ಬೆಳಗಾವಿ: ನಗರವೂ ಸೇರಿದಂತೆ ಜಿಲ್ಲೆಯ ಬಹುಪಾಲು ಕಡೆಗಳಲ್ಲಿ ಬುಧವಾರ ನಸುಕಿನಿಂದ ತುಂತುರು ಮಳೆ ಸುರಿಯಲು ಆರಂಭಿಸಿದೆ.
ಇಲ್ಲಿನ ಸದಾಶಿವ ನಗರ, ನೆಹರೂ ನಗರ, ಇಂದಿರಾ ನಗರ, ಗಾಂಧಿ ನಗರ, ನ್ಯೂ ಗಾಂಧಿ ನಗರ, ಪಾಟೀಲ ಚಾಳ್, ಖಡೇಬಜಾರ್‌ ಪ್ರದೇಶ, ವಡಗಾವಿ, ತಿಳಕವಾಡಿ, ಶಹಾಪುರ, ಕಾಲೇಜ್‌ ರಸ್ತೆ, ಕೆಎಲ್‌ಇ ವಿಶ್ವವಿದ್ಯಾಲಯದ ಸುತ್ತಲಿನ ಪ್ರದೇಶದಲ್ಲಿ ಉತ್ತಮ ಮಳೆ ಸುರಿಯಿತು. ಈ ಪ್ರದೇಶದಲ್ಲಿ ಶಾಲೆ– ಕಾಲೇಜುಗಳ ಸಂಖ್ಯೆ ಹೆಚ್ಚಿರುವ ಕಾರಣ ಬೆಳಿಗ್ಗೆಯಿಂದಲೇ ವಿದ್ಯಾರ್ಥಿಗಳು ಕೊಡೆ ಆಸರೆ ಪಡೆದುಕೊಂಡರು.
ಬೆಳಗಾವಿ ತಾಲ್ಲೂಕು, ಖಾನಾಪುರ, ನಿಪ್ಪಾಣಿ, ಚಿಕ್ಕೋಡಿ, ಕಾಗವಾಡ, ಬೈಲಹೊಂಗಲ, ಸವದತ್ತಿ ತಾಲ್ಲೂಕಿನಲ್ಲಿಯೂ ಅಲ್ಲಲ್ಲಿ ಮಳೆ ಸುರಿದಿದೆ.
ಇಡೀ ಜಿಲ್ಲೆಯಲ್ಲಿ ದಟ್ಟ ಮೋಡ ಕವಿದ ವಾತಾವರಣವಿದ್ದು, ಬೆಳಿಗ್ಗೆ 10ರವರೆಗೂ ಸೂರ್ಯ ಕಿರಣಗಳು ಕಾಣಿಸಲಿಲ್ಲ.
