ಬಳ್ಳಾರಿ: ಜಿಲ್ಲೆಯಲ್ಲಿ ಕೋವಿಡ್‌ನಿಂದ 274 ಜನ ಗುಣಮುಖ

ಹೊಸಪೇಟೆ: ಬಳ್ಳಾರಿ ಜಿಲ್ಲೆಯಲ್ಲಿ ಭಾನುವಾರ 274 ಜನ ಕೋವಿಡ್‌ನಿಂದ ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆ ಹೊಂದಿದ್ದಾರೆ.

ಇಡೀ ಜಿಲ್ಲೆಯಲ್ಲಿ ಭಾನುವಾರ 497 ಹೊಸ ಕೋವಿಡ್‌ ಪ್ರಕರಣಗಳು ವರದಿಯಾಗಿವೆ. ಈ ಪೈಕಿ ಬಳ್ಳಾರಿ ತಾಲ್ಲೂಕಿನಲ್ಲಿ ಅತಿ ಹೆಚ್ಚು 176, ಹೊಸಪೇಟೆಯಲ್ಲಿ 69, ಹೂವಿನಹಡಗಲಿಯಲ್ಲಿ 58, ಹಗರಿಬೊಮ್ಮನಹಳ್ಳಿಯಲ್ಲಿ 50, ಕೂಡ್ಲಿಗಿ ಹಾಗೂ ಸಿರುಗುಪ್ಪದಲ್ಲಿ ತಲಾ 39, ಹರಪನಹಳ್ಳಿಯಲ್ಲಿ 36, ಸಂಡೂರಿನ 29 ಜನರಲ್ಲಿ ಸೋಂಕಿರುವುದು ದೃಢಪಟ್ಟಿದೆ. ಮೂವರು ಸಾವನ್ನಪ್ಪಿದ್ದಾರೆ.

ಜಿಲ್ಲೆಯಲ್ಲಿ ಒಟ್ಟು ಸೋಂಕಿತರ ಸಂಖ್ಯೆ 20,998ಕ್ಕೆ ಏರಿದೆ. ಈ ಪೈಕಿ 15,802 ಜನ ಗುಣಮುಖರಾಗಿದ್ದಾರೆ. 255 ಜನ ಮೃತಪಟ್ಟಿದ್ದಾರೆ. ಸದ್ಯ 4,941 ಸಕ್ರಿಯ ಪ್ರಕರಣಗಳಿವೆ.