ಬೆಂಗಳೂರು | ರಾಜಕಾಲುವೆಯಲ್ಲಿ ಕೊಚ್ಚಿಹೋದ ಮಗು

ಬೆಂಗಳೂರು: ಮಾರತಹಳ್ಳಿ ಠಾಣೆ ವ್ಯಾಪ್ತಿಯ ರಾಜಕಾಲುವೆಯಲ್ಲಿ 6 ವರ್ಷದ ಮಗು ಕೊಚ್ಚಿ ಹೋಗಿದೆ.

ನಗರದಲ್ಲಿ ಗುರುವಾರ ರಾತ್ರಿಯಿಡಿ ಮಳೆ ಆಗಿದೆ. ರಾಜಕಾಲುವೆಯಲ್ಲಿ ನೀರು ಹೆಚ್ಚಿನ ಪ್ರಮಾಣದಲ್ಲಿ ಹರಿಯುತ್ತಿದೆ. ಆಟವಾಡುತ್ತಿದ್ದ ವೇಳೆಯೇ ಶುಕ್ರವಾರ ಮಧ್ಯಾಹ್ನ ರಾಜಕಾಲುವೆಗೆ ಬಿದ್ದು ಮೊನಾಲಿಕ (6) ಎಂಬ ಮಗು ಕೊಚ್ಚಿ ಹೋಗಿದೆ.

ಮಂತ್ರಿ ಅಪಾರ್ಟ್‌ಮೆಂಟ್ ಬಳಿ ಈ ಘಟನೆ ನಡೆದಿದೆ. ಮೊನಾಲಿಕ ತಂದೆ ನಿತ್ಯಾನಂದ, ಅಸ್ಸಾಂನವರು. 

ಸ್ಥಳಕ್ಕೆ ಮಾರತಹಳ್ಳಿ ಪೊಲೀಸರು ಹಾಗೂ ಅಗ್ನಿ ಶಾಮಕ ದಳದ ಸಿಬ್ಬಂದಿ ಭೇಟಿ ನೀಡಿದ್ದಾರೆ. ಮಗುವಿಗಾಗಿ ಹುಡುಕಾಟ ನಡೆದಿದೆ.