ಶುಕ್ರವಾರ, ಏಪ್ರಿಲ್ 23, 2021
30 °C

ಟಿ–90 ಟ್ಯಾಂಕ್‌ಗೆ ಸಾಧನ ಪೂರೈಸಲಿದೆ ಬೆಮೆಲ್‌

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಟಿ–90 ಟ್ಯಾಂಕ್‌ ಜೊತೆಗಿನ ಗಣಿ ಅಗೆಯುವ ಸಾಧನ

ಬೆಂಗಳೂರು: ಯುದ್ಧಭೂಮಿಯಲ್ಲಿ ಟಿ–90 ಟ್ಯಾಂಕ್‌ಗಳ ಸರಾಗ ಚಲನೆಗೆ ನೆರವು ನೀಡುವ ಸಾಧನಗಳನ್ನು ಪೂರೈಸುವ ಒಪ್ಪಂದಕ್ಕೆ ರಕ್ಷಣಾ ಸಚಿವಾಲಯದೊಂದಿಗೆ ಭಾರತ್‌ ಅರ್ಥ್‌ ಮೂವರ್ಸ್‌ ಲಿಮಿಟೆಡ್‌ (ಬೆಮೆಲ್‌) ಸಹಿ ಹಾಕಿದೆ. ಅಂದಾಜು ₹557 ಕೋಟಿ ಮೊತ್ತದ 1,512 ಸಾಧನಗಳನ್ನು ಬೆಮೆಲ್‌ ಪೂರೈಸಲಿದೆ. 

‘ಮೇಕ್‌ ಇನ್‌ ಇಂಡಿಯಾ’ ನೀತಿ ಅಡಿಯಲ್ಲಿ ಈ ಒಪ್ಪಂದ ಮಾಡಿಕೊಳ್ಳಲಾಗಿದೆ. ಇಂಗ್ಲೆಂಡ್‌ನ ಪಿಯರ್ಸನ್‌ ಎಂಜಿನಿಯರಿಂಗ್‌ ಕಂಪನಿ ಸಹಕಾರದೊಂದಿಗೆ ಈ ಸಾಧನಗಳನ್ನು ಮತ್ತು ಅದಕ್ಕೆ ಬೇಕಾದ ವ್ಯವಸ್ಥೆಯನ್ನು ಬೆಮೆಲ್‌ ಅಭಿವೃದ್ಧಿ ಪಡಿಸಲಿದೆ. 

ಯುದ್ಧಪ್ರದೇಶಗಳಲ್ಲಿ ಸ್ಫೋಟಕಗಳನ್ನು ಅಡಗಿಸಿಟ್ಟ ಪ್ರದೇಶವನ್ನು ಅಗೆದು, ಟ್ಯಾಂಕ್‌ನ ಸರಾಗ ಚಲನೆಗೆ ಈ ಸಾಧನಗಳು ನೆರವು ನೀಡಲಿದೆ. 

1,512 ಸಾಧನಗಳ ಪೈಕಿ, ವರ್ಷದೊಳಗೆ 100 ಸಾಧನಗಳನ್ನು, ನಂತರ ಪ್ರತಿ ವರ್ಷಕ್ಕೆ 250ರಂತೆ ಏಳು ವರ್ಷಗಳಲ್ಲಿ ಎಲ್ಲ ಸಾಧನಗಳನ್ನು ಬೆಮೆಲ್‌ ಪೂರೈಸಲಿದೆ. 

‘ರಕ್ಷಣಾ ಇಲಾಖೆಯೊಂದಿಗೆ ಈ ಮಹತ್ವದ ಒಪ್ಪಂದಕ್ಕೆ ಸಹಿ ಹಾಕಿರುವುದಕ್ಕೆ ಹೆಮ್ಮೆ ಎನಿಸುತ್ತದೆ. ಸೇನಾಪಡೆಗಳಿಗೆ ಸೇವೆ ಒದಗಿಸುವ ಅವಕಾಶ ಸಿಕ್ಕಿರುವುದು ಬೆಮೆಲ್‌ನ ಸಾಮರ್ಥ್ಯಕ್ಕೆ ಸಾಕ್ಷಿ. ಆತ್ಮನಿರ್ಭರ ಭಾರತ ಕಲ್ಪನೆಯನ್ನು ಬೆಮೆಲ್‌ ಈ ಮೂಲಕ ಸಾಕಾರಗೊಳಿಸಲಿದೆ’ ಎಂದು ಕಂಪನಿಯ ಮುಖ್ಯ ವ್ಯವಸ್ಥಾಪಕ ನಿರ್ದೇಶಕ ಡಾ. ದೀಪಕ್‌ಕುಮಾರ್ ಹೋಟಾ ಹೇಳಿದ್ದಾರೆ. 

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು