ಭಾನುವಾರ, ಸೆಪ್ಟೆಂಬರ್ 27, 2020
22 °C

ತೆರವಾಗದ ಕೊಂಬೆ: ಸಾರ್ವಜನಿಕರಲ್ಲಿ ಆತಂಕ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ಬೆಂಗಳೂರು: ನಗರದ ಸುಂಕದಕಟ್ಟೆ ಶ್ರೀಗಂಧದ ಕಾವಲು ಸಮೀಪದ ಪೂರ್ಣಚಂದ್ರ ಬಡಾವಣೆಯಲ್ಲಿ ಎರಡು ತಿಂಗಳಿನಿಂದ ಮರದ ಕೊಂಬೆಯೊಂದು ರಸ್ತೆಯ ಮೇಲೆ ಬೀಳುವ ಸ್ಥಿತಿಯಲ್ಲಿ ಇದ್ದು, ಬೆಸ್ಕಾಂ ಮತ್ತು ಬಿಬಿಎಂಪಿಗಳ ಸಮನ್ವಯದ ಕೊರತೆಯಿಂದ ರೆಂಬೆಯನ್ನು ತೆರವುಗೊಳಿಸುವ ಕೆಲಸ ಆಗಿಲ್ಲ.

ಬಡಾವಣೆಯ 5ನೇ ಅಡ್ಡರಸ್ತೆ, 5ನೇ ಮುಖ್ಯರಸ್ತೆಯಲ್ಲಿ ಮರವೊಂದರ ಕೊಂಬೆ ಮೇ 23ರಂದು ಬೀಸಿದ ಭಾರಿ ಗಾಳಿಗೆ ಮುರಿದು ಪಕ್ಕದ ಮನೆಗೆ ತಾಗಿ ನಿಂತಿತ್ತು. ಮುರಿದ ಕೊಂಬೆ ಕೆಳಗೆ ಬಿದ್ದಿದ್ದರೆ ವಿದ್ಯುತ್ ಕಂಬಗಳು ಮುರಿದು ಹೋಗುತ್ತಿದ್ದವು, ಜನರು, ವಾಹನಗಳಿಗೆ ತೊಂದರೆ ಆಗಿಬಿಡುತ್ತಿತ್ತು.

ಅಂದು ಯಾವ ಸ್ಥಿತಿಯಲ್ಲಿ ಮರದ ಕೊಂಬೆ ಇತ್ತೋ, ಎರಡು ತಿಂಗಳ ಬಳಿಕವೂ ಅದೇ ಸ್ಥಿತಿಯಲ್ಲಿ ಕೊಂಬೆ ಇದೆ. ಇನ್ನೊಮ್ಮೆ ಬಲವಾಗಿ ಗಾಳಿ ಬೀಸಿದರೆ ಮುರಿದ ಕೊಂಬೆ ರಸ್ತೆಯ ಮೇಲೆ ಬೀಳುವ ಅಪಾಯ ಇದೆ. 

ಬಿಬಿಎಂಪಿ ಕೊಂಬೆ ತೆರವುಗೊಳಿಸುವ ಮೊದಲು ಅದರ ಕೆಳಭಾಗದಲ್ಲಿರುವ ವಿದ್ಯುತ್ ತಂತಿಯನ್ನು ಬೆಸ್ಕಾಂ ತೆರವುಗೊಳಿಸಬೇಕು. ಆದರೆ ಎರಡೂ ಇಲಾಖೆಗಳಿಗೆ ತಾಳಮೇಳ ಕೂಡಿ ಬಂದೇ ಇಲ್ಲ. ಸ್ಥಳೀಯರು ಹಲವಾರು ಬಾರಿ ಮನವಿ ಮಾಡಿಕೊಂಡರೂ ಫಲಿತಾಂಶ ಶೂನ್ಯ. ದೊಡ್ಡ ಅಪಾಯ ಎದುರಾಗುವ ಮೊದಲಾದರೂ ಇಲಾಖೆಗಳು ಒಟ್ಟಾಗಿ ಕೊಂಬೆ ತೆರವು ಕಾರ್ಯಾಚರಣೆ ನಡೆಸುತ್ತವೆಯೇ? ಎಂಬುದು ಸ್ಥಳೀಯರ ಪ್ರಶ್ನೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು