‘ತಂದೆ–ತಾಯಿ ಜೊತೆ ಯುವತಿ ನೆಲೆಸಿದ್ದಾರೆ. ಜುಲೈ 9ರಂದು ಬೆಳಿಗ್ಗೆ ತಂದೆ–ತಾಯಿ ಕೆಲಸಕ್ಕೆ ಹೋಗಿದ್ದರು. ಯುವತಿ ಮನೆಯಲ್ಲೇ ಇದ್ದರು. ಅದೇ ಸಂದರ್ಭದಲ್ಲೇ ಮನೆಗೆ ಬಂದಿದ್ದ ಆರೋಪಿ, ವಿದ್ಯುತ್ ಬಿಲ್ ಕಲೆಕ್ಟರ್ ಎಂದು ಪರಿಚಯಿಸಿಕೊಂಡಿದ್ದ. ಯುವತಿ ಮೈ ಮೇಲಿನ ಚಿನ್ನದ ಆಭರಣ ನೋಡಿದ್ದ ಆರೋಪಿ, ‘ಈ ರೀತಿ ಆಭರಣ ಹಾಕಿಕೊಂಡು ಪ್ರದರ್ಶಿಸಬೇಡಿ. ಕಳ್ಳರು ಹೆಚ್ಚಾಗಿದ್ದಾರೆ. ಬಿಚ್ಚಿಕೊಡಿ ಹಾಳೆಯಲ್ಲಿ ಸುತ್ತಿ ಕೊಡುತ್ತೇನೆ’ ಎಂದಿದ್ದ. ಅದನ್ನು ನಂಬಿದ್ದ ಯುವತಿ, ಆಭರಣ ಬಿಚ್ಚಿ ಕೊಟ್ಟಿದ್ದರು’ ಎಂದು ಪೊಲೀಸರು ಹೇಳಿದರು.