ಸೇವೆಗೆ ಮನಸ್ಸು ಸಾಕು: ಬೇಜವಾಡ ವಿಲ್ಸನ್‌

ಬೆಂಗಳೂರು: ಸೇವೆ ಮಾಡುವ ಮನಸ್ಸೊಂದಿದ್ದರೆ ನಿಮಗೆ ಯಾವ ಯೋಜನೆ, ಕಾರ್ಯವಿಧಾನಗಳು ಬೇಡ. ಎಲ್ಲ ಹಾದಿಗಳು ತಂತಾನೆ ತೆರೆದುಕೊಳ್ಳುತ್ತವೆ. – ಇದು ಸಫಾಯಿ ಕರ್ಮಚಾರಿ ಆಂದೋಲನದ ನಾಯಕ, ಮ್ಯಾಗ್ಸೇಸೆ ಪ್ರಶಸ್ತಿ ಪುರಸ್ಕೃತ ಬೇಜವಾಡ ವಿಲ್ಸನ್ ಅವರ ಅಂತರಂಗ.

. ಕನ್ನಡ ಸಂಸ್ಕೃತಿ ಇಲಾಖೆ ಆಶ್ರಯದಲ್ಲಿ ನಗರದಲ್ಲಿ ಶನಿವಾರ ನಡೆದ ಮನೆಯಂಗಳದಲ್ಲಿ ಮಾತುಕತೆ ಕಾರ್ಯಕ್ರಮದಲ್ಲಿ ಅವರು ಮನಸ್ಸು ತೆರೆದಿಟ್ಟರು. ಅವರ ಮಾತಿನ ಕೆಲವು ಝಲಕ್...

. ದೆಹಲಿಯಲ್ಲಿ ಡಿಎಲ್ಎಫ್ ಅಪಾರ್ಟ್ಮೆಂಟ್ನಲ್ಲಿ ಶೌಚಗುಂಡಿ ಸ್ವಚ್ಛತೆಗೆ ಇಳಿದಿದ್ದ ಐವರು ಕಾರ್ಮಿಕರು ಮೃತಪಟ್ಟರು. 26 ಮಹಡಿಗಳ ಕಟ್ಟಡ ಕಟ್ಟುವ, ಅದರ ಮೇಲೇರುವ ತಂತ್ರಜ್ಞಾನ ಇರುವ ನಮ್ಮಲ್ಲಿ ಶೌಚಗುಂಡಿ ಸ್ವಚ್ಛಗೊಳಿಸುವ ತಂತ್ರಜ್ಞಾನ ಇಲ್ಲವೇ?

. ಅಮಾಯಕರ ಸಾವುಗಳಾದಾಗ ಜವಾಬ್ದಾರಿ ಹೊರುವ ಒಬ್ಬನೇ ಅಧಿಕಾರಿ ಅಥವಾ ಜನನಾಯಕ ಇರುವುದಿಲ್ಲ. ಎಲ್ಲರೂ ತಪ್ಪಿಸಿಕೊಳ್ಳುವರೇ. ಒಬ್ಬ ಜವಾಬ್ದಾರಿಯುತ ನಾಯಕ ಹುಟ್ಟಿ ಬರಬೇಕಿದೆ. ಮಲಹೊರುವ ಪದ್ಧತಿ ಇಲ್ಲ ಎಂದು ಎಲ್ಲ ಜಿಲ್ಲಾಧಿಕಾರಿಗಳು ಸುಪ್ರೀಂ ಕೋರ್ಟ್ಗೆ ಸುಳ್ಳು ಹೇಳಿದ್ದಾರೆ. ಆ ತಾಕತ್ತು ಅವರಿಗಿದೆ. ಈ ಪದ್ಧತಿಯನ್ನು ಕೈಬಿಡಬೇಕು ಎಂದು ನಡೆಸಿದ ಹೋರಾಟ ಸಂಬಂಧಿಸಿದ ಪ್ರಕರಣವನ್ನು ಸುಪ್ರೀಂ ಕೋರ್ಟ್ನಲ್ಲಿ 23 ನ್ಯಾಯಮೂರ್ತಿಗಳು ವಿಚಾರಣೆ ನಡೆಸಿದ್ದಾರೆ. ಯಾರಿಂದಲೂ ನಮಗೆ ನ್ಯಾಯ ಸಿಕ್ಕಿಲ್ಲ.

