ಜಿಲ್ಲಾಧಿಕಾರಿ ಅಂಗಳದಲ್ಲಿ ಚೆಂಡು

7
ಹೊಸಪೇಟೆ–ಕೊಟ್ಟೂರು ನಡುವೆ ಪ್ರಯಾಣಿಕರ ರೈಲು; ಲೆವಲ್‌ ಕ್ರಾಸಿಂಗ್‌ ಕಾಮಗಾರಿಗೆ ಡಿ.ಸಿ. ಅನುಮತಿಯ ನಿರೀಕ್ಷೆ

ಜಿಲ್ಲಾಧಿಕಾರಿ ಅಂಗಳದಲ್ಲಿ ಚೆಂಡು

Published:
Updated:
Deccan Herald

ಹೊಸಪೇಟೆ: ‘ರೈಲು ಗೇಟುಗಳ ನಿರ್ಮಾಣ ಕಾಮಗಾರಿ ಪೂರ್ಣಗೊಂಡ ನಂತರ ಹೊಸಪೇಟೆ–ಕೊಟ್ಟೂರು ನಡುವೆ ಪ್ರಯಾಣಿಕರ ರೈಲು ಓಡಿಸಲಾಗುವುದು’ ಎಂದು ನೈರುತ್ಯ ರೈಲ್ವೆ ವಲಯದ ಪ್ರಧಾನ ವ್ಯವಸ್ಥಾಪಕ ಎ.ಕೆ. ಗುಪ್ತಾ ಭರವಸೆ ನೀಡಿದರು.

ನಗರದ ರೈಲು ನಿಲ್ದಾಣಕ್ಕೆ ಭಾನುವಾರ ಭೇಟಿ ನೀಡಿದ ಅವರಿಗೆ ವಿಜಯನಗರ ರೈಲ್ವೆ ಅಭಿವೃದ್ಧಿ ಕ್ರಿಯಾ ಸಮಿತಿ ಪದಾಧಿಕಾರಿಗಳು ಭೇಟಿ ಮಾಡಿ ಮನವಿ ಸಲ್ಲಿಸಿದ ನಂತರ ಅವರು ಮೇಲಿನಂತೆ ಭರವಸೆ ಕೊಟ್ಟರು.

‘ತಾಲ್ಲೂಕಿನ ವ್ಯಾಸನಕೆರೆ– ಕೊಟ್ಟೂರು ನಡುವೆ ಒಟ್ಟು 29 ರೈಲು ಗೇಟುಗಳಿವೆ. ಅವುಗಳ ಪೈಕಿ ಅತ್ಯಂತ ಕಡಿಮೆ ಬಳಕೆಯಲ್ಲಿ ಆರು ಲೆವಲ್‌ ಕ್ರಾಸಿಂಗ್‌ ಗೇಟ್‌ಗಳನ್ನು ಸಂಪೂರ್ಣವಾಗಿ ಬಂದ್‌ ಮಾಡಲಾಗುವುದು. 19 ಗೇಟ್‌ಗಳನ್ನು ಹತ್ತಿರದ ಗೇಟ್‌ಗಳೊಂದಿಗೆ ಸಂಪರ್ಕ ಕಲ್ಪಿಸಲಾಗುವುದು. ನಾಲ್ಕು ರೈಲು ಗೇಟುಗಳಿಗೆ ಸೀಮಿತ ಎತ್ತರದಲ್ಲಿ ಅಂಡರ್‌ ಪಾಸ್‌ ನಿರ್ಮಿಸಲಾಗುವುದು’ ಎಂದರು.

‘ರೈಲು ಗೇಟುಗಳ ಕಾಮಗಾರಿ ಆರಂಭಿಸಲು ಅನುಮತಿ ನೀಡುವಂತೆ ಜಿಲ್ಲಾಧಿಕಾರಿಗೆ ಜುಲೈನಲ್ಲೇ ಪ್ರಸ್ತಾವನೆ ಸಲ್ಲಿಸಲಾಗಿದೆ. ಅವರು ಅನುಮತಿ ನೀಡಿದ ನಂತರ ಕಾಮಗಾರಿ ಕೈಗೆತ್ತಿಕೊಳ್ಳಲಾಗುವುದು. ಬಳಿಕ ರೈಲ್ವೆ ಸುಕ್ಷತಾ ಆಯುಕ್ತರು ಮಾರ್ಗ ಪರಿಶೀಲಿಸಿ ಪ್ರಯಾಣಿಕರ ರೈಲು ಆರಂಭಕ್ಕೆ ಅನುಮತಿ ನೀಡುವರು. ಬಳಿಕ ರೈಲು ಆರಂಭದ ದಿನಾಂಕ ನಿಗದಿಪಡಿಸಲಾಗುವುದು’ ಎಂದು ಹೇಳಿದರು.

‘ರೈಲು ಕ್ರಾಸಿಂಗ್‌ಗಳಲ್ಲಿ ಅವಪಾಘಗಳು ಹೆಚ್ಚಾಗಿ ಜೀವ ಹಾನಿಯಾಗುತ್ತಿವೆ. ಅದನ್ನು ತಪ್ಪಿಸುವ ಉದ್ದೇಶದಿಂದ ರೈಲು ಗೇಟುಗಳ ಕಾಮಗಾರಿ ಪೂರ್ಣಗೊಂಡ ನಂತರವೇ ರೈಲು ಓಡಿಸಲು ತೀರ್ಮಾನಿಸಲಾಗಿದೆ. ಈಗಾಗಲೇ ಈ ಮಾರ್ಗದ ಮೇಲೆ ಕೆಲವು ಕಡೆ ಹಾದು ಹೋಗಿದ್ದ ಅಧಿಕ ಸಾಮರ್ಥ್ಯದ ವಿದ್ಯುತ್‌ ತಂತಿ ಮಾರ್ಗವನ್ನು ಎತ್ತರಕ್ಕೇರಿಸುವ ಕೆಲಸ ನಡೆದಿದ್ದು, ಅದು ತಿಂಗಳೊಳಗೆ ಪೂರ್ಣಗೊಳ್ಳಲಿದೆ’ ಎಂದರು.

ಸಮಿತಿ ಅಧ್ಯಕ್ಷ ವೈ. ಯಮುನೇಶ್‌, ಪ್ರಮುಖರಾದ ಎಂ. ಶಾಮಪ್ಪ ಅಗೋಲಿ, ಟಿ.ಆರ್‌. ತಿಪ್ಪೇಸ್ವಾಮಿ, ಅರವಿಂದ ಜಾಲಿ, ಕೌತಾಳ್‌ ವಿಶ್ವನಾಥ, ಶಿವಪುತ್ರಪ್ಪ ಇದ್ದರು.

Tags: 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !