ಕಮಲಾಪುರ: ತಾಲ್ಲೂಕಿನ ಗಂಡೋರಿ ನಾಲಾ (ಬೆಳಕೋಟಾ) ಜಲಾಶಯದಿಂದ ಕಳೆದೆರಡು ದಿನಗಳಿಂದ ನೀರು ಹೊರ ಬಿಡಲಾಗುತ್ತಿದೆ ಎಂದು ಸಹಾಯಕ ಎಂಜಿನಿಯರ್‌ ಶ್ರೀಕಾಂತ ಹೊಂಡಾಳೆ ತಿಳಿಸಿದ್ದಾರೆ.
ಸೋಮವಾರ 6 ಗೇಟ್‌ಗಳ ಮೂಲಕ 2200 ಕ್ಯೂಸೆಕ್, ಮಂಗಳವಾರ 3 ಗೇಟ್‌ಗಳ ಮೂಲಕ 1100 ಕ್ಯೂಸೆಕ್ಸ ನೀರು ಹೊರಬಿಡಲಾಗಿದೆ.
ಗಂಡೋರಿ ನಾಲ ಅಚ್ಚುಕಟ್ಟು ಪ್ರದೇಶದಲ್ಲಿ ಮಳೆಯಾಗುತ್ತಿದ್ದು ಒಳ ಹರಿವು ಹೆಚ್ಚಾಗುವ ಸಾಧ್ಯತೆ ಇದೆ. ಸದ್ಯ 800 ಕ್ಯೂಸೆಕ್ ಒಳ ಹರಿವಿದೆ. 1.475 ಟಿಎಂಸಿ ನೀರು ಸಂಗ್ರಹಗೊಂಡಿದೆ. ಭರ್ತಿಯಾಗಲು 2.3 ಮೀಟರ್‌ ಬಾಕಿ ಇದೆ ಎಂದು ಅವರು ತಿಳಿಸಿದರು.
