ದಾಬಸ್‌ಪೇಟೆ: ₹ 100ರ ಗಡಿ ದಾಟಿದ ವೀಳ್ಯದೆಲೆ ಬೆಲೆ

ದಾಬಸ್ಪೇಟೆ: ಹಬ್ಬ, ಜಾತ್ರೆ, ಸಮಾರಂಭಗಳು ಸಾಲು ಸಾಲಾಗಿ ಆರಂಭವಾಗಿರುವುದರಿಂದ ವೀಳ್ಯದೆಲೆಯ ಬೆಲೆ ಆಕಾಶಮುಖ ಮಾಡಿದೆ. ಒಂದು ಕಟ್ಟು ಎಲೆಯ ದರ ₹ 100 ದಾಟಿದೆ.

. ಕಪ್ಪುಬಣ್ಣದ, ಚುಕ್ಕಿ ಇರುವ ಎಲೆಯೇ ಕಟ್ಟಿಗೆ ₹ 80 ರೂಪಾಯಿ ಇದ್ದರೆ, ಬಿಳಿ ಬಣ್ಣದ ಚಿಗುರೆಲೆಯ ಕಟ್ಟು ₹120ರಿಂದ ₹ 130ರವರೆಗೆ ಮಾರಾಟವಾಗುತ್ತಿದೆ. ಸಮಾರಂಭ ನಡೆಸುವವರಿಗೆ ಎಲೆಯ ಬೆಲೆಯೇ ಬಿಸಿಯಾಗಿದೆ. ಚಳಿಗಾಲದಲ್ಲಿ ವೀಳ್ಯದೆಲೆ ಬಳ್ಳಿಯಲ್ಲಿ (ಅಂಬು) ಹೊಸ ಚಿಗುರು ಬರುವುದಿಲ್ಲ. ಇದರಿಂದ ವೀಳ್ಯದೆಲೆ ಹೇರಳವಾಗಿ ಸಿಗುವುದಿಲ್ಲ ಇದು ಬೆಲೆ ಏರಿಕೆಗೆ ಕಾರಣವಾಗಿದೆ.

. ಹಿಂದೆ ಒಂದು ಕಟ್ಟು ವೀಳ್ಯದೆಲೆ ದರ ₹ 60ರಿಂದ ₹ 70 ಇರುತ್ತಿತ್ತು. ಮೂರು ವರ್ಷಗಳಿಂದಲೂ ದರ ₹ 100ರ ಗಡಿ ದಾಟುತ್ತಿದೆ ಎಂದು ವ್ಯಾಪಾರಸ್ಥರು ತಿಳಿಸಿದರು.

. ದರ ಕಡಿಮೆ ಇದ್ದಾಗ ಕಟ್ಟಿನಲ್ಲಿ 100 ರಿಂದ 120 ಎಲೆ ಇರುತ್ತವೆ. ಎಲೆಯ ಗುಣಮಟ್ಟವೂ ಉತ್ತಮವಾಗಿರುತ್ತದೆ. ಆದರೆ, ದರ ಏರಿಕೆ ಆಗಿರುವುದರಿಂದ ಕಟ್ಟಿನಲ್ಲಿರುವ ಎಲೆಗಳ ಸಂಖ್ಯೆ ಕೂಡ ಕಡಿಮೆಯಾಗಿದೆ. ಜೊತೆಗೆ ಕಟ್ಟಿನ ಮಧ್ಯೆ ಸಣ್ಣ ಹಾಗೂ ಹರಿದ ಎಲೆಗಳನ್ನು ಜೋಡಿಸುತ್ತಿದ್ದಾರೆ ಎಂದು ಗ್ರಾಹಕರು ಅಳಲು ತೋಡಿಕೊಂಡರು.

. ‘ವೀಳ್ಯದೆಲೆಯ ತೋಟಗಳು ಕಡಿಮೆಯಾಗುತ್ತಿವೆ. ಮದುವೆ, ಗೃಹಪ್ರವೇಶ, ಜಾತ್ರೆಯಂತಹ ಸಮಾರಂಭಗಳು ಹೆಚ್ಚಾಗಿ ನಡೆಯುವುದರಿಂದ ವೀಳ್ಯದೆಲೆಗೆ ಬೇಡಿಕೆ ಹೆಚ್ಚಾಗಿ ದರ ಅಧಿಕಗೊಂಡಿದೆ. ಬೇಸಿಗೆ ಆರಂಭವಾಗಿರುವುದೂ ಪೂರೈಕೆ ಕುಸಿತಕ್ಕೆ ಕಾರಣ’ ಎಂದು ಮಾರಾಟಗಾರ ರಾಮಣ್ಣ ಹೇಳಿದರು.