. ಪ್ರಜಾಪ್ರಭುತ್ವ ವ್ಯವಸ್ಥೆಯ ದೇಶದಲ್ಲಿ ಸೇವೆ ಮಾಡುವುದು ಬಹಳ ಕಷ್ಟ. ನೀವು ಒಳ್ಳೆಯದಕ್ಕೆ ಮುಂದಾದಾಗ ಸರ್ಕಾರ, ಅಧಿಕಾರಶಾಹಿ ವ್ಯವಸ್ಥೆ, ಕಾನೂನು ಎಲ್ಲವೂ ನಮ್ಮ ವಿರುದ್ಧ ತಿರುಗಿ ಬೀಳುತ್ತವೆ. ಪ್ರಜಾಪ್ರಭುತ್ವದ ವಿನ್ಯಾಸ ಶ್ರೀಮಂತರಿಗಷ್ಟೇ ಅನುಕೂಲವಾಗುವಂತೆ ಸುಂದರವಾಗಿದೆ.

. ಅಮ್ಮನ ನೆನಪು

. ನನ್ನ ಅಮ್ಮನಿಗೊಂದು ಹೆಸರೇ ಇರಲಿಲ್ಲ. ಅವರನ್ನು ಚಿನ್ನಮ್ಮ ಎಂದು ಕರೆಯುತ್ತಿದ್ದರು. ಅಂದರೆ ಸಣ್ಣವಳು ಎಂದು ಅರ್ಥ ಅಷ್ಟೆ. ಅವರನ್ನು ಕರೆಯಲು ಹೆಸರು ಇರಬೇಕು ಎಂದು ಯಾರಿಗೂ ಅನಿಸಲಿಲ್ಲ. ಎಲ್ಲರನ್ನೂ ಒಟ್ಟಾಗಿ ತೋಟಿ ಎಂದು ಕರೆಯುತ್ತಿದ್ದರು. ಈ ಕೆಲಸ ಏಕೆ ಮಾಡಬೇಕು ಎಂದು ಅಮ್ಮನನ್ನು ಕೇಳಿದೆ. ಅವರೆಂದರು, ಅದನ್ನು ನೀವು ಕೇಳಬಾರದು. ನೀವು ಈ ಕೆಲಸ ಮುಂದುವರಿಸಬಾರದು. ಚೆನ್ನಾಗಿ ಓದಿ ಈ ಕೆಲಸದಿಂದ ದೂರ ಹೋಗಬೇಕು ಎನ್ನುತ್ತಿದ್ದರು. ಹೌದು ಸಫಾಯಿ ಕರ್ಮಚಾರಿಗಳಿಗೆ ತಮ್ಮ ವ್ಯಥೆ ಹೇಳಿಕೊಳ್ಳಲು ಒಂದು ಭಾಷೆಯೂ ಇಲ್ಲ.

