23ರಿಂದ ಹಂಪಿ ಕನ್ನಡ ವಿ.ವಿ. ಪರೀಕ್ಷೆ
ಅಕ್ಷರ ಗಾತ್ರ :ಆ |ಆ |ಆ
ಹೊಸಪೇಟೆ: ಇಲ್ಲಿನ ಹಂಪಿ ಕನ್ನಡ ವಿಶ್ವವಿದ್ಯಾಲಯದ ವಿವಿಧ ಕೋರ್ಸ್‌ಗಳ ಪರೀಕ್ಷೆ ಮೇ 23ರಿಂದ ನಡೆಯಲಿವೆ.
ಮೇ 13ರಿಂದ ಪರೀಕ್ಷೆಗಳು ನಡೆಯಬೇಕಿತ್ತು. ವಿಷಾಹಾರ ಸೇವನೆಯಿಂದ ವಿ.ವಿ. ವಿದ್ಯಾರ್ಥಿ ನಿಲಯದ 40 ವಿದ್ಯಾರ್ಥಿನಿಯರು ಇತ್ತೀಚೆಗೆ ಅಸ್ವಸ್ಥರಾಗಿ ಆಸ್ಪತ್ರೆಗೆ ದಾಖಲಾಗಿದ್ದರು. ಈಗಷ್ಟೇ ಅವರು ಚೇತರಿಸಿಕೊಳ್ಳುತ್ತಿದ್ದಾರೆ. ಹೀಗಾಗಿ ಪರೀಕ್ಷೆ ಮುಂದೂಡಲಾಗಿದೆ.
‘ಎಂ.ಎ., ಪಿಎಚ್‌.ಡಿ., ಇತಿಹಾಸ ಮತ್ತು ಪುರಾತತ್ವ, ಸಮಾಜಶಾಸ್ತ್ರ, ಗ್ರಾಮೀಣ ಅಭಿವೃದ್ಧಿ ಎರಡು ಮತ್ತು ನಾಲ್ಕನೇ ಸೆಮಿಸ್ಟರ್‌ ಪರೀಕ್ಷೆಗಳು ಮೇ 23ರಿಂದ 30ರ ವರೆಗೆ ಜರುಗಲಿವೆ. ಎಂ.ಎ. ಪತ್ರಿಕೋದ್ಯಮ ಎರಡು ಮತ್ತು ನಾಲ್ಕನೇ ಸೆಮಿಸ್ಟರ್‌ ಪರೀಕ್ಷೆ ಮೇ 23ರಿಂದ 29ರ ವರೆಗೆ ನಡೆಯಲಿವೆ. ಎಂ. ಮ್ಯೂಸಿಕ್‌ ಎರಡು ಮತ್ತು ನಾಲ್ಕನೇ ಸೆಮಿಸ್ಟರ್‌ ಪರೀಕ್ಷೆ ಮೇ 23ರಿಂದ ಜೂ. 10ರ ವರೆಗೆ, ಎಂ.ವಿ.ಎ ಎರಡು ಮತ್ತು ನಾಲ್ಕನೇ ಸೆಮಿಸ್ಟರ್‌ ಮೇ 23ರಿಂದ ಜೂ. 15ರ ವರೆಗೆ, ಬಿ. ಮ್ಯೂಸಿಕ್‌ ಎರಡು ಮತ್ತು ಮೂರನೇ ಸೆಮಿಸ್ಟರ್‌ ವಾರ್ಷಿಕ ಪರೀಕ್ಷೆ ಮೇ 23ರಿಂದ 30ರ ವರೆಗೆ, ಎಂ.ಫಿಲ್‌ ಮೇ 23ರಿಂದ 27ರ ವರೆಗೆ ನಡೆಯಲಿವೆ’ ಎಂದು ಕುಲಸಚಿವ ಅಶೋಕಕುಮಾರ ರಂಜೇರೆ ತಿಳಿಸಿದ್ದಾರೆ.
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
