ಹಂದಿಗುಂದ(ಬೆಳಗಾವಿ ಜಿಲ್ಲೆ): ಪಾಲಬಾವಿಯ ದಿ.ಮಲಗೌಡ ನಾಯಿಕ(ಪಾಟೀಲ) ಸರ್ಕಾರಿ ಪ್ರೌಢಶಾಲೆಯ ಕೇಂದ್ರದಲ್ಲಿ ಸೋಮವಾರ ಇಬ್ಬರು ತಾಯಂದಿರು ಮತ್ತು ಅವರ ಮಕ್ಕಳು ಎಸ್ಸೆಸ್ಸೆಲ್ಸಿ ಪರೀಕ್ಷೆ ಬರೆದರು.
ಈ ಪ್ರೌಢಶಾಲೆಯಲ್ಲಿ ಎಸ್ಸೆಸ್ಸೆಲ್ಸಿ ಓದುತ್ತಿರುವ ಶ್ರೀಶೈಲ ಮೇತ್ರಿ ರೆಗ್ಯುಲರ್‌ ವಿದ್ಯಾರ್ಥಿಯಾಗಿ ಪರೀಕ್ಷೆ ಬರೆದರೆ, ಅವರ ತಾಯಿ, ಇದೇ ಪ್ರೌಢಶಾಲೆಯ ಬಿಸಿಯೂಟ ತಯಾರಿಕೆ ಸಹಾಯಕಿ ಶಶಿಕಲಾ ಪುನರಾವರ್ತಿತ ವಿದ್ಯಾರ್ಥಿಯಾಗಿ ಪರೀಕ್ಷೆಗೆ ಹಾಜರಾದರು.
ಮತ್ತೊಬ್ಬ ವಿದ್ಯಾರ್ಥಿ ಭರಮಲಿಂಗ ಮೇತ್ರಿ ರೆಗ್ಯುಲರ್‌ ಆಗಿ ಪರೀಕ್ಷೆ ಬರೆದರೆ, ಗೃಹಿಣಿಯಾದ ಅವರ ತಾಯಿ ಸುನಂದಾ ಪುನರಾವರ್ತಿತ ವಿದ್ಯಾರ್ಥಿಯಾಗಿ ಪರೀಕ್ಷೆಗೆ ಹಾಜರಾದರು.
Quote - ನನಗೀಗ 34 ವರ್ಷ ವಯಸ್ಸು. ಬಡತನದ ಕಾರಣಕ್ಕೆ ಬಾಲ್ಯದಲ್ಲಿ ಶಿಕ್ಷಣ ಪೂರ್ಣಗೊಳಿಸಲಾಗಲಿಲ್ಲ. ಈಗ ಉದ್ಯೋಗದ ನಿರೀಕ್ಷೆಯಿಂದ ಪರೀಕ್ಷೆಗೆ ಹಾಜರಾಗಿದ್ದೇನೆ –ಶಶಿಕಲಾ ಮೇತ್ರಿ ಎಸ್ಸೆಸ್ಸೆಲ್ಸಿ ಪರೀಕ್ಷೆ ಬರೆದವರು