. ಜ್ವಾಲಾಮುಖಿಯಂಥ ವ್ಯಥೆ

. ವ್ಯಥೆ ಜ್ವಾಲಾಮುಖಿಯಂತೆ ಮಡುಗಟ್ಟಿದೆ. ಹಾಗಾಗಿ ನನ್ನದು ಸಫಾಯಿ ಕರ್ಮಚಾರಿ ಎಂಬುದೇ ಭಾಷೆ. ಹೋರಾಟಗಳ ಮೂಲಕ ಸ್ವಲ್ಪ ಹೆಸರು ಬಂದಾಗ ರಾಜಕೀಯ ಸೇರುವಂತೆ ಒತ್ತಡ ಬಂದಿತು. ಆಗ ನನ್ನನ್ನೇ ಪ್ರಶ್ನಿಸಿಕೊಂಡೆ. ನನ್ನ ಹಿನ್ನೆಲೆ, ಬಂದ ಉದ್ದೇಶ ಇತ್ಯಾದಿ ಬಗ್ಗೆ ಯೋಚಿಸಿದೆ. ಈ ಹೊತ್ತಿನಲ್ಲಿ ಅಂಬೇಡ್ಕರ್ ಬಗ್ಗೆ ಓದಿದೆ. ಅದು ನನ್ನ ಬದುಕನ್ನೇ ಬದಲಾಯಿಸಿತು. ಆದ್ದರಿಂದ ಇಂದಿನ ಶಿಕ್ಷಣದಲ್ಲಿ ಎಲ್ಲ ತರಗತಿಗಳ ಪಠ್ಯದಲ್ಲಿ ಅಂಬೇಡ್ಕರ್ ಅವರ ವಿಚಾರಧಾರೆಯನ್ನು ಅಧ್ಯಯನ ವಸ್ತುವನ್ನಾಗಿ ಸೇರಿಸಬೇಕು.

. ಓದಿದ್ದು, ಬೆಳೆದದ್ದು...

. ನಾನಿ ಓದಿದ್ದು ಕೇವಲ 10ನೇ ತರಗತಿ. ಆ ಪ್ರಮಾಣ ಪತ್ರ ನನ್ನಲ್ಲಿದೆ. ಆ ಬಳಿಕ ಬೇರೆ ಬೇರೆ ಪದವಿ ಕೋರ್ಸ್ಗಳಿಗೆ ಸೇರಿದೆ. ಯಾವುದನ್ನೂ ಪೂರ್ಣಗೊಳಿಸಲು ಆಗಲಿಲ್ಲ. ಈಗ ಕೆಲವು ವಿಶ್ವವಿದ್ಯಾಲಯಗಳು ಇವ ನಮ್ಮ ವಿದ್ಯಾರ್ಥಿ ಎಂದು ಹೇಳಿಕೊಳ್ಳುತ್ತಿವೆ. ಅದಕ್ಕೆ ನನ್ನ ಆಕ್ಷೇಪ ಇಲ್ಲ.

. ಇಂಗ್ಲಿಷ್ ಶಾಲೆಗೆ ಹೋಗಬೇಕಿತ್ತು. ಆದರೆ ತರಗತಿಯೊಳಗೆ ಹೋಗುವಾಗ ಅದೇನೋ ಹೇಳುತ್ತಾರೆ. ‘ಮೇ ಐ ಕಮಿನ್’ ಎಂದು ಹೇಳಬೇಕು. ಅದು ನನಗೆ ತಿಳಿದದ್ದು ಇತ್ತೀಚೆಗೆ.

. ಕರ್ನಾಟಕದ ಬಗ್ಗೆ...

. ಸಾಮಾನ್ಯನೊಬ್ಬ ಮುಕ್ತವಾಗಿ ವಿಧಾನಸೌಧದೊಳಗೆ ಹೋಗಿ ತನಗೆ ಬೇಕಾದವರನ್ನು ಭೇಟಿಯಾಗುವ ಅವಕಾಶ ಇರುವುದು ಕರ್ನಾಟಕದಲ್ಲಿ ಮಾತ್ರ. ಇಲ್ಲಿ ಎಲ್ಲರನ್ನೂ ಸ್ವೀಕರಿಸುತ್ತಾರೆ. ಹಾಗೆಂದು ಇಲ್ಲಿ ಎಲ್ಲವೂ ಚೆನ್ನಾಗಿದೆ ಎಂದು ಅರ್ಥವಲ್ಲ. ಗೌರಿ, ಕಲಬುರ್ಗಿ ಹತ್ಯೆ ಆಗಿದ್ದು ಇದೇ ನೆಲದಲ್ಲಿಯೇ ಅಲ್ಲವೇ? ಕೆಲವು ಶಕ್ತಿಗಳು ಈ ನೆಲದ ಸಂಸ್ಕೃತಿಗೆ ವಿರುದ್ಧವಾಗಿಯೇ ವರ್ತಿಸುತ್ತಿವೆ.

