ಹೊಸಪೇಟೆ: ನಗರದಲ್ಲಿ ಮತ್ತೆ ಆರು ಜನಕ್ಕೆ ಕೋವಿಡ್–19 ಇರುವುದು ಭಾನುವಾರ ಸಂಜೆ ದೃಢಪಟ್ಟಿದೆ.
ಇದರೊಂದಿಗೆ ಸಕ್ರಿಯ ಸೋಂಕಿತರ ಸಂಖ್ಯೆ 9ಕ್ಕೆ ಏರಿಕೆಯಾಗಿದೆ. ಒಟ್ಟು 23 ಜನ ಸೋಂಕಿತರಲ್ಲಿ ಈಗಾಗಲೇ 14 ಜನ ಚಿಕಿತ್ಸೆ ಪಡೆದು, ಗುಣಮುಖರಾಗಿ ಮನೆ ಸೇರಿದ್ದಾರೆ.
ಹೊಸದಾಗಿ ಸೋಂಕು ದೃಢಪಟ್ಟಿರುವವರಲ್ಲಿ ಇಬ್ಬರು ಗಂಡು, ನಾಲ್ವರು ಹೆಣ್ಣು ಮಕ್ಕಳು ಸೇರಿದ್ದಾರೆ. ಈ ಪೈಕಿ ರಾಣಿಪೇಟೆಯ 16 ವರ್ಷದ ಹುಡಗಿ ಚೆನ್ನೈನಿಂದ ಹಿಂತಿರುಗಿದ್ದಾರೆ. ಅವರಿಗೆ ಅಲ್ಲಿಯೇ ಸೋಂಕು ತಗುಲಿರುವ ಸಾಧ್ಯತೆ ಇದೆ ಎಂದು ಗೊತ್ತಾಗಿದೆ.
ಕಾರಿಗನೂರು, ಎಸ್.ಆರ್. ನಗರ, ದೇವಾಂಗಪೇಟೆ, ಎಂ.ಜೆ. ನಗರ ಹಾಗೂ ಗಾಂಧಿ ನಗರದ ತಲಾ ಒಬ್ಬರಿಗೆ ಸೋಂಕು ತಗುಲಿದೆ. ಯಾರ ಸಂಪರ್ಕದಿಂದ ಸೋಂಕು ಹರಡಿತು ಎನ್ನುವುದು ಇನ್ನಷ್ಟೇ ಗೊತ್ತಾಗಬೇಕಿದೆ. ಜತೆಗೆ ಇವರ ಸಂಪರ್ಕಕ್ಕೆ ಬಂದವರ ವಿವರ ಕಲೆ ಹಾಕಲಾಗುತ್ತಿದೆ.