರೋಗಿಯ ಸಂಖ್ಯೆ– 47453), ಅಥಣಿಯ 70 ವರ್ಷದ ವೃದ್ಧ (ರೋಗಿಯ ಸಂಖ್ಯೆ 48990) ಹಾಗೂ 62 ವರ್ಷದ ವೃದ್ಧೆ ಮೃತರಾಗಿದ್ದಾರೆ.
ಬೆಳಗಾವಿ, ಗೋಕಾಕ, ಅಥಣಿ, ಚಿಕ್ಕೋಡಿ, ರಾಯಬಾಗ, ಸಂಕೇಶ್ವರ, ನಿಪ್ಪಾಣಿ, ಬೈಲಹೊಂಗಲ ಹಾಗೂ ಕುಡಚಿ ಪಟ್ಟಣದ ಒಟ್ಟು 137 ಜನರಿಗೆ ಹೊಸದಾಗಿ ಸೋಂಕು ಕಾಣಿಸಿಕೊಂಡಿದೆ. ಅವರನ್ನು ಚಿಕಿತ್ಸೆಗಾಗಿ ಕೋವಿಡ್‌ ಆಸ್ಪತ್ರೆಗೆ ದಾಖಲಿಸಲಾಗಿದೆ.