. ಆಗಬೇಕಾದದ್ದು...

. ಕರ್ನಾಟಕದಲ್ಲಿ ಎಲ್ಲ ಪ್ರಗತಿಪರ ಸಂಘಟನೆಗಳು ಒಂದೇ ವೇದಿಕೆಯಡಿ ಬರಬೇಕು. ಕೊನೇ ಪಕ್ಷ ಮಲದ ಗುಂಡಿಗಳಲ್ಲಿ ಚರಂಡಿ ಸ್ವಚ್ಛತೆಯಲ್ಲಿ ಕಾರ್ಮಿಕರು ಸಾಯುವುದು ತಪ್ಪಬೇಕು. ಈ ನಿಟ್ಟಿನಲ್ಲಿ ಹೋರಾಟ ಕಟ್ಟೋಣ. ಸರ್ಕಾರಕ್ಕೆ ಒಂದು ವರ್ಷ ಗಡುವು ಕೊಡೋಣ. ಪರಿಸ್ಥಿತಿ ಬದಲಾಗದಿದ್ದರೆ. ಸರ್ಕಾರದ ವಿರುದ್ಧ ಧಿಕ್ಕಾರ ಕೂಗೋಣ. ಆದರೆ, ರಾಜ್ಯದ ವಿರುದ್ಧ ಅಲ್ಲ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಸೇವೆಗೆ ಮನಸ್ಸು ಸಾಕು: ಬೇಜವಾಡ ವಿಲ್ಸನ್‌

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಯಾಗ-ಯೋಗ!

ಸಿದ್ದರಾಮಯ್ಯ ಅವರ 'ನಾನೇ CM' ಹೇಳಿಕೆ ಬೆನ್ನಲ್ಲೇ ಖರ್ಗೆ ನಿವಾಸಕ್ಕೆ ಸಚಿವರ ದಂಡು

ಚುರುಮುರಿ: ಇಂಗ್ಲಿಷ್ ಅವಮಾನ!

Lord's Test | ಬಿರುಗಾಳಿಯಾದ ಬೂಮ್ರಾ; ಇಂಗ್ಲೆಂಡ್‌ಗೆ ಆಸರೆಯಾದ ಜೆಮೀ ಸ್ಮಿತ್

ಭದ್ರತಾ ಪರಿಸ್ಥಿತಿ ಅವಲೋಕಿಸಿದ ಬಳಿಕ ಭಾರತಕ್ಕೆ ಹಾಕಿ ತಂಡ: ಪಾಕ್

ವಿದೇಶಿ ಪ್ರವಾಸಗಳಲ್ಲಿ ಕುಟುಂಬಸ್ಥರ ಉಪಸ್ಥಿತಿಗೆ ಮಿತಿ: ನಿಯಮ ಬೆಂಬಲಿಸಿದ ಗಂಭೀರ್

ಪ್ರತಿಭಾವಂತ ಟೆನಿಸ್ ಆಟಗಾರ್ತಿ ರಾಧಿಕಾ ಯಾದವ್ ಕೊಲೆಗೆ ಆ ವಿಡಿಯೊ ಕಾರಣವಾಯಿತೇ?

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಯಾಗ-ಯೋಗ!

ಸಿದ್ದರಾಮಯ್ಯ ಅವರ 'ನಾನೇ CM' ಹೇಳಿಕೆ ಬೆನ್ನಲ್ಲೇ ಖರ್ಗೆ ನಿವಾಸಕ್ಕೆ ಸಚಿವರ ದಂಡು

ಚುರುಮುರಿ: ಇಂಗ್ಲಿಷ್ ಅವಮಾನ!