ಭಾನುವಾರ, ಸೆಪ್ಟೆಂಬರ್ 27, 2020
28 °C

ಬಿಡಿಎ: 240 ನಿವೇಶನಗಳ ಇ–ಹರಾಜಿನಿಂದ ₹172 ಕೋಟಿ ವರಮಾನ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಬೆಂಗಳೂರು: ಬೆಂಗಳೂರು ಅಭಿವೃದ್ಧಿ ಪ್ರಾಧಿಕಾರವು (ಬಿಡಿಎ) ವಿವಿಧ ಬಡಾವಣೆಗಳಲ್ಲಿರುವ 240 ನಿವೇಶನಗಳನ್ನು ಇ-ಹರಾಜು ನಡೆಸಿದ್ದು ಇದರಿಂದ ಒಟ್ಟು ₹171.99 ಕೋಟಿ ವರಮಾನ ಗಳಿಸಲಿದೆ.

ಪ್ರಾಧಿಕಾರವು ಎರಡನೇ ಹಂತದಲ್ಲಿ ಒಟ್ಟು 308 ನಿವೇಶನಗಳನ್ನು ಇ–ಹರಾಜಿಗೆ ಇಟ್ಟಿತ್ತು. ಅದರಲ್ಲಿ ಒಂದು ನಿವೇಶನದ ಹರಾಜು ಪ್ರಕ್ರಿಯೆಯನ್ನು ರದ್ದುಪಡಿಸಿತ್ತು. ಜುಲೈ 20ರಂದು ಆರಂಭಗೊಂಡ ಇ-ಹರಾಜಿನಲ್ಲಿ ಸುಮಾರು 1,601 ಬಿಡ್ಡುದಾರರು ಭಾಗವಹಿಸಿದ್ದರು. ಒಟ್ಟು 45 ನಿವೇಶನಗಳ ಹರಾಜಿನಲ್ಲಿ ಯಾವುದೇ ಬಿಡ್ಡುದಾರರು ಭಾಗವಹಿಸಲಿಲ್ಲ. ಒಟ್ಟು 22 ನಿವೇಶನಗಳಿಗೆ ಮೂಲ ದರಕ್ಕಿಂತ ಶೇ 5ಕ್ಕಿಂತ ಕಡಿಮೆ ಮೊತ್ತವನ್ನು ಬಿಡ್ಡುದಾರರು ದಾಖಲಿಸಿದ್ದು, ಅವುಗಳು ಹರಾಜಾಗಿಲ್ಲ.

ಈ ಬಾರಿಯ ಇ–ಹರಾಜಿನಲ್ಲಿ ಬಿಡಿಎ ನಿವೇಶನಗಳು ಮೂಲದ ದರದ ಒಟ್ಟು ಮೊತ್ತ ₹103. 87 ಕೋಟಿ. ಅದಕ್ಕಿಂತ  ಸರಾಸರಿ ಶೇ 65.58ರಷ್ಟು ಹೆಚ್ಚು ಮೊತ್ತಕ್ಕೆ ನಿವೇಶನಗಳು ಮಾರಾಟವಾಗಿವೆ.

ಎರಡು ಹಂತಗಳಲ್ಲಿ ನಡೆಸಿರುವ ಈ ಹರಾಜು ಪ್ರಕ್ರಿಯೆಗೆ ಉತ್ತಮ ಪ್ರತಿಕ್ರಿಯೆ ಬಂದಿದೆ. ಮೂರನೇ ಹಂತದ ಇ–ಹರಾಜು ಪ್ರಕ್ರಿಯೆಗೆ ಸಿದ್ಧತೆ ನಡೆದಿದ್ದು, ಈ ಬಗ್ಗೆ ಅಧಿಸೂಚನೆಯನ್ನು ಶೀಘ್ರವೇ ಹೊರಡಿಸಲಾಗುವುದು ಎಂದು ಬಿಡಿಎ ತಿಳಿಸಿದೆ. 

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು