12 ನೇ ತರಗತಿ ಪರೀಕ್ಷೆ: ಪರ್ಯಾಯ ವ್ಯವಸ್ಥೆಗೆ ಚಿಂತನೆ

ಪ್ರಮುಖ ವಿಷಯಗಳಿಗೆ ಕಡಿಮೆ ಅವಧಿಯ ಪರೀಕ್ಷೆಗಳನ್ನು ಆಗಸ್ಟ್‌ನಲ್ಲಿ ನಡೆಸುವ ಸಿಬಿಎಸ್‌ಇ ಪ್ರಸ್ತಾವವನ್ನು ಬಹುಪಾಲು ರಾಜ್ಯಗಳು ಬೆಂಬಲಿಸಿದರೂ ಕೋವಿಡ್‌ ಪರಿಸ್ಥಿತಿ ಇನ್ನೂ ಮುಂದುವರಿದ ಕಾರಣ ಪರೀಕ್ಷೆಗಳನ್ನು ರದ್ದುಗೊಳಿಸುವುದು ಮತ್ತು ಹಿಂದಿನ ಪರೀಕ್ಷೆಗಳ ಆಧಾರದ ಮೇಲೆ ವಿದ್ಯಾರ್ಥಿಗಳ ಸಾಮರ್ಥ್ಯವನ್ನು ಗುರುತಿಸುವ ಆಯ್ಕೆಗಳ ಬಗ್ಗೆಯೂ ಚಿಂತನೆ ನಡೆದಿದೆ ಎಂದೂ ತಿಳಿಸಿವೆ.

12ನೇ ತರಗತಿ ವಿದ್ಯಾರ್ಥಿಗಳು 11ನೇ ತರಗತಿಯಲ್ಲಿ ಪಡೆದ ಸರಾಸರಿ ಅಂಕಗಳ ಮಾಹಿತಿ ನೀಡುವಂತೆ, ಈ ನಡುವೆ ಸಿಐಸಿಎಸ್‌ಇ ಮಂಡಳಿ ತನ್ನ ಅಧೀನ ಶಾಲೆಗಳಿಗೆ ಸೂಚಿಸಿದೆ.