. ಡಿಸೆಂಬರ್ನಲ್ಲಿ ಕಟ್ಟಿಗೆ ₹ 50 ರಿಂದ ₹ 70ರ ಆಸುಪಾಸಿನಲ್ಲಿದ್ದ ದರವು ಜನವರಿ ವೇಳೆಗೆ ಹೆಚ್ಚಾಗಿತ್ತು. ಈಚೆಗೆ ನಿತ್ಯವು ದರ ಏರಿಕೆ ಆಗುತ್ತಿದೆ. ಸಾಧಾರಣ ಗುಣಮಟ್ಟದ ಎಲೆ ಕೂಡ ₹ 100ಕ್ಕೆ ಸಿಗುತ್ತಿಲ್ಲ. ಮುಂಗಾರು ಮಳೆ ಆರಂಭವಾಗಿ ಅಂಬುಗಳನ್ನು ಇಳಿಸಿ ಕಟ್ಟಿದ ಮೇಲೆ ಹೊಸ ಚಿಗುರು ಬಂದ ನಂತರವಷ್ಟೇ ದರ ಇಳಿಕೆ ಆಗಲಿದೆ ಎಂದರು.

. ನಮಗೆ ಆಗಾಗ ಎಲೆ ಅಡಿಕೆ ತಿನ್ನುವ ಅಭ್ಯಾಸ. ಆದರೆ ವೀಳ್ಯದೆಲೆ ಬೆಲೆ ಏರುತ್ತಿದ್ದು ಹತ್ತು ರೂಪಾಯಿಗೆ ಐದಾರು ಎಲೆ ಕೊಡುತ್ತಿದ್ದಾರೆ. ಅನಿವಾರ್ಯವಾಗಿ ಬಳಕೆ ಕಡಿಮೆ ಮಾಡಿದ್ದೇವೆ. –ಮುತ್ತಾಲಮ್ಮ, ಗ್ರಾಹಕಿ . ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ದಾಬಸ್‌ಪೇಟೆ: ₹ 100ರ ಗಡಿ ದಾಟಿದ ವೀಳ್ಯದೆಲೆ ಬೆಲೆ

WCC | ವಿಜಯಿಗಳ ಕಾದಾಟಕ್ಕೆ ಪಾಕಿಸ್ತಾನಕ್ಕಿಲ್ಲ ಆಹ್ವಾನ, RCB ಸ್ಪರ್ಧೆಯೂ ಅನುಮಾನ!

ಕರ್ನಾಟಕದಲ್ಲಿ ನಡೆಯುತ್ತಿರುವ ಒಳಮೀಸಲಾತಿ ಸಮೀಕ್ಷೆ ಬೋಗಸ್: ಅಂಬೇಡ್ಕರ್ ಮೊಮ್ಮಗ

ವಾರ ಭವಿಷ್ಯ: 06-7-2025ರಿಂದ 12-7-2025 ರವರೆಗೆ- ಆಭರಣ ವ್ಯಾಪಾರಿಗಳಿಗೆ ಲಾಭ

ಚಿನಕುರುಳಿ | 06 ಜುಲೈ 2025, ಭಾನುವಾರ

ಅಮೋಘ ಬೌಲಿಂಗ್ ಶ್ರೇಯವನ್ನು ಕ್ಯಾನ್ಸರ್‌ಪೀಡಿತ ಸಹೋದರಿಗೆ ಅರ್ಪಿಸಿದ ಆಕಾಶ್ ದೀಪ್

ಹುಬ್ಬಳ್ಳಿ: ಎಂಜಿನಿಯರ್‌ ಈಗ ಬಿಸಿಸಿಐ ಅಂಪೈರ್‌

ವಿಶ್ವ ಬಾಕ್ಸಿಂಗ್ ಕಪ್: ಸಾಕ್ಷಿ, ಜಾಸ್ಮಿನ್‌, ನೂಪುರ್‌ಗೆ ಚಿನ್ನ

Wimbeldon: ಪುರುಷರ ಡಬಲ್ಸ್‌: ಕ್ವಾರ್ಟರ್‌ ಫೈನಲ್‌ಗೆ ಫ್ರಿಟ್ಜ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

WCC | ವಿಜಯಿಗಳ ಕಾದಾಟಕ್ಕೆ ಪಾಕಿಸ್ತಾನಕ್ಕಿಲ್ಲ ಆಹ್ವಾನ, RCB ಸ್ಪರ್ಧೆಯೂ ಅನುಮಾನ!

ಕರ್ನಾಟಕದಲ್ಲಿ ನಡೆಯುತ್ತಿರುವ ಒಳಮೀಸಲಾತಿ ಸಮೀಕ್ಷೆ ಬೋಗಸ್: ಅಂಬೇಡ್ಕರ್ ಮೊಮ್ಮಗ

ವಾರ ಭವಿಷ್ಯ: 06-7-2025ರಿಂದ 12-7-2025 ರವರೆಗೆ- ಆಭರಣ ವ್ಯಾಪಾರಿಗಳಿಗೆ ಲಾಭ

ಚಿನಕುರುಳಿ | 06 ಜುಲೈ 2025, ಭಾನುವಾರ